ჭიათურაში  საპროტესტო აქციის 116-ე დღე და შიმშილობის მეხუთე დღეა.

12 ივნისს მოსამართლის გადაწყვეტილებით, სასამართლომ მერაბ სარალიძე, არჩილ ჭუმბურიძე, გიორგი ნეფარიძე და თენგიზ გველესიანი წინასწარ პატიმრობაში დატოვა .სწორედ .ანუ გათავისუფლების მოთხოვნით დაიწყო შიმშილობა ოთხმა მაღაროელმა.

,,შიმშილობა დაიწყო უვადოდ და პრინციპულად.ადგილზე, პროტესტის ნიშნად, ოთხი ადამიანი შიმშილობს. ერთმა მათგანმა უკიდურეს ფორმას მიმართა და პირი ამოიკერა. ასევე შიმშილობს მერაბ სარალიძეც ციხეში.

შიმშილობის მთავარი მიზეზი და ერთადერთი მოთხოვნაა: ბიჭების გათავისუფლება პატიმრობიდან. მანამდე არ შეწყდება არც შიმშილობა არც პროტესტი , პირიქით ბევრად მასიურ ფარგლებში გადავა. 

ამავდროულად, არც დასაქმებულების მდგომარეობაა მისაღები:

არ არსებობს შრომითი კონტრაქტები, არ არის გარანტიები, არ არის დაცული ღირსეული პირობები.

ამასთან, კომპანიას სამთვიანი სახელფასო დავალიანება აქვს დასაფარი.-მაღაროელთა საინიციატივო ჯგუფი. 

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2025 წლის 1 მაისიდან 17 ივნისამდე, ქვიშა-ხრეშის უკანონო მოპოვების 19 ფაქტი გამოავლინეს. მათგან 10 ფაქტი სისხლის სამართლის დანაშაულის ნიშნებს შეიცავს. მასალები, შემდგომი რეაგირების მიზნით, შესაბამის უწყებებში გადაიგზავნა. 

სამართალდამრღვევებისთვის ჩამორთმეული სპეციალური ტექნიკის რაოდენობა 13-ია.

ყველაზე მეტი - 5 სამართალდარღვევა დაფიქსირდა კახეთში, 3-3 ფაქტი გამოვლინდა შიდა ქართლში, მცხეთა-მთიანეთსა და იმერეთში, ქვემო ქართლში აღკვეთილია 2 სამართალდარღვევა, თითო-თითო ფაქტი კი, გარემოსდაცვითი ზედამხედველობის დეპარტამენტის თანამშრომლებმა გურიაში, აჭარასა და სამეგრელო-ზემო სვანეთში გამოავლინეს. 

 სამართალდამრღვევთა მიერ გარემოსთვის მიყენებული ზიანის ოდენობა 243 732,5 ლარია. 

24 ივნისს საქართველოს ზოგიერთ რაიონში მოსალოდნელია ხანმოკლე წვიმა ელჭექით, ხოლო 25-26 ივნისს უმეტესად უნალექო ამინდია მოსალოდნელი.

ქ. თბილისში უმეტესად უნალექო ამინდი იქნება; 24 ივნისს დროგამოშვებით იქროლებს ჩრდილო-დასავლეთის მიმართულების ძლიერი ქარი. ჰაერის ტემპერატურა დღისით +26, ხოლო 25-26 ივნისს +29,+31 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): 24 ივნისს შესაძლებელია მცირე ხანმოკლე წვიმა ელჭექით, ჰაერის ტემპერატურა დღისით +24, +26 გრადუსი დაფიქსირდება. 25-26 ივნისს მოსალოდნელია უნალექო ამინდი, ჰაერის ტემპერატურა +27+29 გრადუსამდე მოიმატებს.  

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 24 ივნისს მცირე ხანმოკლე წვიმა ელჭექით, ხოლო 25-26 ივნისს უმეტესად უნალექო ამინდია მოსალოდნელია. ჰაერის ტემპერატურა დღისით 24 ივნისს +24, +26, ხოლო 25 და 26 ივნისს +30,+32 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 24 ივნისს მოსალოდნელია ხანმოკლე წვიმა ელჭექით, ხოლო 25-26 ივნისს უმეტესად უნალექო ამინდი. ჰაერის ტემპერატურა დღისით, 24 ივნისს +20, +22, ხოლო 25 და 26 ივნისს +28,+30 გრადუსი დაფიქსირდება. 

დასავლეთ საქართველოს მაღალმთიან რაიონებში (მესტია, ბახმარო): 24 ივნისს მოსალოდნელია ხანმოკლე წვიმა ელჭექით, ხოლო 25-26 ივნისს უმეტესად უნალექო ამინდი. ჰაერის ტემპერატურა დღისით, 24 ივნისს +18, +20, ხოლო 25 და 26 ივნისს +26,+28 გრადუსი დაფიქსირდება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): 24-26 ივნისს მოსალოდნელია უმეტესად უნალექო ამინდი. 24 ივნისს იქროლებს დასავლეთის მიმართულების ძლიერი ქარი. ჰაერის ტემპერატურა 24 ივნისს შიდა ქართლში +24,+26 გრადუსი, 25-26 ივნისს +28+30 გრადუსი, ხოლო ქვემო ქართლში 24-26 ივნისს +29+31 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 24-26 ივნისს მოსალოდნელია უმეტესად უნალექო ამინდი. ჰაერის ტემპერატურა დღისით +26, +28 გრადუსი იქნება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 24 ივნისს შესაძლებელია მცირე ხანმოკლე წვიმა ელჭექით, ხოლო 25 და 26 ივნისს უმეტესად უნალექო ამინდია მოსალოდნელი. ჰაერის ტემპერატურა 24 ივნისს 23, +25, ხოლო 25 და 26 ივნისს +27+29 გრადუსი იქნება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 24 ივნისს მოსალოდნელია მცირე ხანმოკლე წვიმა ელჭექით, ხოლო 25-26 ივნისს უმეტესად უნალექო ამინდი. ჰაერის ტემპერატურა 24 ივნისს +16, +18, ხოლო 25 და 26 ივნისს +21+23 გრადუსი იქნება.

ჭიათურაში მეოთხე დღეა მაღაროელების ნაწილი შიმშილობს,ერთ-ერთმა პროტესტის ნიშნად გუშინ  პირი ამოიკერა.ასევე შიმშილობს საპატიმროში 29 აპრილს დაკავებული 4 მაღაროელიდან ერთი-მერაბ სარალიძე. 

,,ამასობაში ჭიათურაში შიმშილობის, პროტესტის რადიკალური ფორმებისა და უსამართო პატიმრობის ფონზე მიმდინარე „მუშა პროცესი“.

კომპანიის მიერ გავრცელებული ინფორმაციის თანახმად, დასაქმებული მიიღებს ხელფასის 70%-ს, ხოლო დარჩენილი 30% იქნება ბონუსური სისტემის ფარგლებში. ანუ სრული ანაზღაურება — 100% — აღარ არის გარანტირებული, როგორც აქამდე იყო. ეს თანხა უნდა „გამოიმუშაო“, ხოლო მის ზევით შესრულების მიხედვით დაემატება ბონუსი (100%+).

ამასთან, კომპანიას ჯერ კიდევ არ გაუცია სამი თვის სახელფასო დავალიანება — დაახლოებით 60%-ის ოდენობით. აღარც იმ გამომუშავებულ თანხებზეა საუბარი, რომელიც უკვე შესრულებულია. თუმცა ამ ყველაფრის ფონზე, მანგანუმი კვლავ მაღალი ინტენსივობით გადის ჭიათურიდან.

რეალობა ასეთია: დოვლათი ტოვებს ქალაქს და ქვეყანას, ხოლო მის საპირწონედ ამ დოვლათით გამომუშავებული თანხები ისევ არ ჩანს. აღარაფერს ვამბობთ იმაზე, რომ არ არსებობს შრომითი კონტრაქტები.

და მაინც — როგორ აღდგა ქალაქში და საწარმოში „მუშა პროცესი“?

სოლიდარობა და თავისუფლება: მერაბ სარალიძეს ,გიორგი ნეფარიძეს, არჩილ ჭუმბურიძეს ,თენგო გველესიანს. ,,-მაღაროელთა საინიციატივო ჯგუფი. 

დაკავებული 4 მაღაროელის სასამართლო პროცესი ჩანიშნულია 2025 წლის 17 ივლისს.

დღეს, 21 ივნისს, ჭიათურაში მიმდინარე პროტესტის 114-ე დღეა. 

მესამე დღეა შიმშილობს 4 მაღაროელი.ასევე შიმშილობს დაკავებული მერაბ სარალიძე. დღეს პროტესტის უკიდურეს ზომას მიმართა და პირი ამოიკერა ერთ-ერ/თმა მოშიმშილემ-მირზა ლოლაძე.

,,ის (პროტესტი ჭიათურაში) დაიწყო 28 თებერვალს, მას შემდეგ რაც კომპანიამ, სპეციალური მართვის რეჟიმზე გადასვლისას, ვეღარ უზრუნველყო ხელფასების დროული და სტაბილური დარიცხვა. კომპანიას ვალდებულება ჰქონდა, ხელფასის 60% ყოველ თვეში, 15 რიცხვში დაერიცხა, თუმცა ამ პირობის დარღვევამ და დასაქმებულთა მომავალის მიმართ სრული გაურკვევლობით გამოწვეულმა მოლოდინებმა ხალხი ქუჩაში გამოიყვანა.

7 მარტს კომპანიამ ტექსტური შეტყობინებით გვამცნო, რომ ჭიათურაში საწარმოო პროცესი აღარ აღდგებოდა. თანამშრომლებს დაემშვიდობა და კომპენსაციებზე მომდევნო კონტაქტს დაჰპირდა. ამ გადაწყვეტილებამ დიდი არეულობა გამოიწვია ქალაქში და დასაქმებულებს რეაგირება სწრაფად მოგვიხდა .

საინიციატივო ჯგუფმა, რომელიც უშუალოდ დაზარალებული მუშაკებისგან შედგება, მშვიდობიანი, მასობრივი პროტესტი დაიწყო — საპროტესტო აქციები გავმართეთ : ჭიათურაში, ზესტაფონში და თბილისში. შედეგად, სახელმწიფომ სამმხრივი კომისია ჩამოაყალიბა, თუმცა საინიციატივო ჯგუფი ანუ დასაქმწბულები ამ პროცესიდან გამორიცხა და მის ნაცვლად პროფკავშირები ჩართო, რომელთა მოქმედება მეტად შეესაბამებოდა ბიზნესის ინტერესებს.

პარალელურად, დაიწყო ჩვენი დისკრედიტაციის კამპანია, რომელშიც სამწუხაროდ, საზოგადოების ნაწილიც ჩაება. მიუხედავად ამისა, ჩვენ ვახმოვანებდით 3,620 დასაქმებულის ინტერესს, ვეძახდით სახელმწიფოს, ვთხოვდით პრემიერის ჩართულობას და მივიჩნევდით, რომ ჭიათურის მანგანუმის ნაციონალიზაცია ქვეყნისთვის ეკონომიკურად და ეკოლოგიურად მომგებიანი იქნებოდა.

სახელმწიფომ არ მოგვისმინა — პირიქით, სამართალდამცავი და პოლიტიკური რესურსები ჩვენს წინააღმდეგ გამოიყენეს არც სამთავრობო მედია საშუალებებმა არ დააყოვნეს . 29 აპრილს, ღამით, მოხდა ოთხი აქტივისტის დაპატიმრება, რომლებიც დღემდე პატიმრობაში რჩებიან უსამართლო საფუძველზე. ამას თან დაერთო დასაქმებულებზე ზეწოლა, რათა ხელი მოეწერათ დოკუმენტებზე, რომლებიც მათ სტატუსს ცვლიდა და პასუხისმგებლობას აკისრებდა, რაც ასევე პროფკავშირების თანხმობით ხდებოდა.

გარდა ამ ყველაფრისა, დღემდე არ არსებობს სამუშაო კონტრაქტები იმ ადამიანებისთვის, ვინც დაბრუნდა შრომით პროცესში — სრული არეულობაა პირობებსა და სტატუსებში. ეს პროცესი, პრაქტიკულად, სამ ეტაპად წარიმართა: დასაქმებულთა გაღატაკება, შიშის შექმნა და შემდეგ მოჩვენებითი სტაბილურობის წარმოდგენა.

შიმშილობის აქცია რამდენჯერმე დაიწყო, როგორც ციხეში, ისე ქალაქში. 19 ივნისს ოთხმა მაღაროელმა ისევ დაიწყო უვადო შიმშილობა ბიჭების განთავისუფლებამდე, ასევე უსამართლოდ დაკავებულმა მერაბ სარალიძემაც დაიწყო შიმშილობა ციხეში პროტესტის ნიშნად . დღეს კი ერთ-ერთმა აქციის მონაწილემ მირაზა ლოლაძემ რომელიც ასევე საინიციატივო ჯგუფის წევრია , პროტესტის უკიდურეს ფორმას მიმართა და პირი ამოიკერა .

ჩვენ, ვინც ამდენ ხანს ვიბრძოდით სამართლისთვის, მივატოვა ხელისუფლებამ, იმ სახელმწიფომ, რომლის ინტერესების დაცვასაც ვცდილობდით იმ საზოგადოებამ რომლის ინტერესებსაც ვაჟღერებდით ვაჟღერებთ და გავაჟღერებთ, მაგრამ ჩვენი რწმენა რჩება — საქართველოში, ღვთისმშობლის კურთხეულ მიწაზე, უსამართლობას ადგილი არ უნდა ჰქონდეს.

მანგანუმი ღვთისგან ნაბოძები სიმდიდრეა , რომელიც არასწორი პოლიტიკის გამო ჭიათურელებს წყევლად გვექცა !,,- მაღაროელთა საინიციატივო ჯგუფის განცხადება. 

პროტესტის უკიდურეს ფორმას  ჭიათურულმა მაღაროელებმა 19 ივნისს მიმართეს. ისინი 29 აპრილს დაკავებული მერაბ სარალიძის, აჩიკო ჭუმბურიძე, გიორგი ნეფარიძის და თენგო გველესიანის გათავისუფლებას ითხოვენ.

მაღაროელებთან ერთად შიმშილობს პატიმრობაში მყოფი მერაბ სარალიძეც.

პროკურატურა 4 დაკავებულს ჯგუფურ ძალადობას ედავება, რაც 4-დან 9 წლამდე პატიმრობას ითვალისწინებს.

ბრალდებულების განთავისუფლების მოთხოვნით, ქალაქში 5000 ხელმოწერა შეგროვდა.