ეკონომიკა

: ეკონომიკა; 22 მაისი 2023; გადასვლები: 920

ქუთაისი-აბუ დაბის მიმართულებით ფრენების სიხშირე იზრდება

Wizz Air Abu Dhabi ქუთაისის მიმართულებით ფრენის სიხშირეს ზრდის

არაბთა გაერთიანებული საემიროების ავიაკომპანია Wizz Air Abu Dhabi ზრდის ფრენის სიხშირეს საქართველოს მიმართულებით.

საქართველოს სამოქალაქო ავიაციის სააგენტოში წარმოდგენილი ფრენის განრიგის შესაბამისად, ავიაკომპანია მიმდინარე წლის 3 აგვისტოდან, აბუ დაბი - ქუთაისი - აბუ დაბის მიმართულებით დაამატებს კვირაში 2 სიხშირეს და ზაფხულის სანავიგაციო სეზონის ბოლომდე ფრენები შესრულდება კვირაში 9 სიხშირით.

სამოქალაქო ავიაციის სააგენტოს მიერ, Wizz Air Abu Dhabi-ის გაზრდილი სიხშირით ოპერირების ნებართვა უკვე მიენიჭა.

: ეკონომიკა; 16 მაისი 2023; გადასვლები: 1708

ბაღდათის მუნიციპალიტეტი ახალი თაობის ადგილობრივი ეკონომიკური განვითარების გეგმაზე მუშაობს

ადგილობრივი ბაღდათის მუნიციპალიტეტის სოფელ ვარციხეში მდებარე ბიზნეს განვითარებისა და ტურიზმის მომსახურების ცენტრში, ახალი თაობის ადგილობრივი ეკონომიკური განვითარების გეგმის შემუშავების საპილოტე პროცესის ფარგლებში, ადგილობრივ ეკონომიკურ აქტორებთან და მოსახლეობასთან გაფართოებული სამუშაო შეხვედრა გაიმართა.

ადგილობრივი დაგეგმვის გუნდსა და undp m4eg ექსპერტებთან ერთად შეხვედრას ესწრებოდნენ ადგილობრივი ბიზნეს სექტორის, საერთაშორისო, სამოქალაქო, საგანმამათლებლო ორგანიზაციებისა და სხვადასხვა სოციალური ჯგუფების წარმომადგენლები. შეხვედრის მონაწილეებმა თემატურ ჯგუფებში გამოკვეთეს განვითარების შესაძლებლობები, გამოწვევები და გადაჭრის გზები.

მიღებული შედეგები ადგილობრივი დაგეგმვის ჯგუფის მიერ ასახული იქნება ადგილობრივ ეკონომიკურ განვითარების გეგმაში ledp 2.0-ში.

ახალი თაობის ადგილობრივი ეკონომიკური განვითარების გეგმის შემუშავების საპილოტე ინიციატივა ბაღდათის მუნიციპალიტეტში 2022 წლის ნოემბერში დაიწყო, რომელიც ხორციელდება UNDP საქართველოს პროექტის მერები ეკონომიკური ზრდისთვის (M4EG) ფარგლებში. პილოტირების პროცესში ბაღდათის მუნიციპალიტეტის ადგილობრივ დაგეგმვის გუნდთან და UNDP m4eg ექსპერტებთან ერთად საერთაშორისო საკონსულტაციო ორგანიზაცია ARUP-ის მიერ მუშავდება ახალი თაობის ეკონომიკური განვითარების გეგმის შემუშავების მეთოდოლოგია, რომლის გაზიარებაც მოხდება აღმოსავლეთ პარტნიორობის ქვეყნების მუნიციპალიტეტებისათვის.

ახალი თაობის ეკონომიკური განვითარების გეგმა მიმართული იქნება ადგილობრივად მწვანე და ციფრული ეკონომიკის განვითარების ხელშეწყობაზე.

: ეკონომიკა; 27 აპრილი 2023; გადასვლები: 1011

კომპანია ვიზეარი ქუთაისში ბაზირებული ხომალდების რაოდენობას ზრდის

ავიაკომპანია Wizz Air ქუთაისის საერთაშორისო აეროპორტში ბაზირებული ხომალდების რაოდენობას ზრდის.პირველი დეკემბრიდან ქუთაისში ოთხი თვითმფრინავი იქნება ბაზირებული.

ავიაკომპანია ქუთაისსა და კოპენჰაგენს შორის პირდაპირ რეისებს კვირაში ორი სიხშირით შეასრულებს.

ასევე, მეოთხე ბაზირებული ხომალდის ფარგლებში, გაიზრდება სიხშირეები ოთხი სხვადასხვა მიმართულებით.

2023 წლის პირველი ივნისიდან Wizz Air ქუთაისიდან მესამე ბაზირებული ხომალდით ფრენებს დაიწყებს მადრიდის, ბრიუსელის, ფრანკფურტის, ჰამბურგისა და პოზნანის მიმართულებით.

: ეკონომიკა; 23 იანვარი 2023; გადასვლები: 963

2022 წელს ტურიზმიდან საქართველომ 3.5 მილიარდი დოლარის შემოსავალი მიიღო

2022 წელს საერთაშორისო მოგზაურობიდან (ტურიზმიდან) საქართველომ 3.5 მილიარდი დოლარის შემოსავალი მიიღო.

რაც შეეხება ტურიზმის აღდგენის დინამიკას - საქართველოში 2022 წელს 5.4 მილიონი საერთაშორისო მოგზაურის ვიზიტი განხორციელდა.

„2022 წლის დეკემბრის თვეში მოგზაურობიდან მიღებულმა შემოსავალმა 2019 წლის მაჩვენებელს გადააჭარბა და 363,306,614 აშშ. დოლარი შეადგინა, რაც 2019 წლის ანალოგიური მაჩვენებლის 167.2% აღდგენაა, 2021 წლის დეკემბრის თვესთან შედარებით კი მოგზაურობიდან შემოსავლები +237,255,596 (+188.2%) აშშ დოლარითაა გაზრდილი.

რაც შეეხება ტურიზმის აღდგენის დინამიკას - საქართველოში 2022 წელს 5.4 მილიონი საერთაშორისო მოგზაური ჩამოვიდა.

2022 წელს 2019 წელთან შედარებით საერთაშორისო ტურისტული ვიზიტების 71.9%, ხოლო საერთაშორისო მოგზაურთა ვიზიტების 58 % აღდგა.

გასულ წელს საქართველოს ჯამში 5,426,903 საერთაშორისო მოგზაური ეწვია, რაც 2021 წელთან შედარებით +188.5%-ით მეტია.

2022 წელს ქვეყანაში 3,652,949 საერთაშორისო ტურისტული ვიზიტი შედგა, რაც 2021 წლის ანალოგიურ პერიოდს +131.6%-ით აღემატება.

ტურიზმის აღდგენის დინამიკით გამოირჩეოდა 2022 წლის დეკემბერი. ამ პერიოდში საქართველოში 564,656 საერთაშორისოს მოგზაური ეწვია, რაც 2019 წლის მონაცემის 84.6% აღდგენაა, 2021 წელთან შედარებით კი ზრდა +216.9%-ია.

2022 წლის დეკემბერში ქვეყანაში 304,616 საერთაშორისო ტურისტული ვიზიტი განხორციელდა, რაც 2019 წლის მონაცემის 97.6% აღდგენაა, 2021 წელთან შედარებით კი ზრდა +110.7%-ია”, - ნათქვამია ტურიზმის ეროვნული ადმინისტრაციის ინფორმაციაში.

: ეკონომიკა; 16 დეკემბერი 2022; გადასვლები: 966

ბოლო 11 თვეში საქართველომ ტურიზმიდან 3.2 მილიარდი დოლარის შემოსავალი მიიღო

ტურიზმის ეროვნული ადმინისტრაციის ინფორმაციით, 2022 წლის იანვრი-ნოემბრის თვეში საერთაშორისო მოგზაურობიდან (ტურიზმიდან) საქართველომ 3.2 მილიარდი დოლარის შემოსავალი მიიღო

2022 წლის იანვარი-ნოემბრის თვეში მოგზაურობიდან მიღებულმა შემოსავალმა გადააჭარბა 2019 წლის მაჩვენებელს და რეკორდული მაჩვენებელი დაფიქსირდა - 3,159,558,975 აშშ. დოლარი, რაც 2019 წლის ანალოგიურ მაჩვენებლის 103.5% აღდგენაა ( ზრდა +108,134,426 აშშ დოლარი). 2021 წლის იანვარი-ნოემბრის თვესთან შედარებით მოგზაურობიდან შემოსავლები გაზრდილია +2,040,668,275 (+182.4%) აშშ დოლარით.

ტურიზმის ეროვნული ადმინისტრაციის ინფორმაციით, 2022 წლის ნოემბრის თვეში მოგზაურობიდან მიღებულმა შემოსავალმა გადააჭარბა 2019 წლის მაჩვენებელს და 305,029,882 აშშ. დოლარი შეადგინა, რაც 2019 წლის ანალოგიურ მაჩვენებლის 151.2% აღდგენაა, 2021 წლის ნოემბრის თვესთან შედარებით კი მოგზაურობიდან შემოსავლები გაზრდილია +194,075,877 (+174.9%) აშშ დოლარით.

: ეკონომიკა; 06 დეკემბერი 2022; გადასვლები: 973

5 მილიონი ტურისტი 11 თვეში-ტურიზმის ეროვნული ადმინისტრაცია მონაცემებს აქვეყნებს

ტურიზმის ეროვნული ადმინისტრაცია ნოემბრის თვის სტატისტიკურ მონაცემებს აქვეყნებს. ტურიზმის ეროვნული ადმინისტრაციის ინფორმაციით, 2022 წლის ნოემბერში, საქართველოში 471,165 საერთაშორისო მოგზაურის ვიზიტი შედგა, ზრდა წინა წლის ნოემბერთან შედარებით +160.4%-ია, 2019 წლის ანალოგიურ პერიოდთან შედარებით საერთაშორისო მოგზაურთა ვიზიტები 70%-ით აღდგა.

„ტურისტული ვიზიტების აღდგენის დინამიკა მნიშვნელოვნად გაიზარდა ნოემბერში. 2022 წლის ნოემბერში 299,605 საერთაშორისო ტურისტული ვიზიტი შედგა, ზრდა 2021 წლის ნოემბერთან შედარებით +97.9%-ია. 2019 წლის ანალოგიურ პერიოდთან შედარებით საერთაშორისო ტურისტული ვიზიტების 88.4% აღდგენილია”,- აღნიშნულია გავრცელებულ ინფორმაციაში.

რაც შეეხება ტურიზმის აღდგენის დინამიკას 2022 წლის იანვარ-ნოემბერში, ტურიზმის ეროვნული ადმინისტრაციის ინფორმაციით, 2022 წლის 11 თვეში საქართველოში 4,862,247 საერთაშორისო მოგზაურის ვიზიტი შედგა, 2021 წლის იანვარი-ნოემბრის პერიოდთან შედარებით ზრდა +185.5%-ია. 2019 წლის ანალოგიურ პერიოდთან შედარებით საერთაშორისო მოგზაურთა ვიზიტების აღდგენის მაჩვენებელი 55.9%-ს შეადგენს.

„2022 წლის იანვარი-ნოემბრის პერიოდში 3,348,333 საერთაშორისო ტურისტული ვიზიტი შედგა, რაც +133.7%-ით მეტია გასული წლის 11 თვესთან შედარებით, ხოლო 2019 წლის ანალოგიურ პერიოდთან შედარებით ტურისტული ვიზიტების 70.2 % აღდგენილია.

საერთაშორისო მოგზაურებისა და საერთაშორისო ტურისტული ვიზიტების რაოდენობა გამოითვლება მსოფლიო ტურიზმის ორგანიზაციის რეკომენდაციით შემუშავებული მეთოდოლოგიის მიხედვით და მოიცავს უკვე განხორციელებულ და დასრულებულ ვიზიტებს”,- აღნიშნულია გავრცელებულ ინფორმაციაში.

დღის სიახლეები

ეკონომიკის სიახლეები

Search