სურსათის ეროვნულმა სააგენტომ „ფუდ გალერიდან“ აღებული სურსათის ნიმუშების ლაბორატორიული კვლევის შედეგები მიიღო.  

 29-30 მაისს საქართველოს ტერიტორიაზე მოსალოდნელია ნალექი, ზოგან ძლიერი. შესაძლებელია ელჭექი და სეტყვა. იქროლებს დასავლეთის ძლიერი ქარი, ქვეყნის აღმოსავლეთ ნაწილში, მათ შორის დედაქალაქში, დროგამოშვებით ძალიან ძლიერი. ზღვაზე მოსალოდნელია 4-5 ბალიანი შტორმი. 

მოსალოდნელმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

🇬🇪

რიონის აღკვეთილის შექმნის მიზანი ზუთხისებრთა სახეობების გამრავლება და დაცვაა.  რიონის აღკვეთილი სამტრედიის მუნიციპალიტეტში დაარსდება. მდინარე რიონი ერთ-ერთია მსოფლიოს იმ რამდენიმე მდინარიდან, სადაც ჯერ კიდევ შენარჩუნებულია ზუთხისებრთა სატოფო ადგილები და ისინი ბუნებრივ გარემოში მრავლდებიან. აღკვეთილის ტერიტორია ფარავს 554 ჰექტარს და მოიცავს მდინარე რიონის იმ მონაკვეთს, სადაც ხდება ზუთხისებრთა ქვირითობა.

საკითხი გარემოს დაცვისა და ბუნებრივი რესურსების კომიტეტმა მეორე მოსმენით, მუხლობრივად განიხილა.საუბარია  „კოლხეთის დაცული ტერიტორიების შექმნისა და მართვის შესახებ“ კანონში ცვლილებებზე.

ქუთაისში, საქართველოს დამოუკიდებლობის დღისადმი მიძღვნილი საზეიმო ღონისძიებები იმართება. 

დამოუკიდებლობის დღის აღსანიშნავად, ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის, თავდაცვის სამინისტროს თავდაცვის ძალებისა და საქართველოს ინოვაციების და ტექნოლოგიების სააგენტოს მხარდაჭერით, ქუთაისში სამხედრო ტექნიკის გამოფენა, ასევე სხვადასხვა სახის კულტურულ-შემეცნებითი აქტივობა მოეწყო.

საქართველოს დამოუკდებლობის დღისადმი მიძღვნილი ღონისძიებები მთელი ქვეყნის მასშტაბით, მათ შორის იმერეთის რეგიონის ყველა მუნიციპალიტეტში ტარდება.

გადაუღებელი წვიმის შედეგად დაზიანდა ცენტრალური გზები, სოფლის შიდა გზები, ბოგირები, დაიტბორა საცხოვრებელი სახლები, მიწის ნაკვეთები.

 ბაღდათის მუნიციპალიტეტის დასუფთავებისა და კომუნალური გაერთიანების თანამშრომლები ჩართული არიან გაწმენდით სამუშაოებში. მობილიზებულია სპეც ტექნიკა. 

ბაღდათის მუნიციპალიტეტის მერი ნოდარ გიორგიძე მოადგილეებთან, საკრებულოს თავმჯდომარე გურამ კიკნაველიძესთან და თვითმმართველობის წარმომადგენლებთან ერთად დილიდან ეცნობა არსებულ ვითარებას. უხვი ნალექის შედეგად მიყენებულ ზარალს ბაღდათის მუნიციპალიტეტის მერიის სპეციალური კომისია შეისწავლის.

ძლიერმა წვიმამ პრობლემები შექმნა ქუთაისში.

დაიტბორა გზები, გადაადგილება შეფერხდა, წყალი შევიდა ეზოებსა და სახლებში.

,,ქუთაისი, ჭავჭავაძის გამზირი, ბიჯო გადაკეტეთ მაინც აქაურობა. ყველა ჭის თავი ახდილია, ილეწება მანქანები, კანალიზაცია ზემოთ ამოდის, ყარს აქაურობა. 

ძლიერი წვიმა თუ მოვიდა პარალიზება უნდა მოხდეს ქალაქის და კანალიზაციაში უნდა ვიცურაოთ? 

თოვლი მოვა სტიქიაო, წვიმა მოვა სტიქიაო, უუნაროები ხართ, მავნებლები ხართ, ქალაქს კი არა ბატებს არ უნდა გაბარებდეთ თქვენ არავინ მისახედათ.,,-წერს ჯგუფში,,ქუთაისში არსებული ინფრასტრუქტურული პრობლემები,, მოქალაქე . 

,,ასეთი ამბავია ყოველი გაწვიმების დროს.. ავტოქარხნის დასახლებაში ფრუიძეების, ქორქიას და წმ. საბას ქუჩებზე...არ არსებეობს სანიაღვრე სისტემა, არ არის ტრანსპორტი, რომ როგორმე ავტომშენებლის ქიჩამდე მაინც ჩავაღწიოთ...არაერთი მოთხოვნის მიუხედავად პატრონი არ ყავს ამ უბანს,,- წერს ადგილობრივი მაცხოვრებელი.