ბაღდათის მუნიციპალიტეტის სამუსიკო სკოლას, ბერლინის საქველმოქმედო ორგანიზაციის“კულტურული ცხოვრება“ ხელმძღვანელი ანჟელა მეინბურგი და აღნიშნული ორგანიზაციის წარმომადგენელი საქართველოში სანდრა ვერელი სტუმრობდა.
ანჟელა მეინბურგმა ბაღდათის სამუსიკო სასწავლებლის მევიოლინეთა ჯგუფს საჩუქრად ვიოლინოები გადასცა.
სამუსიკო სკოლაში გერმანელ სტუმრებს ბაღდათის მუნიციპალიტეტის მერი კახა ენუქიძე შეხვდა, სადაც მოისმინეს სავიოლინო ჯგუფის მიერ შესრულებული სამუსიკო ნომრები, ასევე დაიგეგმა აღნიშნულ ორგანიზაციასა და ბაღდათის მუნიციპალიტეტს შორის,
კულტურის მიმართულებით ურთიერთთანამშრომლობის სამომავლო გეგმები.
ბერლინის საქველმოქმედო ორგანიზაციის წარმომადგენლები, ბაღდათის მუნიციპალიტეტთან ხელოვნებისა და კულტურის მიმართულებით, რამდენიმე წელია აქტიურა
თანამშრომლობს, სწორედ ამ თანამშრომლობის ფარგლებში დაფუძნდა 2018-2019 წელს ფესტივალი „მაიაკოვსკის კვალდაკვალ“.
