მარანი ხაჟალია ,,გემო ფესტში,, მონაწილეობას წელს უკვე მეორედ მიიღებს.

ახალგაზრდული ენერგიით,  ახალგაზრდა ცოლ-ქმრის მიერ,სამ შვილთან ერთად შექმნილი მარანი მათთვის მხოლოდ საქმე არ არის.ეს სიყვარულია- ვაზის , ყურძნის, ღვინის, ქვევრის, ქვეყნის და მშობლიური სოფლის. სწორედ ამიტომ გადაწყვიტეს ახლაგაზრდა მევენახეებმა, შალვა  ხაჟალიამ და მარი ზარნაძე-ხაჟალიამ მარანი მშობლიურ სოფელ  გეგუთში გაემართათ. გადაწყვიტეს , იშრომეს  და შექმნეს! შრომა დაფასდა, უკვე იყო უამრავი გამოფენა და პირველი ჯილდოც.

ყველა ფესტივალი და გამოფენა მნიშვნელოვანია,თუმცა ახალგაზრდა მევენახეები ორმაგად ღელავენ, როცა ღვინოს საკუთარ ქალაქში წარადგენენ. ,,გემო ფესტის,,  ფარგლებში ,,მარანი ხაჟალია,, სადეგუსტაციოდ  რამდენიმე სახეობის ღვინოს გამოიტანს: ქისი 2022, ქისი 2024,საფერავი 2023, ციცქა 2024, ცოლიკოური 2024, ხიხვი 2022, ხიხვი 2024, ძელშავი როზე.

,,გემო ფესტი,,  ქუთაისში 14 და 15 ივნისს გაიმართება. ვერიკო ანჯაფარიძის სახელობის სკვერში, კვების და გასართობი სივრცეები, სამეწარმეო და ღვინის ბაზარი მოეწყობა.სწორედ ამ ფესტივალის ღირსეული მონაწილეა ,,მარანი ხაჟალია,,.

მარანი აწარმოებს ქვევრის ღვინოს,როგორც კახური,ისე იმერული ყურძნის.

ფესტივალის გარდა ,,მარანი ხაჟალია,, სტუმრებს  მასპინძლობს  სოფელი გეგუთშიც,(ქუჩა 40, N 20,) სადაც სადეგუსტაციო სივრცე,კეთილმოწყობილი მარანი და გულღია მასპინძლები დაგხვდებათ.

შინაგან საქმეთა სამინისტროს იმერეთის პოლიციის დეპარტამენტის ქუთაისის საქალაქო სამმართველოს თანამშრომლებმა გატარებული ოპერატიული და საგამოძიებო ღონისძიებების შედეგად, ნარკორეალიზაციის ფაქტზე ინდოეთის რესპუბლიკის მოქალაქე, 2002 წელს დაბადებული ტ.ტ. დააკავეს.

დანაშაული 10 წლამდე ვადით თავისუფლების აღკვეთას ითვალისწინებს.

შინაგან საქმეთა სამინისტროს თანამშრომლებმა მოსამართლის განჩინების საფუძველზე არაერთი ფარული საგამოძიებო მოქმედება ჩაატარეს, რითაც დადგინდა, რომ ბრალდებული ნარკოტიკულ საშუალებებს ყიდდა. პოლიციამ ტ.ტ.-სგან რამდენჯერმე განახორციელა ნარკოტიკული საშუალების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.

სამართალდამცველების მიერ ნივმთტკიცებად ამოღებულია ნარკოტიკული საშუალება „მარიხუანა“.

გამოძიება საქართველოს სისხლის სამართლის კოდექსის 260-ე ტერცია მუხლის პირველი ნაწილით და 273-ე პრიმა მუხლის მე-2 ნაწილით მიმდინარეობს.

14 და 15 ივნისს ქუთაისში,,გემო ფესტი,, გაიმართება. ღონისძიება 15:00 საათიდან დაიწყება და გვიან ღამემდე გაგრძელდება. 

ფესტივალი ქუთაისში წელს მესამედ გაიმართება.ვერიკო ანჯაფარიძის სახელობის სკვერში, კვების და გასართობი სივრცეები, სამეწარმეო და ღვინის ბაზარი მოეწყობა.

ქუთაისელებსა და ქალაქის სტუმრებს საშუალება ექნებათ დააგემოვნონ როგორც ტრადიციული, ასევე იშვიათი იმერული კერძები. „გემო ფესტის“ ფარგლებში გაიმართება კონცერტი.

ფესტივალის მიზანია რეგიონებში ადგილობრივი სამზარეულოს პოპულარიზაცია, მეწარმეების/ოჯახების ხელშეწყობა, შიდა და საერთაშორისო მოგზაურების ნაკადების ზრდა.

,,ძველებს უთქვამთ: „კარგი ამბავი ბევრჯერ მოყევი, რომ არავის გამორჩესო“.

 ჰოდა ჩვენო ერთგულო, ძველო და ახალო სტუმარო - მოინიშნე, დაიმახსოვრე, თუნდაც ხელზე დაიწერე, რომ 14 და 15 ივნისს ქუთაისში გემო ფესტია.

ამის გამოტოვება რომ არ შეიძლება ან გინახავთ ან გსმენიათ მაინც.

ასე რომ შევხვდებით ქუთაისში, ხიბლით სავსე იმერეთში.,,წერია ფესტივალის შესახებ ორგანიზატორების მიერ გავრცელებულ ინფორმაციაში. 

შინაგან საქმეთა სამინისტროს საპატრულო პოლიციის, თბილისის, აჭარისა და იმერეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად უკანონო ცეცხლსასროლი იარაღები და საბრძოლო მასალა ამოიღეს - დაკავებულია 10 პირი.

დანაშაულები 7 წლამდე ვადით თავისუფლების აღკვეთას ითვალისწინებს.

დანაშაულები 7 წლამდე ვადით თავისუფლების აღკვეთას ითვალისწინებს.

სამართალდამცველებმა დაკავებულების პირადი, საცხოვრებელი სახლების დაავტომობილების ჩხრეკის შედეგად, ნივთმტკიცებად სხვადასხვა ტიპის ცეცხლსასროლი იარაღი და საბრძოლო მასალა ამოიღეს - პისტოლეტები, რევოლვერები, სანადირო თოფი, მჭიდები და ვაზნები.

გამოძიება სისხლის სამართლის კოდექსის 236-ე მუხლის მე-3, მე-4 და ნაწილებით მიმდინარეობს.

 1 ივლისიდან საინფორმაციო ცენტრი ნატოსა და ევროკავშირის შესახებ  ფუნქციონირებას შეწყვეტს. ინფორმაციას ცენტრის იმერეთის რეგიონალური წარმომადგენელი მარიკა ვაჭარაძე ავრცელებს .

მარიკა ვაჭარაძე ერთ-ერთია საგარეო საქმეთა სამინისტროს იმ თანამშრომლებს შორის,რომლებმაც საჯაროდ გამოხატეს უკმაყოფილება ქვეყნის საგარეო კურსის ცვლილებასთან დაკავშირებით და ხელი მოაწერეს საპროტესტო განცხადებას. 

,, სულ რამდენიმე კვირა გახდა საჭირო "შერწყმიდან" "ლიკვიდაციამდე"  და ამას აკეთებს ის ხელისუფლება, რომელსაც 8 თვის წინ "ღირსებით" მივყავდით ევროპისკენ.  პარადოქსია არა? მეტიც, და ეს ხდება, მაშინ, როცა კონსტიტუციის 78-ე მუხლი ხელისუფლებას ავალებს "კონსტიტუციურმა ორგანოებმა თავიანთი უფლებამოსოლებუს ფარგლებში მიიღონ ყველა ზომა, ევროპის კავშირისა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციუს უზრუნველსაყოფად!" ალბათ,  საკონსტიტუციო უმრავლესობა რომ ქონდეთ პარლამენტში ამ მუხლსაც ამოიღებდნენ...

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2025 წლის 1 მაისიდან 31 მაისის ჩათვლით, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 503 ფაქტი გამოავლინეს. 

ყველაზე მეტი, 226 სამართალდარღვევა გამოვლინდა თბილისში, 110 - ბათუმში, 88 - რუსთავში, 79 კი - ქუთაისში.  

 503 სამართალდარღვევიდან 441 ფიზიკური პირის მიერაა ჩადენილი, 62 შემთხვევაში კი, გარემოსდაცვითი ზედამხედველობის დეპარტამენტის თანამშრომლებმა იურიდიული პირები დააჯარიმეს.

 292 სამართალდარღვევა მსუბუქი ავტომობილების, 193 - მიკროავტობუსის, 18 კი, სატვირთო ავტომობილის მძღოლების/მფლობელების მიერააა ჩადენილი.  

 აღსანიშნავია, რომ გარემოსდაცვითი ზედამხედველობის დეპარტამენტის თანამშრომლებმა, 2025 წლის ხუთ თვეში, გამონაბოლქვის დადგენილ ნორმებთან შეუსაბამობის 1940 სამართალდარღვევა გამოავლინეს.