,,ევროპული საქართველო" გენერალურ პროკურატურას წყალტუბოში კორუფციის ეჭვის გამო გამოძიების დაწყებისკენ მოუწოდებს.
ამის შესახებ ბრიფინგზე გიორგი კანდელაკმა განაცხადა.
საუბარია, საჯარო სკოლებში სანიტარული კვანძების მოსაწყობად ერთ პირთან მოლაპარაკების გზით გამარტივებულ შესყიდვებზე.
,,პანდემიის დაწყებიდან სწავლის დაწყებამდე მთავრობას სკოლების ჰიგიენური კვანძების მოსაწყობად ხუთ თვეზე მეტი ქონდა. წყალტუბოს მუნიციპალიტეტმა კი ტენდერი მხოლოდ სწავლის დაწყებამდე რამდენიმე დღით ადრე გამოაცხადა და ბიუჯეტიდან ,,ქართულ ოცნებასთან" დაახლოებულ პირებს პირდაპირი შესყიდვის გზით ამ რეგიონისთვის კოლოსალური თანხა მიაკუთვნა,,-აცხადებენ ,,ევროპულ საქართველოში".
