,,ქუთაისი საქართველოს დამოუკიდებლობისთვის,,- ამ დევიზით დღეს, საღამოს 19:00საათზე  ქუთაისში, მერიის წინ აქცია გაიმართება. 

,,1991 წლის 31 მარტს, სარეფერენდუმო კითხვაზე-„თანახმა ხართ თუ არა აღდგეს საქართველოს სახელმწიფოებრივი დამოუკიდებლობა 1918 წლის 26 მაისის დამოუკიდებლობის აქტის საფუძველზე?“

ქართველმა ხალხმა ერთსულოვნად გასცა ისტორიული პასუხი - დიახ!

რეფერენდუმი ჩატარდა საქართველოს მთელ ტერიტორიაზე, მათ შორის აფხაზეთსა და ცხინვალის რეგიონში. 

31 მარტის რეფერენდუმის შედეგის საფუძველზე უზენაესმა საბჭომ 1991 წლის 9 აპრილს საქართველოს დამოუკიდებლობის აღდგენის აქტი მიიღო.  

რეფერენდუმში მონაწილეთა 99%-მა უარი თქვა იმპერიალისტურ ბორკილებზე და მტკიცედ განაცხადა საქართველოს და ქართველი ხალხის ურყევი ნება - არასდროს დაბრუნდეს საქართველო საბჭოთა წყობილებაში. 

სწორედ ამიტომ, 31 მარტი ქართველების ეროვნული დღესასწაულია. 

ამავდროულად, ქართველი ხალხის ისტორიული მონაპოვრის დაცვა დღეს ჩვენი მოვალეობაა. განსაკუთრებით ახლა, როცა ჩვენი ისტორიული არჩევანი საქართველოს არალეგიტიმური ხელისუფლების პირობებში მუდმივად საფრთხის ქვეშაა. 

31 მარტს, 19:00 სთ.-დან ვიკრიბებით ქ. ქუთაისის მერიის წინ (პროტესტის ჩვეულ ადგილას) 31 მარტის მონაპოვრის, ქართველი ხალხის ღირსების, ჩვენი იდენტობისა და ისტორიული არჩევანის დასაცავად. 

31 მარტი საქართველოს პირველი პრეზიდენტის - ზვიად გამსახურდიას, დაბადების დღეა, რომელსაც საქართველოს დამოუკიდებლობის აღდგენაში განსაკუთრებული როლი აქვს.,,-წერია ინფორმაციაში. 

დღეს ჭიათურაში მასშტაბური აქცია გაიმართება. 

,,ჭიათურელებო, დღეს საქმე ჩვენი ქალაქის არსებობას ეხება!

კომპანიამ, რომელიც (Georgian manganese)წლებია მადანს მოიპოვებს, გადაწყვიტა, დახუროს მიწისქვეშა მოპოვებითი სამუშაოები – მათი თქმით, ეს აღარ არის რენტაბელური. მაგრამ იცით, რა არის მათი გადაწყვეტილება? მაქსიმალურად გაზარდონ ღიაკარიერული მოპოვება!

ეს ნიშნავს ქალაქისა და მისი შემოგარენი სოფლების სრულ განადგურებას!

შუქრუთი, ითხვისი, რგანი და კიდევ ათობით სოფელი მიწასთან გაასწორეს. ჭიათურას ისედაც უჭირდა, მაგრამ ახლა აქ ცხოვრება სრულ კატასტროფად იქცევა – ჰაერი უფრო დაბინძურდება მდინარეები დაბინძურდება რისი ნათელი მაგალითიც მდინარე ყვირილაა.

ეს მხოლოდ ეკოლოგიური საფრთხე არ არის!

ამ გადაწყვეტილებას ეკონომიკური კოლაფსიც მოჰყვება – 3,620 ადამიანი და მათი ოჯახები, რომლებიც მიწისქვეშა მოპოვებით იყვნენ დასაქმებული, უმუშევრები დარჩნენ.

ჩვენ 30 დღეა ვიბრძვით – აქციებით, მსვლელობებით, ხმამაღალი პროტესტით ჭიათურაში, ზესტაფონში, თბილისში – მაგრამ არავინ გვისმენს!

სახელმწიფო გადაწყვეტილების ნაცვლად უსმენს პროფკავშირებს, რომლებმაც ისიც კი არ იციან, თავიანთ წევრ დასაქმებულებს ხელფასები როდის და რა პრინციპით ერიცხებათ, მაგრამ დღეს სწორედ ისინი წარმოგვადგენენ მთავრობასთან რასაც კატეგორიულად ვეწინააღმდეგებით , სამხრივ კომისიაში აუცილებლად უნდა იყოს დასაქმებულთა ჯგუფი ვინც ზედმიწევნით ხედავს არსებულ პრობლემებს. 

მედიამ ზურგი გვაქცია!

კონტექსტიდან ამოგლეჯილი ფრაზებით დამონტაჟებული ვიდეოები გაავრცელეს ადგილობრივმა მედიამ კი ეს კადრები მიაწოდა “იმედს” და “რუსთავი 2”-ს, რომლებმაც ეს ინფორმაცია ისე გააშუქეს, რომ ჩვენი პროტესტის ნამდვილი მიზეზი ჩაახშობას ცდილობენ.

დრო აღარ ითმენს!

ჩვენი ერთიანობით და უპრეცედენტო თანადგომით შევძლებთ, შევცვალოთ ეს რეალობა!,,-წერია ორგანიზატორების მიერ გავრცელებულ განცხადებაში. 

ჭიათურაში მაღაროელები საპროტესტო აქციები შეწყვიტეს.დღეიდან ისინი ქალაქიდან გასასვლელების პიკეტირებას იწყებენ.

,,როგორც მოგეხსენებათ, შეწყდა საპროტესტო აქციები და დღეიდან გადავდივართ ქალაქის ბლოკირებაზე. კერძოდ, მემორიალსა და ჯრუჭულის პოსტებზე მოგვიწევს ცხოვრება. 24-საათიან კონტროლის რეჟიმში ვაჩერებთ ყველა სატვირთო ავტომობილს, რომელსაც შესაძლებელია გადაყავდეს სილა, ხრეში, ბიგა, მანგანუმი, ჯართი (რომელიც ჯიემის საკუთრებაა) და სხვა ყველა სახის ტვირთი, რომელიც დააპირებს ქალაქის გავლას, გარდა დისტრიბუციის სამარშუტო ტაქსების და მსუბუქი ავტომობილებისა !,,-აცხადებენ მაღაროელები.

ჭიათურაში აქციები ერთი თვის განმავლობაში იმართებოდა.მაღაროელები სახელფასო დავალიანების გასტუმრებას, კომპანია ,,ჯორჯიან მანგანეზის,, ქალაქიდან გასვლას და მაღაროების სახელმწიფოსთვის გადაცემას ითხოვენ.

ქართველი ფოტოჟურნალისტები და ფოტოდოკუნენტალისტები საერათო განცხადებას ავრცელებენ.საუბარია  World Photo press-ის კონკურსზე ,სადაც გაიმარჯვა საქართველოს ანტი-რუსული აქციების  რეპორტაჟისთვის რუსმა ფოტოგრაფმა გაიმარჯვა. მათი ინფორმაციით, კონკურსზე არ დაუშვეს აღნიშნულ თემატიკაზე გადაღებული ქართველი ფოტოგრაფების ნამუშევრები 

,,ჩვენ, ქართველ ფოტოჟურნალისტებსა და დოკუმენტალისტებს, გვაშფოთებს და შეურაცხგვყოფს World Press Photo-ს გადაწყვეტილება, რომ 2025 წლის ჯილდო გადაეცეს რუსეთის სამთავრობო პროპაგანდისტული სააგენტო TASS-ის წარმომადგენელს — ფოტორეპორტაჟისთვის, რომელიც ასახავს ქართულ პროტესტს, დემონსტრაციებს, რომლებიც სწორედ რუსეთის გავლენებისა და ოკუპაციის წინააღმდეგ არის მიმართული.

კრემლის ნარატივების მომხრე ფოტოგრაფის დაჯილდოება ანტირუსული აქციების გაშუქებისთვის არა მხოლოდ სადავო და წინააღმდეგობრივია, არამედ პირდაპირი შეურაცხყოფაა იმ ადამიანებისა, რომლებიც სიცოცხლის რისკის ფასად ებრძვიან რუსეთის ჩარევას საქართველოს სუვერენიტეტსა და მის მომავალში.

TASS რუსეთის სამთავრობო საინფორმაციო სააგენტოა, რომელსაც დეზინფორმაციის გავრცელების მრავალწლიანი ისტორია აქვს, საბჭოთა ეპოქიდან მოყოლებული დღემდე. 2008 წლის რუსეთ-საქართველოს ომისა და შემდგომი წლების განმავლობაში, TASS ცენტრალურ როლს ასრულებდა ყალბი ნარატივების გავრცელებაში და საქართველოს აგრესორად წარმოაჩენდა. დღესაც ანალოგიური ტაქტიკების გამოყენებით აგრძელებს მანიპულაციას და ამახინჯებს ფაქტებს უკრაინაში რუსეთის ომის შესახებ.

World Press Photo-ს მიერ შერჩეულმა ფოტოგრაფმა საჯაროდ დაუჭირა მხარი რუსეთის შეჭრას უკრაინაში და ეს აგრესია „განმათავისუფლებელ“ აქტად შეაფასა. არა მხოლოდ სიცრუეა ეს ნარატივი, არამედ განსაკუთრებით დამანგრეველიცაა მათთვის, ვინც საკუთარ თავზე იწვნია რუსეთის ოკუპაცია და დღემდე ებრძვის რუსულ იმპერიალისტურ აგრესიას. გვიჭირს გავიგოთ, რომ კონკურსზე, რომელიც სიმართლისა და სამართლიანობის სადარაჯოზე უნდა იდგეს, ასეთი ხმა იმსახურებს უმაღლეს შეფასებას.

როგორც საქართველოს მოქალაქეებს, იმ ქვეყნის შვილებს, რომლის ტერიტორიის 20% რუსეთის მიერაა ოკუპირებული, თავად გვაქვს განცდილი და ვიცით რას ნიშნავს ომი, იძულებით გადაადგილება და სუვერენიტეტის დარღვევა. ჯილდოს მფლობელ ფოტოებზე გამოსახული დემონსტრანტები არიან ადამიანები, რომლებიც ებრძვიან სწორედ იმ ძალებს, რომლებსაც TASS იცავს და ემსახურება. მათ ისტორიას რომ ამგვარი სააგენტო ჰყვება, აღარაა მხოლოდ წინააღმდეგობრივი რამ, ეს უკვე ჟურნალისტიკის ფუნდამენტური პრინციპების ღალატია.

TASS-ის ფოტოგრაფის მიერ გადაღებული ფოტოსერიის დაჯილდოებით, World Press Photo ლეგიტიმაციას აძლევს სააგენტოს, რომელიც დეზინფორმაციის გავრცელებით არის ცნობილი. ეს გადაწყვეტილება არყევს დამოუკიდებელი მედიის არსს, აძლიერებს პროპაგანდას და გზას უხსნის ყალბ ნარატივებს უფრო ფართო აუდიტორიამდე. მეტიც, საიმედოდ და სანდოდ აღიარებს რუსეთის სამთავრობო მედიას და, საბოლოო ჯამში, აძლიერებს ოკუპანტის ძალაუფლებას.

გვინდა ცხადად და მკაფიოდ ვთქვათ: საქართველოს წინააღმდეგობის, ტკივილისა და იმედის ისტორიას ვერასდროს დაინახავენ და გადმოსცემენ დამპყრობლების პროპაგანდისტული საინფორმაციო სააგენტოები — სწორედ ისინი, ვინც მჩაგვრელის სამსახურში დგანან და მის სასარგებლოდ, მიზანმიმართულად ამახინჯებენ ამბებს, მანიპულირებენ ფაქტებით და ახშობენ სიმართლეს.,,-წერია გავრცელებულ განცხადებაში. 

სოციალური სამართლიანობის ცენტრი, სახელოვნებო სფეროს პროფკავშირი „გილდია“,მეცნიერების, განათლებისა და კულტურის პროფკავშირი,პროფკავშირი „ლაბორი“,სოციალურ მუშაკთა გაერთიანება და საქართველოს მუსიკოსთა პროფესიული კავშირი ჭიათურელ მაღღოელებთან დაკავშირებით,საერთო განაცხადებას ავრცელებს. 

,,ხელმომწერი ორგანიზაციები ვეხმაურებით ჭიათურაში შექმნილ კრიზისს და მივიჩნევთ, რომ დაუშვებელია, ჭიათურაში მანგანუმის მოპოვების შესახებ სახელმწიფოს მიერ ორგანიზებულ განხილვებში მონაწილეობის შესაძლებლობა არ ჰქონდეთ ჭიათურელ მაღაროელებს და ჭიათურის სხვა მცხოვრებლებს, რომელთა სამომავლო ბედიც ამ პროცესზეა დამოკიდებული. 

როგორც ცნობილია, 19 მარტს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში საქართველოს პროფესიული კავშირების მოწვევით, გაიმართა სოციალური პარტნიორობის სამმხრივი კომისიის რიგგარეშე სხდომა, რომელზე ჭიათურაში შექმნილი მდგომარეობა განიხილეს. კომისიის გადაწყვეტილებით, პროფკავშირების და დამსაქმებელთა გაერთიანებების წარმომადგენლების შემადგენლობით შეიქმნა სამუშაო ჯგუფი, რომელიც „იმსჯელებს პრობლემის გადაჭრის გზებზე და მიიღებს შესაბამის გადაწყვეტილებას.“

აღსანიშნავია, რომ არც სამმხრივი კომისიის სხდომაზე და არც 28 მარტს გამართულ სამუშაო ჯგუფის შეხვედრაზე არ მიუწვევიათ და მათში მონაწილეობის შესაძლებლობა არ ჰქონიათ ჭიათურელ მაღაროელებს, ისევე როგორც ზოგადად ჭიათურის მოსახლეობის წარმომადგენლებს, მიუხედავად იმისა, რომ მაღაროელები, რომლებიც სამსახურის და ანაზღაურების გარეშე დარჩნენ, ჯერ კიდევ 28 თებერვლიდან აქციებს მართავენ და ხელისუფლებასთან შეხვედრას ითხოვენ. 

ადგილობრივთა უგულებელყოფა და მათი პროცესიდან გამორიცხვა კონსტიტუციურ და უფლებრივ პრინციპებს ეწინააღმდეგება. დაუშვებელია ამის გაგრძელება, მით უმეტეს, როცა მაღაროელები დიდიხანია უნდობლობას უცხადებენ პროცესში დასაქმებულების მხრიდან მონაწილე პროფესიული კავშირების გაერთიანებას.

მოვუწოდებთ, საქართველოს ჯანდაცვის მინისტრს, ბატონ მიხეილ სარჯველაძეს, დაუყოვნებლივ შეხვდეს ჭიათურელი მაღაროელების წარმომადგენლებს და უზრუნველყოს მათი ჩართულობა სამუშაო ჯგუფის/კომისიის ყველა მომდევნო შეხვედრაში.,,-წერია განცხადებაში.

,,საკვები და სამართალი ჭიათურას"-მაღაროელთა ქალაქში ამ წუთებში აქცია იმართება.

ერთი თვეა ჭიათურლები გაჩერებული მაღაროების ამუშავება, სახელფასო დავალიანების გასტუმრება და კომპანია ,,ჯორჯიან მანგანეზის,, ქალაქიდან გასვლას ითხოვენ. 

2024 წლის პირველი ნოემბრიდან კომპანია ,,ჯორჯიან მანგანეზმა,,მაღაროებში მოპოვების პროცესი გააჩერა და მაღაროელებს ხელფასის 60%-ს დაპირდა. 

პირველი მარტიდან სამუშაო პროცესი უნდა განახლებულიყო, თუმცა კომპანიამ მიწისქვეშა მაღაროების დახურვის გადაწყვეტილება მიიღო და 3500 ოჯახი შემოსავლის გარეშე დარჩა.