ბაღდათის მუნიციპალიტეტის ახლადრეაბილიტირებულ სკვერში, 9 ზეთის ხილის ხე, სოფელ ნერგეეთში სტიქიის შედეგად გარდაცვლილთა ხსოვნის პატივგების ნიშნად დაირგო.

ბაღდთის მერიის თვითმმართველობის ინიციატივით, ნერგეეთის სტიქიის შედეგად გარდაცვლილთა ხსოვნის პატივისცემის ნიშნად ამავე სკვერში მემორიალური დაფა განთავსდება.

დღეს ქუთაისელი ჟურნალისტის,ქეთი ბერძენიშვილის ლექსების კრებულის პრეზენტაცია გაიმართა.

წიგნი სახელწოდებით ,,სიზმრიდან გამოქცეული,,  ელგუჯა თავბერიძის და ამერიკაში მცხოვრები ქუთაისელი ჟურნალისტის, ლელა ვაშაკიძის ფინანსური მხარდაჭერით გამოიცა.

საღამოზე წარმოდგენილი იქნა სამოქალაქო თეატრის პერფორმანსი ქეთი ბერძენიშვილის ლექსების მიხედვით, ყველა სტუმარს გადაეცა ლექსების კრებული წიგნის რედაქტორი ეკა თხილავა, მხატვარი ირმა კუხიანიძე.

საღამოს ორგანიზატორი იყო ჟურნალისტი მაია ყუფარაძე,  მოდერატორი ხვიჩა ვაშაყმაძე.

 რადიო „ძველი ქალაქის“ დამფუძნებელი და პროგრამების დირექტორი; რადიო „თავისუფლების“ ჟურნალისტი (2017-2020); ქეთი ბერძენიშვილი ცოტა ხნის წინ გარდაიცვალა

ქეთი ბერძენიშვილი  იყო „გენდერის მედიაცენტრის“ დირექტორი; ქუთაისის მუნიციპალიტეტის „გენდერული საბჭოს“ წევრი; ქუთაისის მერთან არსებული მრჩეველთა საბჭოს წევრი; ჰაინრიხ ბიოლის ფონდის სამხრეთ კავკასიის რეგიონული ბიუროს მოდერატორი; არაერთი საერთაშორისო პროექტის ავტორი. 2021 წლიდან სიცოცხლის ბოლომდე აკაკი წერეთლის სახელმწიფო უნივერსიტეტის ჟურნალისტიკის მიმართულების მოწვეული პრაქტიკოსი ჟურნალისტი (საგანი -რადიოჟურნალისტიკის პრაქტიკული კურსი.

ფოტოების ავტორი მამუკა კაკაურიძე.

ბაღდათის მუნიციპალიტეტის მერიის სოციალური სამსახურის და შეზღუდული შესაძლებლობის მქონე პირთა საბჭოს წარმომადგენლებმა, მუნიციპალიტეტში მცხოვრებ დაუნის სინდრომის მქონე ბავშვებს "GAME ზონა"- ს სივრცეში უმასპინძლეს, სადაც მათ მხიარულ განწყობაზე ანიმატორებმა იზრუნეს.

ღონისძიების დასასრულს,მუნიციპალიტეტის მერიის და საკრებულოს წარმომადგენლებმა დაუნის სინდრომის მქონე ბავშვებს საჩუქრები გადასცეს.

ბაღდათის მუნიციპალიტეტში 21 მარტს დაუნის სინდრომის საერთაშორისო დღე ტრადიციულად სხვადასხვა სახის შემეცნებითი ღონისძიებებით აღინიშნება.

21 მარტი დაუნის სინდრომის მსოფლიო დღეა,რომელიც პირველად 2006 წელს აღინიშნა,ხოლო 2011 წლიდან გაერომ მოუწოდა ყველა ქვეყანას,ჩართულიყვნენ საგანმანათლებლო კამპანიაში.

დაუნის სინდრომი 21-ე ქრომოსომით გამოწვეული გენეტიკური მდგომარეობაა.სწორედ ამიტომ აღინიშნება წლის მესამე თვის 21-ე დღეს,ანუ 21 მარტს.

მთავარი მიზანი კი არის საზოგადოების ცნობიერების ამაღლება დაუნის სინდრომის მქონე ადამიანთა მხარდასაჭერად.

დაუნის სინდრომის მსოფლიო დღეს საქართველოს დაუნის სინდრომის ასოციაცია უკვე მეცამეტედ აღნიშნავს  და ყოველწლიურ კამპანიას #წინდამინდა ატარებს.

 ქუთაისის მერმა იოსებ ხახალეიშვილმა, საკრებულოს თავმჯდომარემ ირაკლი შენგელიამ, მაჟორიტარმა დეპუტატმა ზაზა ლომინაძემ, ადგილობრივი ხელისუფლების წარმომადგენლებთან ერთად, პროფესიული დღე  ა(ა)იპ  „ სპეციალური სერვისების“ თანამშრომლებს მიულოცეს და სასაჩუქრე ვაუჩერები გადასცეს.

გარემოს ეროვნული სააგენტოს ინფორმაციით,22 მარტიდან 24 მარტის დილამდე საქართველოში მოსალოდნელია დროგამოშვებით წვიმა, მაღალმთაში თოვლი, ზოგან ძლიერი, შესაძლებელია ნისლი. 

მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო მაღალმთიან რეგიონებში ზვავების ფორმირება გამოიწვიოს. 

ხილვადობის გაუარესების და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.