იმერეთში სახელმწიფო რწმუნებულმა ზვიად შალამბერიძემ, პირველ მოადგილე ლევან სანიკიძესთან და ქუთაისის მერ იოსებ ხახალეიშვილთან ერთად, პოლონეთის დელეგაციასთან ოფიციალური შეხვედრა გამართა. 

ხარაგაულში კორუფციული გარიგებების სქემებზე იმერეთის ანტიკორუფციული მოძრაობისა და  "ერთიანი ნაციონალურ მოძრაობის" წარმომადგენლებმა ბრიფინგი გამართეს.

,,დანამდვილებით ვიცით, რომ რამდენიმე ძალიან კვალიფიციურმა საერთაშორისო ექსპერტმა შეაფასა გელათის ვითარება და ამ დასკვნებს წულუკიანი მალავს და არ ასაჯაროებს. ეს დასკვნები არის ძალიან კრიტიკული,, - ამის შესახებ „პალიტრანიუსის“ გადაცემა „ნიუსრუმში“ „ლელოს“ ერთ-ერთმა ლიდერმა ანა ნაცვლიშვილმა განაცხადა.

მისივე თქმით, ერთ-ერთი კვლევა საპატრიარქოს დაკვეთის ჩატარდა, რადგან გელათის მდგომარეობით შეშფოთებულები არიან.

„გელათის მთელი ტაძარი შიგნიდანაც და გარედანაც არის უზარმაზარ რკინის კონსტრუქციებში. ფაქტობრივად, გელათი აღარ არის ის, რაც ჩვენ ვიცით. ღვთისმშობლის უნიკალური მოზაიკა უკვე დაზიანებულია და ჩვენ არ გვაქვს პასუხი, შესაძლებელია თუ არა მისი აღდგენა, მაგრამ სხვა ფრესკებზე რა ხდება ვერც კი შეამჩნევ იმიტომ, რომ მთლიანად არის რკინის კონსტრუქციები. პრობლემა არის იმაში, რომ ეს პროცესი დაიწყო და დაიგეგმა არასწორად. სახელმწიფო ჯერ კიდევ ხელს იშვერს შემსრულებლებისკენ მაშინ, როდესაც კულტურული მემკვიდრეობის ძეგლზე, მონიტორინგი და კონტროლი სახელმწიფოს მხრიდან ყველა ფაზაში ჩავარდა, ამიტომ მივიდა გელათი ასეთ ვითარებამდე. სიმპტომატური გახდა „ქართული ოცნებისთვის’’, რომ მათი ხელისუფლების დროს წინამორბედებზე პასუხისმგებლობას არ იღებენ და საერთოდ არ ცნობს ასეთ რამეს სამართალი და მითუმეტეს პოლიტიკა. სახელმწიფო არის სახელმწიფო და პასუხისმგებლობის მატარებელი არის სახელმწიფო და წულუკიანის დროს რაც ხდება, ახლა ამაზე ვილაპარაკოთ. სანამ ფრესკის თვალი ჩამოიშლებოდა, რამდენიმე დღით ადრე ის პარლამენტში ყველას არწმუნებდა, რომ ყველაფერი კარგად არის. წულუკიანის დროს ერთადერთი გასვლითი სხდომა ჩატარდა გელათში და ისიც დაიხურა, კომიტეტი არც კი კითხულობს მის მიერ გაცემული რეკომენდაციები როგორ სრულდება. დანამდვილებით ვიცით, რომ რამდენიმე ძალიან კვალიფიციურმა საერთაშორისო ექსპერტმა შეაფასა გელათის ვითარება და ამ დასკვნებს წულუკიანი მალავს და არ ასაჯაროვებს, ეს დასკვნები არის ძალიან კრიტიკული. მათ შორის, ერთ-ერთი კვლევა ჩატარდა საპატრიარქოს დაკვეთით. საპატრიარქოც შეშფოთებულია და ფაქტობრივად, ხვდება, რომ სახელმწიფოს მიერ ჩატარებული პროცესები არ არის სანდო და არ არის სწორი“, - განაცხადა ანა ნაცვლიშვილმა.

ანტიკორუფციული მოძრაობის იმერეთის ორგანიზაციის თავმჯდომარემ ბრიფინგი გამართა.თემურ ცამციშვილმა ქუთაისში მიმდინარე ინფრასტრუქტურულ პროექტებსა და არსებულ პრობლემებზე ისაუბრა.

კონკრეტულად კი ცამციშვილმა ტიციან ტაბიძის ქუჩაზე მიმდინარე სამუშაოებზე გაამახვილა ყურადღება, რისთვისაც ბიუჯეტიდან 363 000 ლარია გამოყოფილი. რეაბილიტაციას შპს. "გზამშენი 21"ახორციელებს.როგორც ანტიკორუფციული მოძრაობის წარმომადგენელი აცხადებს,სამუშაოები უხარისხოდ სრულდება.

"ყველა ინფრასტრუქტურული პროექტი ხორციელდება იმისათვის, რომ მოქალაქეებს ქონდეთ უფრო მეტი კომფორტი,იცხოვრონ უფრო კარგ გარემოში და ზოგადად,ჩვენი ქალაქი გახდეს უკეთესი და ინფრასტრუქტულად გამართული. ყველა მიმდინარე პროექტს,რომელსაც ადგილობრივი თვითმმართველობა ახორციელებს, აქვს თავისი სტანდარტები და მოთხოვნები,თუნდაც მინიმალური.იმისათვის, რომ ნაკლები დისკომფორტი შეექმნათ მოქალაქეებს,ადგილობრივი თვითმმართველობა უნდა ახორციელდებს ყველა სამუშაოს კონტროლს და მონიტორინგს,მეორეს მხრივ კი ჩვენ გვაქვს რადიკალურად განსხვავებული სურათი,პირველ რიგში, ტიციან ტაბიძის ქუჩა,რომელზეც ჩვენ ვსაუბრობთ ,საერთოდ არ საჭიროებდა სანიაღვრე სისტემის გამოცვლას.პირიქით, ეს ქუჩა ქალაქის ცენტრალურ ნაწილში იმ  იშვიათი გამონაკლისს წარმოადგენდა, რომელიც საერთოდ არ იტბორებოდა წვიმის დროს,მაგრამ მერიამ მაინც გადაწყვიტა ამ ქუჩის რეაბლიტიაცია და ახლა გვაქვს ასეთი სურათი,- მერია 363 000 ლარს უხდის კომპანიას, სამუშაოება სრულდება უხარისხოდ,ხოლო ადგილზე გუშინ მთელს ქუჩაზე ორი მუშა მუშაობდა,ეს არის არაპროფესიონალიზმის,გულგრილობის,სახელმწიფო სახსრების არამიზნობრივად ხარჯვის მაგალითი.ასევე უნდა აღინიშნოს, რომ რეაბილიტაციის პროცესში იტბორება მიმდებარე ქუჩებიც."-აცხადებს თემურ ცამციშვილი.

საქართველოს პრეზიდენტი  არ გამორიცხავს, რომ საქართველომ რუსეთთან სავიზო რეჟიმის პირობებს გადახედოს.

როგორც ზურაბიშვილმა მოლდოვაში თავის კოლეგასთან შეხვედრის შემდეგ ერთობლივ ბრიფინგზე განაცხადა, არსებული სავიზო რეჟიმი ლიბერალურია და შეიძლება ამ აგრესიის პირობებში ნაკლებად მისაღები იყოს.

ამასთან, ზურაბიშვილმა ხაზგასმით აღნიშნა, რომ რუსეთის მოქალაქეებს შემოსვლა საქართველოში, გამოწვევაა.

„რაც შეეხება რუსეთის მოქალაქეებს შემოსვლას საქართველოში, ეს ნამდვილად არის გამოწვევა. არ ვიტყოდი საფრთხეს, მაგრამ გამოწვევა არის. მათ შორის არიან საქართველოს ყოფილი მოქალაქეები, რომლებიც ჩამოდიან საქართველოში იმ სიტუაციის გამო, რაც რუსეთში არსებობს. მაგრამ ასევე არიან რუსეთის მოქალაქეები, რომლებიც სხვადასხვა მიზეზის გამო შემოდიან საქართველოში. აქ მთავარია, საზოგადოება იყოს დარწმუნებული, რომ კონტროლის ყველა მექანიზმია გამოყენებული, რათა საფრთხე არ გაჩნდეს. მგონია, რომ ამისთვის მეტი კომუნიკაცია და მეტი ინფორმირებაა საჭირო ჩვენი საზოგადოების, რომ ყველა შესაძლო საფრთხე და საკითხი არის რეალურად გათვალისწინებული ხელისუფლების მიერ და მიღებულია ყველა ზომა.

ასევე არ არის გამორიცხული სავიზო რეჟიმის გადახედვა მოგვიწიოს, რომელიც საკმაოდ ლიბერალურია დღევანდელ პირობებში და რომელიც შეიძლება ამ აგრესიის პირობებში ნაკლებად მისაღები იყოს, მაგრამ ეს ყველაფერი ხელისუფლების მიერაა გადასაწყვეტი საზოგადოებასთან ერთად მისი ინფორმირებით. ყველაზე მთავარი, ალბათ, ეს არის“, - განაცხადა ზურაბიშვილმა.