სამართალდამცველებმა პროსტიტუციის ხელშეწყობისა და პროსტიტუციისთვის ადგილის გადაცემის ბრალდებით, ტაილანდის 7 მოქალაქე დააკავეს და 10 ობიექტი დახურეს.

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლების მიერ ჩატარებული გამოძიებით, მათ შორის მოსამართლის განჩინების საფუძველზე განხორციელებული ფარული საგამოძიებო მოქმედებების შედეგად დადგინდა, რომ ბრალდებულები პროსტიტუციაში ჩაბმულ ქალებს სისტემატურად ხელს უწყობდნენ. კერძოდ, მათ თბილისში, ნიკოლაძის, ვაშლოვანის, კოსტავასა და ახვლედიანის ქუჩებზე მდებარე ობიექტებში ფართებს გარკვეული თანხის სანაცვლოდ გადასცემდნენ.

გარემოს ეროვნული სააგენტო მაღალი რისკის სამი მუნიციპალიტეტისთვის გეოლოგიური საფრთხეების დეტალურ რუკებს მოამზადებს.

გარემოს ეროვნულ სააგენტოსა და გაეროს განვითარების პროგრამას (UNDP) შორის შეთანხმება გაფორმდა, რომელიც სააგენტოს გეოლოგიის დეპარტამენტის სპეციალისტების მიერ სამი მაღალი რისკის მქონე მუნიციპალიტეტისათვის - ვანის, ბაღდათისა და ქობულეთისთვის - გეოლოგიური საფრთხეების (მეწყერი, ღვარცოფი) დეტალური რუკების შედგენას ითვალისწინებს. სამუშაო პროცესში განახლდება გეოლოგიური საფრთხეების მონაცემთა ბაზა, მოხდება მეწყრების დეტალური აღწერა და მომზადდება საფრთხეების ზონირების რუკები. 

აღნიშნული მუნიციპალიტეტებისთვის მსგავსი მასშტაბის რუკები პირველად მზადდება და მნიშვნელოვანია, როგორც ადგილობრივი ინფრასტრუქტურის განვითარებისთვის, ასევე, შესაბამისი დარგობრივი მიმართულებების სპეციალისტებისთვის. 

მხარეებს შორის პირველ ონლაინ სამუშაო შეხვედრას გაეროს განვითარების პროგრამის (UNDP) წარმომადგენელი, საერთაშორისო ექსპერტი ენდრიუ კოსი ესწრებოდა. შეხვედრაზე განხილული იქნა საფრთხეების რუკების შედგენისთვის საჭირო მონაცემების შეგროვების მეთოდები და სხვა დეტალები.

პროექტის ფარგლებში გეოლოგიის დეპარტამენტის სპეციალისტები საფონდო (ისტორიული) მასალების დამუშავების შემდეგ, აღნიშნულ მუნიციპალიტეტებში გეოდინამიკური კუთხით არსებულ სიტუაციას ადგილზე შეისწავლიან და საჭირო ინფორმაციას შეაგროვებენ.

აღნიშნული პროექტი „კლიმატის ცვლილებებისადმი ადაპტაციის შესაძლებლობების გაძლიერება საქართველოში, ფაზა 2“ დაფინანსებულია შვეიცარიის განვითარებისა და თანამშრომლობის სააგენტოს (SDC) მიერ.

ინიციატივა ფართომასშტაბიანი კლიმატური პროგრამის ნაწილია, რომელიც ხელს უწყობს კლიმატის ცვლილებით გამოწვეული კატასტროფების რისკის შემცირებას საქართველოში. პროგრამა ხორციელდება საქართველოს მთავრობისა და გაეროს განვითარების პროგრამის (UNDP) მიერ, კლიმატის მწვანე ფონდისა (GCF) და საქართველოს, შვედეთისა და შვეიცარიის დაფინანსებით. 

შინაგან საქმეთა სამინისტროს იმერეთის პოლიციის დეპარტამენტის წყალტუბოსა და თერჯოლის რაიონული სამმართველოების თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და გასაღების მომზადების ბრალდებით უკრაინის რესპუბლიკის მოქალაქე, 1993 წელს დაბადებული ი.ზ. დააკავეს. 

სამართალდამცველებმა ნარკოდანაშაულის ბრალდებით დაკავებულის პირადი და საცხოვრებელი სახლის ჩხრეკისას, ასევე, მითითებული ლოკაციიდან სარეალიზაციოდ განთავსებული განსაკუთრებით დიდი ოდენობის, 30 შეკვრად დაფასოებული ნარკოტიკული საშუალება „მეთადონი“ ნივთმტკიცებად ამოიღეს.

საგამოძიებო მოქმედებების შედეგად, პოლიციის მიერ ამოღებულია ელექტრო სასწორი და ნარკოტიკული საშუალების დაფასოებისთვის საჭირო მასალები.

გამოძიება საქართველოს სისხლის სამართლის კოდექსის 260-ე მუხლის მე-3 ნაწილის „ა“ ქვეპუნქტით და 18-260-ე ტერცია მუხლის მე-6 ნაწილის „ა“ ქვეპუნქტით მიმდინარეობს. 

დანაშაული 20 წლამდე ან უვადო თავისუფლების აღკვეთას ითვალისწინებს. 

16-17 ივნისს დასავლეთ საქართველოს ზოგიერთ რაიონში ნარჩუნდება ძლიერი წვიმის და ელჭექის, ხოლო აღმოსავლეთ საქართველოს ცალკეულ რაიონში სეტყვის შესაძლებლობა. იქროლებს დასავლეთის მიმართულების ძლიერი ქარი.  

მოსალოდნელმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო).

ჭიათურაში საპროტესტო აქცია მიმდინარეობს. 

საყოველთაო გაფიცვის 108-ე დღეს  ქალაქში 4 დაკავებული მაღაროელის მხარდასაჭერად შეიკრიბნენ. აქციის მონაწილეები მერაბ სარალიძის, გიორგი ნეფარიძის, თენგიზ გველესიანისა და არჩილ ჭუმბურიძის გათავისუფლებას ითხოვენ. 

4 მაღაროელი 29 აპრილს დააკავეს.ისინი ამ დრომდე პატიმრობაში რჩებიან.

ჭიათურაში ხვალ მორიგი საპროტესტო აქცია გაიმართება.15:00 საათზე შეკრება ჭიათურის მერიის წინ არის დაგეგმილი. ისინი უკანონო რეორგანიზაციას,  ხელფასების გადაუხდელობას და 4 დაკავებული მაღაროელის გათავისუფლებას ითხოვენ. 4 მაღაროელი 29 აპრილს დააკავეს.ისინი ამ დრომდე პატიმრობაში რჩებიან.

,,ჭიათურელებს არ შეგვშვენის ერთმანეთის ღალატი და განსაცდელში მიტოვება.

ჩვენი გზა ყოველთვის იყო ერთგულებაზე, ერთმანეთის პატივისცემასა და თანადგომაზე დამყარებული მრავალი პროტესტის და აქციის მომსწრენი ვართ.

არ უნდა დაგვავიწყდეს ერთმანეთი მაშინ, როცა ყველაზე მეტად გვჭირდება ერთიანობა.

ჩვენი სიძლიერე სწორედ ამ ერთობაშია — იმ განცდაში, რომ არავინ რჩება მარტო, არც ბნელ საათებში, არც მძიმე ბრძოლაში. არ უნდა დავივიწყოთ ის ბიჭები, ვინც თითოეული ჩვენგანის თავისი ოჯახების გამო 60 დღე აპროტესტებდნენ უსამართლობას გელოდებით ხვალ 15 საათზე მერიის წინ კიდევ ერთხელ გავერთიანდეთ, ახლა ეს ყველას გვჭირდება.,,-მაღაროელთა საინიციატივო ჯგუფი. 

ჭიათურაში საპროტესტო აქციები მეხუთე თვეა გრძელდება.