პირი,რომელიც დღეს ქუთაისში,საქართველოს ბანკის შენობაში  შეიჭრა და მძევლები აიყვანა,37 წლის გრიგოლ ნარსიაა.ის დაკავებულია.

დაუზუსტებელი ინფორმაციით,ის შსს ყოფილი თანამშრომელია.

შინაგან  საქმეთა სამინისტრომ ქუთაისში ”საქართველოს ბანკის” ერთ-ერთ ფილიალზე თავდასხმის, ტერორისტული აქტის, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ბრალდებით 1985 წელს დაბადებული გ.ნ. დააკავა.

შინაგან საქმეთა სამინისტროს პრესსამსახურის უფროსმა ქეთევან კოვზიაშვილმა ,,საქართველოს ბანკში“ ჩატარებული სპეცოპერაციის შესახებ მედიასთან მოკლე კომენტარი გააკეთა.

"სპეცოპერაცია დასრულებულია. 1 პირი არის დაკავებული ყველა მძევალი თავისუფალია. მთელი დღის განმავლობაში პოლიციელებმა იმუშავეს იმისთვის, რომ ეს შედეგი დამდგარიყო.“-აღნიშნა ქეთევან კოვზიაშვილმა.

შეგახსენებთ, 9 საათიანი სპეცოპერაცია  დასრულდა. თავდამსხმელს 12 ადამიანი მძევლად ყავდა აყვანილი.

თვითმხილველების ინფორმაციით, იყო სროლის ხმაც, თუმცა შსს-ს წარმომადგენლებმა უარყვეს ვინმეს დაჭრა.

“საქართველოს ბანკზე” თავდამსხმელი თავდაპირველად 2 მილიონ დოლარს ითხოვდა, შემდეგ კი 1.5 მილიონს. საბოლოოდ კი სამართალდამცველებმა მისი დაკავება მოახერხეს.

ამ წუთებში ვრცელდება ინფორმაცია, რომ "საქართველოს ბანკზე" თავდამსხმელი დააკავეს და მძევლები გაათავისუფლეს.

მედია შინაგან საქმეთა მინისტრის კომენტარს ელოდება

"სპრინტერი უნდა, 2 მილიონი დოლარი, ვერტალიოტი უნდა, რუსული დროშა უნდა და ერთი ანკესი უნდა ამ კაცს"-საქართველოს ბანკის შენობიდან მორიგი ლაივჩართვა განხორცილედა.კადრში მძევლები ჩანს და ასევე სამხედრო ფორმაში ჩაცმული მამაკაცი,რომელიც ამბობს, რომ ბომბები წამზომზე აქვს.

მძევალი სავარაუდოდ პოლიციის თანამშრომელს ესაუბრება.

"არ ვხუმრობ,მეხუმრება ახლა აქანა რო ვზივარ?ვხუმრობ ხო გეღადავები...აგერ აქვს ბომბი ამ ადამიანს,რა მეხუმრება.შეიარაღებულია აბა რა, დანა-ჩანგლით არის მოსული.."-ამბობს მძევალი.