ქუთაისის ი. გოგებაშვილის სახელობის თოჯინების პროფესიულ სახელმწიფო თეატრში შაბათს, 18 ნოემბერს პრემიერაა.
ელენე მაცხონაშვილის საავტორო სპექტაკლი ,,სახლობანა” განკუთვნილია 10+ ასაკის მაყურებლისთვის.
ერთმოქმედებიან წარმოდგენაში, სამი თოჯინა და ექვსი მსახიობი სცენიდან გვიყვება სიყვარულის აუცილებლობასა და ომის სისატიკეზე. სოფელში გათამაშებული ამბავი და მოულოდნელად დაწყებული ომი , სადაც იგივე ადამიანები მხოლოდ ციფრებად და სტატისტიკად იქცევიან. რა იცვლება ომის დროს ადამიანში? ამ სპექტაკლის საშუალებით, დასს სურს მაყურებელს უთხრას, თუ რამდენად მნიშვნელოვანია მშვიდობა და სიყვარული.
