საზოგადოება

: საზოგადოება; 23 ივნისი 2022; გადასვლები: 1071

ბაღდათის მუნიციპალიტეტში უფასო კვლევები ჩატარდა

ბაღდათის მუნიციპალიტეტში შპს ქალთა ჯანმრთელობის ცენტრმა "ჰერა"- მ სახელმწიფო პროგრამის ფარგლებში უფასო გამოკვლევები ჩაატარა.

მოსახლეობას საშუალება ჰქონდა ადგილზე მიეღო შემდეგი კვლევები:

✔ძუძუს კიბოს სკრინინგი: 40 - 70 წლის ჩათვლით ასაკის ქალებში ყოველ ორ წელიწადში ერთჯერ ან წინა გამოკვლევის დასკვნის შესაბამისად.

✔მამოგრაფიული გამოკვლევა.

✔ საშვილოსნოს ყელის სკრინინგი: 25-60 წლის ჩათვლით ასაკის ქალბატონებში წელიწადში ერთჯერ.

✔ პაპ ტესტის აღება.

: საზოგადოება; 23 ივნისი 2022; გადასვლები: 1198

ძლიერმა წვიმამ ქუთაისი,წყალტუბოს,ტყიბულისა და ხონის მუნიციპალიტეტები დააზარალა

უხვმა ნალექმა და წყალმოვარდნებმა პრობლემები შექმნა იმერეთის მუნიციპალიტეტებში. ძლიერი წვიმებისგან წარმოქმილმა წყალდიდობამ ქუთაისის, წყალტუბოს, ხონისა და ტყიბულის მუნიციპალიტეტები დააზარალა.

სალიკვიდაციო სამუშაოები ამ ეტაპზე ოთხივე მუნიციპალიტეტში მიმდინარეობს, გარდა ამისა სტიქიის ზონებში მთელი ღამის განმავლობაში მუშაობდა საგანგებო სიტუაციების მართვის სამმართველოსა და შესაბამისი სამსახურების თანამშრომლები.

წყალმოვარდნების შდეგად აღნიშნულ მუნიციპალიტეტებში დაიტბორა ქუჩები, წყალმა შეაღწია საცხოვრებელი სახლების პირველ სართულებზეც, ასევე დაიტბორა სახნავ-სათესი ფართობები.

ქუთაისში, მოსული უხვი ნალექის შედეგად დაიტბორა რამდენიმე ქუჩა. სტიქიით გამოწვეული პრობლემების მოგვარებაში ჩაერთო ა(ა)იპ „სპეციალური სერვისები“ და საგანგებო სიტუაციების მართვის სამსახური.

ძლიერი წვიმის შედეგად ტყიბულის შემოსასვლელში დაიტბორა ცენტრალური ქუჩა, ასევე ეზოები და სარდაფები, ხოლო სოფელ ჭყეპში, ტყიბული-ორპირის საავტომობილო გზის მონაკვეთზე ხე წაიქცა, რამაც მოძრაობის შეფერხება გამოიწვია. სპეციალური ტექნიკით ადგილზე დაუყოვნებლივ იქნა მობილიზებული, ტყიბულის მუნიციპალიტეტის კომუნალური გაერთიანება, საგანგებო სიტუაციების მართვის სამსახური, ჩატარდა გაწმენდითი სამუშაოები და ამ დროისათვის მოძრაობა აღდგენილია.

ძლიერი წვიმის შედეგად დაირეცხა სოფლის შიდა გზები და დაზიანდა ბოგირები. სტიქიის სალიკვიდაციოდ, შესაბამისი სამსახურები მთელი ღამის განმავლობაში საგანგებო რეჟიმში მუშაობდნენ.

ღამით მოსული ძლიერი ნალექის გამო, წყალტუბოს მუნიციპალიტეტის მაღალმთიან სოფლებში და ასევე ქალაქის ტერიტორიაზე დაიტბორა როგორც ცენტრალური, ასევე შიდა გზები და ადგილობრივი მოსახლეობის სახლებისა და საკარმიდამო ნაკვეთების ნაწილი.

ამ დროისთვის მობილიზებულია შესაბამისი ტექნიკა და დაწყებულია გაწმენდითი სამუშაოები.

უხვი ნალექის შედეგად სოფელ ცხუნკურში, დღნორისის, რიონის და ოფურჩხეთის ადმინისტრაციულ ერთეულებში შემავალ სოფლებში დაზიანდა გზები.

ასევე, წვიმამ გამოიწვია ეგრეთწოდებული ,,ვაზნარის ღელის’’ ადიდება, დაიტბორა სოფელი ხომულის ნაწილი, ჭავჭავაძისა და ერისთავის ქუჩები, მოსახლობის საკარმიდამო ნაკვეთებში წყალი შევიდა.

ხონში, სოფელ გორდში საგზაო ინფრასტრუქტურა დააზიანა, კონკრეტულად შიდა საუბნო გზები, ასევე ქალაქის ტერიტორიაზე სანიაღვრე არხები არის დაზიანებული. სოფლებში: მათხოჯსა და ძეძილეთში რამდენიმე საკარმიდამო დაიტბორა.

ოთხივე მუნიციპალიტეტში შეიქმნა ზარალის დამთვლელი კომისია, რომელმაც შესაბამისი ღონისძიებების გატარება დილიდან დაიწყო.

: საზოგადოება; 23 ივნისი 2022; გადასვლები: 1029

თბილისსა და რეგიონებში,მათ შორის იმერეთში,პოლიციამ 4 პირი დააკავა

ინაგან საქმეთა სამინისტროს თანამშრომლებმა, ოპერატიულ-სამძებრო ღონისძიებებისა და საგამოძიებო მოქმედებების შედეგად, ბოლო პერიოდში, თბილისში, შიდა ქართლსა და იმერეთში, უკანონო ცეცხლსასროლი იარაღები, ასევე, საბრძოლო მასალა ამოიღეს და 4 პირი დააკავეს.

თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა 1993 წელს დაბადებული, წარსულში სხვადასხვა დანაშაულისთვის ნასამართლევი ლ.ბ. ცეცხლსასროლი იარაღის მართლსაწინააღმდეგო შეძენა-შენახვის ფაქტზე დააკავეს.

სამართალდამცველებმა, მოსამართლის განჩინების საფუძველზე ბრალდებულის საცხოვრებელ ბინაში ჩატარებული ჩხრეკის შედეგად, პისტოლეტი, მჭიდი და 7 ვაზნა ნივთმტკიცების სახით ამოიღეს.

შიდა ქართლის პოლიციის დეპარტამენტის თანამშრომლებმა, იმერეთის, რაჭა-ლეჩხუმის და ქვემო სვანეთის პოლიციის დეპარტამენტის თანამშრომლებთან ერთობლივარ ჩატარებული საგამოძიებო მოქმედებების შედეგად, ორი პირი - 1971 წელს დაბადებული რ.ფ. და 1980 წელს დაბადებული კ.გ. ცეცხლსასროლი იარაღის უკანონო შეძენა-შენახვისა და ჯგუფურად გასაღების ბრალდებით მოსამართლის განჩინების საფუძველზე დააკავეს.

გამოძიებით დადგინდა, რომ ბრალდებულებმა სხვადასხვა დროს შეიძინეს 9 პისტოლეტი, რომელთა ნაწილი ჯგუფურად, უკანონოდ გაასაღეს, ნაწილს კი მართლსაწინააღმდეგოდ ინახავდნენ.

შიდა ქართლის პოლიციის დეპარტამენტის ხაშურის რაიონულ სამმართველოს თანამშრომლებმა კი 1994 წელს დაბადებული გ.ნ. ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ბრალდებით დააკავეს.

სამართალდამცველებმა ხაშურში, ბრალდებულის საცხოვრებელ სახლსა და დამხმარე სათავსოებში ჩატარებული ჩხრეკის შედეგად, ნივთმტკიცების სახით ამოიღეს გადაჭრილი თოფი - ე.წ. აბრეზი და 8 ვაზნა.

დანაშაულები 3-დან 11 წლამდე ვადით თავისუფლების აღკვეთას ითვალისწინებს.

ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და ჯგუფურად გასაღების ფაქტებზე გამოძიება საქართველოს სისხლის სამართლის კოდექსის 236-ე მუხლის მე-3, მე-5 და მე-6 ნაწილებით მიმდინარეობს.

: საზოგადოება; 23 ივნისი 2022; გადასვლები: 957

ტყიბულის მუნიციპალიტეტში უხვმა ნალექმა პრობლემები შექმნა

სოფელ კურსებში კალაპოტიდან გადმოსულმა წყალმა იქ არსებული ქვის საწარმოს მიმდებარე ტერიტორია დატბორა. საწარმოში ოთხი ადამიანი იმყოფებოდა, ყველა მათგანი მაშველებმა უსაფრთხო ადგილას უვნებლად გამოიყვანეს.

ძლიერი წვიმის შედეგად ქალაქის შემოსასვლელში დაიტბორა ცენტრალური ქუჩა, ასევე ეზოები და სარდაფები, ხოლო სოფელ ჭყეპში, ტყიბული-ორპირის საავტომობილო გზის მონაკვეთზე ხე წაიქცა, რამაც მოძრაობის შეფერხება გამოიწვია. სპეციალური ტექნიკით ადგილზე დაუყოვნებლივ იქნა მობილიზებული, ტყიბულის მუნიციპალიტეტის კომუნალური გაერთიანება, საგანგებო სიტუაციების მართვის სამსახური, ჩატარდა გაწმენდითი სამუშაოები და ამ დროისათვის მოძრაობა აღდგენილია.

ტყიბულის მუნიციპალიტეტის მერმა კურსებში ის ოჯახი მოინახულა, სადაც წყალი საცხოვრებელი სახლის პირველ სართულზე შევარდა. დავით ჩერქეზიშვილი მათ დახმარებას დაპირდა.

ძლიერმა წვიმამ მუნიციპალიტეტში სხვა პრობლემებიც შექმნა, მათ შორის, დაზიანდა სოფლის შიდა გზები და ბოგირები. სტიქიის სალიკვიდაციოდ შესაბამისი სამსახურები მთელი ღამის განმავლობაში საგანგებო რეჟიმში მუშაობდნენ.

მუნიციპალიტეტისთვის მიყენებულ ზარალს სპეციალური კომისია შეისწავლის.

: საზოგადოება; 21 ივნისი 2022; გადასვლები: 1169

ბაღდათის მუნიციპალიტეტის სოფელ პირველ ობჩაში საგზაო ინფრასტრუქტურული სამუშაოები მიმდინარეობს

ასფალტის საფარი იგება ე.წ პატარიძეების უბინიდან ობჩის საჯარო სკოლამდე მისასვლელ გზაზე.

️სამუშაოები რეგიონებში განსახორციელებელი პროექტების ფონდიდან ფინანსდება და მას ტენდერში გამარჯვებული სამშენებლო კომპანია შ.პ.ს. " მეკა" ასრულებს.

აღნიშნული გზის მონაკვეთი დაახლოებით ორი კილომეტრია და რეაბილიტაცია აქამდე არასდროს ჩატარებია.

მიმდინარე სამუშაოებს ბაღდათის მუნიციპალიტეტის მერი კახა ენუქიძე, მერიის ინფრასტრუქტურის სამსახურის ხელმძღვანელ კახა მსხვილიძესთან და სოფელ პირველ ობჩაში, მერის

წარმომადგენელ ხვიჩა ბურჯანაძესთან ერთად გაეცნო.

პატარიძეების უბნიდან ობჩის საჯარო სკოლამდე მისასვლელი გზით, თითქმის მთელი სოფლის მოსახლეობა სარგებლობს. უკვე მათ გადაადგილება შეფერხების გარეშე , სრულიად რეაბილიტირებული გზით შეუძლიათ.

: საზოგადოება; 20 ივნისი 2022; გადასვლები: 858

თბილისში მიმდინარე აქციაზე მოქალაქეები ქუთაისიდანაც იმყოფებიან

თბილისში, რუსთაველის გამზირზე აქცია - „შინ ევროპისკენ“ მიმდინარეობს, რომელიც "სირცხვილიას“ და სამოქალაქო მოძრაობების ორგანიზებით იმართება. აქცია საქართველოსა და ევროკავშირის ჰიმნებით გაიხსნა. აქციაზე მოქალაქეები სხვადასხვა ქალაქიდან არიან შეკრებილები,მათ შორის არიან ქუთაისიდან.

" აქ ვდგავარ იმიტომ, რომ მოვალედ ვთვლი თავს იმათ წინაშე, ვინც სიცოცხლე გაწირა ჩვენი ქვეყნის დამოუკიდებლობისთვის და ევროპული მომავლისთვის. ვდგავარ იმიტომ ,რომ ჩემი ქვეყანა იყოს ევროპის ღირსეული წევრი. ჩვენ ევროპა ვართ მთელი არსით და ჩვენი ადგილი იქაა."-განაცხადა "აქტორთან" სამოქალაქო აქტივისტმა,ჟურნალისტმა ქეთი დეისაძემ.

received 355350693393738

ფოტოს ავტორი ქეთი დეისაძე

დღის სიახლეები

საზოგადოება

Search