ქუთაისელმა მოჭიდავემ გრეპლინგის საერთაშორისო ტურნირში გაიმარჯვა
სპორტი
გადასვლები: 1173

3-4 სექტემბერს ლუქსემბურგში ჩატარდა საერთაშორისო ტურნირი გრეპლინგში, სადაც 89 კილოგრამ წინით კატეგორიაში პირველი ადგილი დაიკავა ქუთაისელმა მოჭიდავემ რამაზ კვეტენაძემ(მწვრთნელი:ზაზა ლოლაძე).
კვეტენაძემ ნახევარფინალში ჩეხი, ფინალურ ორთაბრძოლაში კი გერმანელი სპორტსმენი დაამარცხა.
 გრეპლინგი სპორტული ორთაბრძოლის სახეობაა, რომელიც აერთიანებს ჭიდაობის სხვადასხვა სახეობას, მასში დაშვებულია ილეთების გამოყენება ბერძნულ-რომაული და თავსუფალი ჭიდაობიდან, აგრეთვე ძიუდოდან და სამბოდან.
ქუთაისელ მოჭადრაკეს ფიდეს ოსტატის წოდება მიენიჭა
სპორტი
გადასვლები: 997

ქუთაისელი მოჭადრაკის დიდი წარმატება-ანასტასია კირთაძეს ქალთა შორის ფიდეს ოსტატის წოდება მიენიჭა.ინფორმაციას საქართველოს  ჭადრაკის ფედერაცია ავრცელებს.
ანასტასია კირთაძე 2009 წელსაა დაბადებული, ის  მსოფლიო ჩემპიონატში მონაწილეობს, რომელიც ხვალ დაიწყება და ერთ-ერთ პავორიტად მიიჩნევა.
ქუთაისელმა მოკრივემ ევროპის ჩემპიონატზე მესამე ადგილი დაიკავა
სპორტი
გადასვლები: 1120

ქუთაისელი მოკრივე დავით მხეცაძე ევროპის პირველობის  პრიზიორია.

 
მოსწავლეთა შორის ევროპის ჩემპიონატს კრივში თურქეთმა უმასპინძლა. მასში 2008-2009 წლებში დაბადებული მოკრივეები მსოფლიოს სხვადასხვა ქვეყნიდან ჩაერთნენ. საქართველოს ნაკრებში წარმოდგენილი იყო ორი ქუთაისელი მოკრივე მარიამ ჭაფოძე და დავით მხეცაძე.
 
დავით მხეცაძე (მწვრთნელი-ზაალ ჯავახაძე) 75 კგ.წონით კატეგორიაში მე-3 ადგილის მფლობელი გახდა.
2 წლის ბავშვის დასახმარებლად ქუთაისში საქველმოქმედო ტურნირი გაიმართა
სპორტი
გადასვლები: 1161

ქუთაისში ორგანიზაციებს შორის საქველმოქმედო საფეხბურთო ტურნირი დასრულდა. 

ღონისძიება ა(ა)იპ ქუთაისის სპორტულ დაწესებულებათა გაერთიანების ორგანიზებით  გაიმართა და მასში 14–მა გუნდმა მიიღო მონაწილეობა.
 
ფინალურ შეხვედრაში ერთმანეთს სპორტული აიპის გუნდი და ,,იმერი" დაუპირისპირდნენ. მატჩი  ძალიან დაძაბული და საინტერესო გამოდგა. ,,იმერი" პირველი ტაიმის ბოლომდე დიდი ანგარიშით 5:0 იგებდა. თუმცა, ა(ა)იპ სპორტულ დაწესებულებათა გაერთიანებამ მეორე ნახევარში უპირატესობა მოიპოვა და ანგარიში გაათანაბრა 5:5. საბოლოოდ, მატჩის ძირითადი დრო ფრედ 6:6 დასრულდა. პენალტების სერიაში გამარჯვება და შესაბამისად, ჩემპიონის ტიტული  ,,იმერს" დარჩა – 4:2
 
ორგანიზატორების გადაწყვეტილებით ბრინჯაოს მედლები ორ გუნდს ,,აპოლონს" და ,,აეროპორტს" გადაეცა.
 
   მატჩის შემდეგ  დაჯილდოების ცერემონია გაიმართა. ა(ა)იპ ქუთაისის სპორტულ დაწესებულებათა გაერთიანების მმართველმა კობა ფხაკაძემ გამარჯვებულ გუნდს ჩემპიონისთვის განკუთვნილი თასი, ოქროს მედლები და დიპლომები გადასცა. ვერცხლისა და ბრინჯაოს მედლებით დაჯილდოვდნენ საპრიზო ადგილებზე გასული გუნდები.
 
ტურნირზე შემოსული თანხა  ქუთაისის ,,ტორპედოს" მცველის ნიკა სანდოხაძის 2 წლის გოგონას, ნინა სანდოხაძის მკურნალობას მოხმარდება, რომელსაც საქართველოში იშვიათი დიაგნოზი დაუსვეს: იუვენილური ართრიტი სისტემური დასაწყისით. პატარას სასწრაფოდ ესაჭიროება გერმანიის რევმატოლოგიურ კლინიკაში გადაყვანა, ზუსტი დიაგნოზის დასმა და სათანადო მკურნალობა.
 
 გახსნილია ანგარიშის ნომრები საქართველოსა და თიბისის ბანკებში, რომელზეც ბავშვის სიცოცხლის გადასარჩენად თანხის ჩარიცხვაა შესაძლებელი:
 
თიბისი ბანკი- #GE58TB7854045061100013 მიმღები: მარიამ კუტალაძე
 
საქართველოს ბანკი- #GE25BG0000000163049600
მიმღები: ნიკა სანდოხაძე.
 
 
მკლავჭიდში აჭარის თასის მფლობელი ქუთაისის გუნდი გახდა
სპორტი
გადასვლები: 1133

აჭარის თასის გათამაშებას მკლავჭიდში ბათუმმა უმასპინძლა. მასში საქართველოს მასშტაბით 100 სპორტსმენი მონაწილეობდა. 


ა(ა)იპ ქუთაისის სპორტულ დაწესებულებათა გაერთიანების წარმომადგენლებმა გუნდური პირველი ადგილი მოიპოვეს და თასის მფლობელები გახდნენ. (მწვრთნელები: ირაკლი გამთენაძე; ავთანდილ ახვლედიანი.)
ქუთაისელი პარასპორტსმენების წარმატება-სპორტის რომელ სახეობაში მოიპოვეს გამარჯვება?
სპორტი
გადასვლები: 1268

ქუთაისელმა პარასპორტსმენებმა,  პროექტში „აქტიური ცხოვრება ჩემი სტიქიაა“,  რომელიც  ახალგაზრდულმა  მედიაკავშირმა   ბორჯომის ადაპტირებულ საველე ბანაკში განახორციელა,  რამდენიმე სახეობაში მოიპოვეს გამარჯვება. 200–მდე შშმ პირი,  დაჭრილი ჯარისკაცი და ომის ვეტერანი  ჯომარდობის, პეინტბოლის, მშვილდოსნობისა და ზიპლაინის ინტეგრირებულ ტურნირებში შეეჯიბრა ერთმანეთს.

 
აფხაზეთის ომის გმირის, გოდერძი ზაქარაიას სახელობის ჯომარდობის ინტეგრირებულ ჩემპიონატში  პირველობა არავის დაუთმეს ქუთაისის გუნდის წევრებმა და გარდამავალი თასი მოიპოვეს.
 
ქუთაისელებმა  პეინტბოლის ჩემპიონატშიც გამოიჩინეს თავი  და პეინტბოლის გარდამავალი თასი ერთი წლით კვლავ ქუთაისში დააბინავეს.
 
პროექტის „აქტიური ცხოვრება ჩემი სტიქიაა“- ს მონაწილეებმა, ექსტრემალურ სპორტში,  კერძოდ  პარაგლაიდინგში მოსინჯეს საკუთარი ძალები და პატარა ლილოს მთიდან პარაპლანით გადმოხტნენ.   80-მა ბენეფიციარმა 2 ეტაპად იფრინა, მათ შორის   პარასპორტსმენებმა, სამშვიდობო მისიებში დაჭრილმა ჯარისკაცებმა და ომის ვეტერანმა.
 
2013 წლიდან დღემდე  ექსტრემალური სპორტის ამ სახეობაში 500– მდე შშმ პირსა თუ სამხედრო მოსამსახურეს აქვს მონაწილეობა მიღებული, ხოლო პროექტი, სპორტულ–კულტურული აქტივობების ირგვლივ  ყოველწლიურად 500–ზე მეტ შშმ პირს, დაჭრილ ჯარისკაცსა და ვეტერანს აერთიანებს.
 
ჩემპიონატების გამარჯვებულებს გადაეცათ  პრიზები, დიპლომები.
 
პროექტი ხელს უწყობს გაეროს 2006 წლის "შეზღუდული შესაძლებლობის მქონე პირთა უფლებების დაცვის კონვენციის 30-ე მუხლის" იმპლემენტაციას.
  1. საქართველო - პორტუგალია 23:14 -ქუთაისში გამართულ შეხვედრაში ბორჯღალოსნებმა გაიმარჯვეს
  2. დღეს ქუთაისში, აია არენაზე დიდი რაგბია
  3. ქუთაისელი ზვიად პატარიძე ესპანეთის გრან პრის გამარჯვებულია
  4. ქუთაისელმა სპორტსმენებმა საერთაშორისო ტურნირში 7 ოქროს მედალი მოიპოვეს
მარცხენა ბანერი ნიუსებში

დღის სიახლეები

© 2020 Act2. ყველა უფლება დაცულია
ტელ: +995 558 35 06 15; ელ. ფოსტა: info@act2.ge

Search