საზოგადოება

: საზოგადოება; 01 ოქტომბერი 2023; გადასვლები: 959

საქართველოში ამინდი იცვლება-მოსალოდნელია ნალექი

2 ოქტომბერს, ღამის საათებში აღმოსავლეთ საქართველოს აღმოსავლეთ რაიონებში, ხოლო დღისით საქართველოს უმეტეს ტერიტორიაზე მოსალოდნელია წვიმა ელჭექით, ზოგან ძლიერი, შესაძლებელია სეტყვა და ქარის გაძლიერება.

3 ოქტომბერს დასავლეთ საქართველოში და აღმოსავლეთ საქართველოს დასავლეთ რეგიონებში შენარჩუნდება წვიმა,ზოგან ძლიერი, ხოლო შავი ზღვის სანაპირო რაიონებში და კოლხეთის დაბლობზე შესაძლებელია ძალიან ძლიერი. ზღვაზე 3-4 ბალიანი შტორმული ღელვა.

მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.

: საზოგადოება; 01 ოქტომბერი 2023; გადასვლები: 1058

7 ოქტომბერს ქუთაისი ღვინის დღეებს უმასპინძლებს

ფესტივალი ,,ღვინის დღეები,, 7-დან 15 ოქტომბრის ჩათვლით მთელი საქართველოსმასშტაბით გაიმართება. 7 ოქტომბერს ფესტივალი თბილისში, თელავში,ქუთაისში, გორსა და ბათუმში ერთდროულად, 14:00 საათზე გაიხსნება. ქუთაისში ,,ღვინის დღეები,, ცისფერყანწელების ქუჩაზე ჩატარდება.

14:00–21:00 იმერული ღვინის დეგუსტაცია და გამოფენა-გაყიდვა

14:00–21:00 კვების სივრცე: მწვადი, ყველი, თაფლი, ჩურჩხელა; ადგილობრივი მზარეულების ტრადიციული კერძები

14:00-21:00 საგამოფენო სივრცე - „8000-წლიანი უწყვეტი ტრადიცია“

15:00–18:00 პურის ცხობა, ჩურჩხელების ამოვლება, ფელამუშის მომზადება, ყურძნის დაწურვა საწნახელში

15:00–18:00 საბავშვო გასართობი სივრცეები და გაკვეთილები: თიხით ძერწვა, ღვინის ჭიქებისა და ბოთლების მოხატვა

15:00–19:00 DJ

15:30–16:00 ქართული ხალხური საკრავების წარმოდგენა

16:00–17:00 ღვინის კონკურსი

17:00–17:30 კინტოების წარმოდგენა

17:30–18:30 სომელიე ჯაბა ძიმისტარიშვილის სესიები ადგილობრივ ღვინოზე

19:00–21:00 კონცერტი: ანსამბლი “ჰერიო“, „სალიო”

იმერეთში ,,ღვინის დღეებს,, 9 ოქტომბერს თერჯოლა , 14 ოქტომბერს ზესტაფონი, 15 ოქტომბერს კი ბაღდათი უმასპინძლებს.

: საზოგადოება; 30 სექტემბერი 2023; გადასვლები: 863

განათლების სამინისტრომ იმერეთის ერთ-ერთ სკოლაში მოსწავლის ბულინგის საქმეზე მოკვლევა დაიწყო

საქართველოს განათლებისა და მეცნიერების სამინისტრო ეხმიანება იმერეთის ერთ-ერთ საჯარო სკოლაში მოსწავლის მიმართ ბულინგის საქმეს.

საზოგადოებას გვსურს ვაცნობოთ, რომ ფაქტის გახმაურებისთანავე პროცესში ჩაერთო საქართველოს განათლებისა და მეცნიერების სამინისტროს ყველა შესაბამისი სტრუქტურული ერთეული, მათ შორის მანდატურის სამსახურის ფსიქოსოციალური მომსახურების ცენტრი და ფსიქოლოგები უკვე მუშაობენ როგორც ბავშვებთან, ასევე მათ მშობლებთან.

აქვე გაცნობებთ, რომ სამინისტროს შიდა აუდიტმა უკვე დაიწყო მოკვლევა და სწავლობს სკოლის დირექტორის, ან ადმინისტრაციის სხვა წარმომადგენლების მხრიდან შესაძლო გადაცდომის ფაქტებს.

როგორც მოგეხსენებათ, იმერეთის ერთ-ერთ საჯარო სკოლაში მოსწავლის მიმართ ბულინგის საქმეზე შინაგან საქმეთა სამინისტრომ უკვე გამოძიება დაიწყო.

საქართველოს განათლებისა და მეცნიერების სამინისტრო ჩართულია საკითხის ყველა ასპექტის შესწავლაში.

: საზოგადოება; 30 სექტემბერი 2023; გადასვლები: 972

იმერეთში არასრულწლოვნის შესაძლო ბულინგის ფაქტზე გამოძიება დაიწყო

ტყიბულის მუნიციპალიტეტის სოფელ გელათის საჯარო სკოლაში მე-9 კლასელი გოგონას მიმართ თანასკოლელებისაგან თვეებია ბულინგი არ წყდება .აღნიშნულ ინფორმაციას ადვოკატი ლევან ჭელიძე ავრცელებს .მისი თქმით,ფაქტის შესახებ ცნობილი იყო სკოლის დირექციისთვის,თუმცა სასწავლო დაწესებულების ადმინისტრაცია ფაქტს მალავდა.გელათის სკოლის დირექტორი ამავდროულად კურსების თემის მაჟორიტარი დეპუტატია .

მოსწავლეს ჩანთაში ჩაუდეს მუქარის შემცველი წერილი, რომლის მიხედვითაც მას თვითდაზიანების მიყენას აიძულებდნენ, შეუსრულებლობის შემთხვევაში კი ფიზიკური ანგარიშსწორებით ემუქრებოდნენ.

როგორც შინაგან საქმეთა სამინისტროში განაცხადეს , ფაქტზე გამოძიება სსსკ-ის 150-ე მუხლით დაიწყო, რაც იძულებას გულისხმობს.

: საზოგადოება; 29 სექტემბერი 2023; გადასვლები: 1068

მომავალი წლიდან პენსიები და საჯარო მოხელეთა ხელფასები გაიზრდება

მომავალი წლიდან პენსია იზრდება.ასე დაგეგმილია საჯარო მოხელეების ხელფასების ზრდაც.განცხადება საქართველოს პრემიერ-მინისტრმა ირაკლი ღარიბაშვილმა გააკეთა.

„70 წლისა და მეტი ასაკის პირთა პენსია გაიზრდება 50 ლარით და გახდება 415 ლარი. ამავე კატეგორიის პენსიონერთა პენსია მაღალმთიან დასახლებებში იქნება თითქმის 500 ლარი.

70 წლამდე პირთა პენსია იზრდება 20 ლარით და განისაზღვრება 315 ლარით და მაღალმთიანში იქნება 380 ლარი.

ბიუჯეტში გათვალისწინებულია ყველა საჯარო მოხელის ხელფასების ზრდა, 10%-ით.

ძალოვნებისთვის, მინდა ვთქვა, რომ ჩვენ შარშან 20%-იანი ზრდა გავაკეთეთ და ჯამში, ბოლო 2 წელიწადში, თითქმის 40-45%-იანი ზრდა გამოგვივიდა ძალოვნებში, პოლიციაში, ჯარში და პრესსამსახურებში. სხვა საჯარო მოხელეებს, ყველას, გაეზარდა ბოლო ორ წელიწადში 30%-ით, ამ ახალი ზრდის ჩათვლით, რაც ძალიან მნიშვნელოვანია. ჩვენ ამ ტენდენციას, რა თქმა უნდა, შევინარჩუნებთ და გავაგრძელებთ წახალისებას ჩვენი საჯარო მოხელეების და მათი ხელფასების ზრდას“, - განაცხადა პრემიერ-მინისტრმა.

: საზოგადოება; 28 სექტემბერი 2023; გადასვლები: 808

უკანონო ნადირობის ყველაზე მეტი ფაქტი იმერეთში გამოვლინდა

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ნადირობის სეზონის დაწყებიდან 19 სექტემბრის ჩათვლით, უკანონო ნადირობის 229 ფაქტი გამოავლინეს.

უკანონო ნადირობის ყველაზე მეტი - 80 ფაქტი დაფიქსირდა იმერეთში. 40 სამართალდარღვევაა გამოვლენილი მცხეთა-მთიანეთში, 36 - სამეგრელო-ზემო სვანეთში, 21 - შიდა ქართლში, 15 - გურიაში, 12 - კახეთში, 9 - აჭარაში, 7 - სამცხე-ჯავახეთში, 5 - ქვემო ქართლში, 2 ფაქტი კი, რაჭა-ლეჩხუმი ქვემო სვანეთში დაფიქსირდა. გარემოსდაცვითი ზედამხედველობის დეპარტამენტის თანამშრომლებმა უკანონო ნადირობის 2 ფაქტი აღკვეთეს ქალაქ თბილისის ადმინისტრაციულ საზღვრებშიც.

გამოვლენილი სამართალდარღვევებიდან 163 აკრძალული იარაღით ან მეთოდით ნადირობის ფაქტებია. 59 შემთხვევაში სამართალდამრღვევები გარემოდან გადამფრენი ფრინველების ამოღებაზე დაწესებული მოსაკრებლის გადახდის გარეშე ნადირობდნენ, 5 შემთხვევაში ბრაკონიერებმა აკრძალული სახეობები მოინადირეს, 2 კი, გადამფრენ ფრინველებზე ქალაქის ან მუნიციპალიტეტის ტერიტორიაზე ნადირობის ფაქტია.

დაფიქსირდა უკანონო საშუალებით, ფრინველის მოსაზიდი ხელნაკეთი ხმოვანი სიგნალების გამომცემი ელექტრონული მოწყობილობით ნადირობის ფაქტებიც. ნადირობის სეზონის დაწყებიდან 1 თვის განმავლობაში, ამოღებულია 164 ერთეული ხმოვანი სიგნალების გამომცემი ელექტრონული მოწყობილობა.

უკანონო ნადირობის ფაქტების გამოვლენისა და პრევენციის მიზნით, გარემოსდაცვითი ზედამხედველობის დეპარტამენტის თანამშრომლები, ნადირობის სეზონის განმავლობაში, საქართველოს მასშტაბით 24-საათიან გაძლიერებულ კონტროლს ახორციელებენ.

დღის სიახლეები

საზოგადოება

Search