" აღარ  ვაპირებ ვინმეს ვეხვეწო ,გამიშვთ  ჩემს სახლში.ეს ჩემი ქვეყანაა , ჩემი მიწაა,რატო უნდა ვეხვეწო ვინმეს?კომპანიას უქმნიან სასათბურე პირობებს.ჩვენ კი თავზე გვახევენ კონსტიტუციას."-განაცხადა "რიონის ხეობის მცველმა " მაკა სულაძემ.

სოფელ გუმათში, სადაც რკინის ბარიკადებია აღმართული, აქციის მონაწილეებსა და პოლიციას შორის ვითარება დაძაბულია. აქციის მონაწილეებმა ხელების აწევით ბარიკადების მიღმა შესვლა სცადეს,პოლიცია კი  ხალხის მასას მოაწვა და ბარიკადების მეორე მხარეს გადმოვიდა. ამის შემდეგ აქტივისტებმა ისევ ხელების აწევის ჟესტით კიდევ ერთხელ მიმართეს სამართალდამცველებს, რომ მიეცათ ბარიკადებს მიღმა შესვლის უფლება, თუმცა ამის უფლება მათ პოლიციამ არ მისცა.

აქტივისტების ცნობით,2 პირია დაკავებული.

,,რკინის ჯებირის დაზიანების რა გითხრათ, მაგრამ ჩვენს თანამებრძოლებს ნამდვილად აქვთ დაზიანებები ხელზე,,- ასე აფასებს „რიონის ხეობის მცველი“ ვარლამ გოლეთიანი შსს-ს მიერ სოფელ გუმათში სხვისი ნივთის დაზიანების ან განადგურების ფაქტზე გამოძიების დაწყებას.

,,კინის ჯებირის დაზიანების რა გითხრათ, მაგრამ ჩვენს თანამებრძოლებს ნამდვილად აქვთ დაზიანებები ხელზე, შეგიძლიათ ნახოთ, ქვას არავინ არ ურტყამდა. მთელი ღამის განმავლობაში არ გაჩერებულა კედლებზე ხელების ბრახუნი, მართლა მიადგათ ადამიანებს თავად დაზიანებები. ზოგადად, რკინის ჯებირი იმისთვის არსებობს, რომ მსგავს წინააღმდეგობას გაუძლოს, მისი ფუნქციაც ეს არის. როდესაც ხელს ურტყამს ადამიანი, ვერ დააზიანებს. ხმაური აწუხებთ, სინამდვილეში ეს არის ამის საფუძველი, ხმაური აუცილებლად გაგრძელდება, ამიტომ მოიგონეს აბსურდული და უსაფუძვლო ბრალდება, თითქოს, დაზიანდა რკინის ჯებირი. ,,-ამბობს გოლეთიანი.

შსს-მ სოფელ გუმათში სხვისი ნივთის დაზიანების ან განადგურების ფაქტზე გამოძიება საქართველოს სისხლის სამართლის კოდექსის 187-ე მუხლით დაიწყო. როგორც უწყებაში აღნიშნავენ, დაზიანებულია პოლიციის მიერ გუმათჰესთან უსაფრთხოების მიზნით განთავსებული რკინის ჯებირები.

„ჩვენ გავასაჯაროებთ იმ  წყაროებს,  საიდანაც  მოდის ეს ფინანსები, -რასაც ვამბობთ, რომ ესენი არიან ემიგრანტები, ჩვენი თანამოქალაქეები - დასაბუთდება“-  ეს განცხადება მედიასთან დღეს,, რიონის ხეობის მცველმა ,, ვარლამ გოლეთიანმა გააკეთა.  ნამახვანჰესის მშენებლობის მოწინააღმდეგის განცხადებით, თავიანთ ფინანსებს გაასაჯაროებენ, რის  შემდეგაც  მოუწოდებენ ყველას,  ვინც მათი  დაფინანსებით არიან  დაინტერესებული, რომ იგივე გააკეთონ. 

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტმა, სოფელ გუმათში სხვისი ნივთის დაზიანების ან განადგურების ფაქტზე, გამოძიება საქართველოს სისხლის სამართლის კოდექსის 187-ე მუხლით დაიწყო.

რიონის ხეობისკენ მიმავალ გზაზე, გუმათჰესთან რკინის ჯებირები ისე აღმართეს.ჯებირების რაოდენობა გაზრდილია და პოლიციაა მობილიზებული.

ხეობაში მობილიზება მას შემდეგ შეინიშნება , რაც მოძრაობა ,,რიონის ხეობის გადარჩენისთვის,, დამფუძნებელმა ვარლამ გოლეთიანმა თქვა, რომ დღეს თბილისში 16:00 საათზე დაანონსებული აქციის შემდეგ ისევ ხეობაში დაბრუნდებიან და პროტესტს განაგრძობენ.  

"16:00 საათის შემდეგ მივმართავთ აქ მოსულ საზოგადოებას და კიდევ ერთხელ დეტალურად ავუხსნით ჩვენი ბრძოლის სულისკვეთებას. საკითხის ისტორიას გავაცნობთ კიდევ უფრო მეტ ადამიანს. ამის შემდეგ ჩვენ დავიძრებით რიონის ხეობისკენ. ჩვენვე გავხდებით კანონის მშვიდობიანად აღმსრულებლები.,,-განაცხადა გოლეთიანმა.