რუსული ავიაკომპანია Azimuth-ი რუსეთთან პირდაპირ რეისებს  ქუთაისის საერთაშორისო აეროპორტიდანაც შეასრულებს.

რუსული მედიის ინფორმაციით, მოსკოვი-ქუთაისი-მოსკოვის მიმართულებაზე ფრენები 2 ივლისს დაიწყება და 25 ოქტომბრამდე გაგრძელდება. რეისები კვირაში ორი სიხშირით, სამშაბათს და პარასკევს შესრულდება.

Azimuth-ი უკვე ასრულებს რეისებს თბილისის და ბათუმის აეროპორტებიდან.

გასულ წელს, 4-წლიანი შეზღუდვის შემდეგ, საქართველოსა და რუსეთს შორის პირდაპირი ფრენები აღდგა. საქართველოს საავიაციო ბაზარზე ოპერირება ორმა რუსულმა ავიაკომპანიამ, Azimuth-მა და Red Wings-მა დაიწყო. 

სტატისტიკის ეროვნული სამსახურის ცნობით, 2023 წელს საქართველოში სიღარიბის აბსოლუტურ ზღვარს ქვევით მყოფი მოსახლეობის წილი (აბსოლუტური სიღარიბის მაჩვენებელი) წინა წელთან შედარებით 3.8 პროცენტული პუნქტით შემცირდა და 11.8 პროცენტი შეადგინა.

„საქსტატის“ მონაცემებით, 2023 წელს, წინა წელთან შედარებით სიღარიბეს თავი დააღწია 145 000 - ზე მეტმა ადამიანმა. მაჩვენებელი 15.6% დან 11.8% მდე შემცირდა.

„2023 წელს, სიღარიბის აბსოლუტური მაჩვენებელი წინა წელთან შედარებით შემცირებულია მოსახლეობის ყველა ასაკობრივ ჯგუფში. კერძოდ, 18 წლამდე ასაკობრივ ჯგუფში მაჩვენებელმა 16.0 პროცენტი შეადგინა (-4.3 პროცენტული პუნქტი), 18-64 წლის ასაკობრივ ჯგუფში - 11.5 პროცენტი (-3.8 პროცენტული პუნქტი), ხოლო 65 წლის და უფროს ასაკობრივ ჯგუფში - 8.0 პროცენტი (-2.5 პროცენტული პუნქტი). აბსოლუტური სიღარიბის მაჩვენებელი ქალებისათვის შემცირებულია 3.9 პროცენტული პუნქტით და 11.5 პროცენტს შეადგენს, ხოლო კაცებისათვის მაჩვენებელი შემცირებულია 3.7 პროცენტული პუნქტით და 12.2 პროცენტს შეადგენს“, - აღნიშნულია „საქსტატის“ მიერ გავრცელებულ ინფორმაციაში.

საერთაშორისო საგაერო ტრანსპორტის ასოციაციის -International Air Transport Association-ის (IATA) ექსპერტებმა ქუთაისის საერთაშორისო აეროპორტის მასტერ პლანზე მუშაობა დაასრულეს .

20-წლიანი სამოქმედო გეგმა მოიცავს:

აეროპორტის ტერმინალის, ასაფრენ-დასაფრენი ზოლის, ბაქნის, სამიმოსვლო ბილიკებისა და აეროპორტის სხვა ინფრასტრუქტურის ახლანდელ მდგომარეობას

მოკლე, საშუალო და გრძელვადიანი მგზავრთნაკადისა და საჰაერო ხომალდების მოძრაობის პროგნოზებს; 

 აეროპორტის ტერმინალისა და აეროდრომის, მათ შორის ასაფრენ-დასაფრენი ზოლის, სამიმოსვლო ბილიკების, ბაქნის განვითარების სცენარების შემუშავებას და შეფასების საფუძველზე საუკეთესო ალტერნატიული ვარიანტის შერჩევას

VIP ტერმინალის, სატვირთო ტერმინალების, ტექნიკური მომსახურების საწარმოს განვითარების ლოკაციებს

აეროპორტის გარე ტერიტორიის განვითარების შესაძლებლობებს 

IATA Consulting-ის გენერალური გეგმის მიხედვით, პროგნოზის მიხედვით, 20 წლის ჭრილში, ქუთაისის საერთაშორისო აეროპორტში მგზავრთნაკადის წლიური ზრდა 5.1 მილიონს მიაღწევს

მასტერპლანის პირველ ფაზაში, 2024 წლის ბოლომდე, ქუთაისის საერთაშორისო აეროპორტის ახალი, 3.5 კილომეტრის სიგრძის ასაფრენ-დასაფრენი ზოლის, შესაბამისი სამიმოსვლო ბილიკებისა და ბაქნის მშენებლობა დაიწყება

ქუთაისის აკაკი წერეთლის სახელმწიფო უნივერსიტეტის მასობრივი კომუნიკაციის მეორე  კურსის სტუდენტები ერთობლივ განცხადებას ავრცელებენ .

,,გვინდა გამოვეხმაუროთ ქვეყანაში მიმდინარე პროცესებს და საჯაროდ დავაფიქსიროთ ჩვენი პოზიცია. სრულად ვიზიარებთ საერთო სულისკვეთებას და მზად ვართ , ვიდგეთ იმ სტუდენტების გვერდით , რომლებიც აცნობიერებენ სწორ , მოქალაქეობრივ პასუხისმგებლობას. 

ერთხმად და მკაფიოდ ვეწინააღმდეგებით იმ გადაწყვეტილებებს, რომლებიც უგულებელყოფს საქართველოს კონსტიტუციას და გვაშორებს ღირსეულ მომავალს.

არა რუსულ კანონს !  “-წერია განცხადებაში.

ქუთაისის საერთაშორისო აეროპორტი, მგზავრთნაკადის ზრდით, ევროპის საშუალო ზომის აეროპორტებს შორის მესამე ადგილზეა

ACI-ის (აეროპორტების საერთაშორისო საბჭო) 2024 წლის იანვრის ანგარიშის თანახმად, საშუალო ზომის აეროპორტებს შორის ქუთაისის აეროპორტში 2019 წელთან შედარებით, მგზავრთნაკადის 171.8%-იანი ზრდის მაჩვენებლით მესამე ადგილზე მოხვდა.

ახალი კლასიფიკაციის თანახმად, საუბარია ACI-ის წევრ იმ აეროპორტებზე, რომლებიც წლიურად 1-დან 10 მლნ-მდე მგზავრს ემსახურებიან.

საქართველოს პრემიერ-მინისტრის, ირაკლი კობახიძის განცხადებით, ოპოზიციის მხრიდან ფასებზე საუბრის დროს, აშკარაა "აქცენტების გადატანის მცდელობა".

მისი თქმით, ოპოზიცია დღემდე თავს არიდებს საკუთარი პოზიციის დაფიქსირებისგან, იმ კანონპროექტთან დაკავშირებით, რომელიც მზადდება საპარლამენტო უმრავლესობის მიერ ლგბტ პროპაგანდის წინააღმდეგ.

თუმცა რაც შეეხება თავად ფასებს, მთავრობის მეთაურის განმარტებით, სტატისტიკის ეროვნული სამსახური აქვეყნებს სამომხმარებლო ფასების ინდექსს, რომლის მიხედვითაც არის 66%-იანი ზრდა 2012 წლის შემდეგ.

„აქცენტების გადატანის მცდელობა აშკარად არის. რაც შეეხება ფასებს, საქართველოს სტატისტიკის ეროვნული სამსახური აქვეყნებს სამომხმარებლო ფასების ინდექსს, რომლის მიხედვითაც, არის 66%-იანი ზრდა 2012 წლის შემდეგ. აქაც იყო მანიპულაციები, მანიპულაციურად ქვეყნდებოდა გარკვეული ციფრები, სინამდვილეში არის 66%-იანი ზრდა სამომხმარებლო ფასების ინდექსში, რაც არის ერთ-ერთი ყველაზე კარგი მაჩვენებელი, თუ ჩვენ გადავავლებთ თვალს იმ მონაცემებს, რომლებიც არის სხვადასხვა ქვეყანაში, მათ შორის, ევროკავშირის წევრ ქვეყნებში, ამერიკის შეერთებულ შტატებში, მეზობელ ქვეყნებში და ა.შ. მე შეგახსენებთ, რომ ამ პერიოდის განმავლობაში, ჩვენ გამოვიარეთ 2 კრიზისი, ერთი იყო სავალუტო და ეკონომიკური კრიზისი, რომელიც დაემთხვა უკრაინის პირველ ომს, ეს იყო 2015-2016 წლები, მაშინ იყო მათ შორის ინფლაციის, დევალვაციის მაღალი მაჩვენებელი და მეორე, ეს იყო კოვიდთან დაკავშირებული კრიზისი, როდესაც დაფიქსირდა ინფლაციის მაღალი მაჩვენებელი მთელი მსოფლიოს მასშტაბით და არა მხოლოდ საქართველოში. ამის მიუხედავად, ჩვენ მოვახერხეთ და შევინარჩუნეთ 66%-იანი მაჩვენებელი, რომელიც არის ერთ-ერთი საუკეთესო ჩვენს რეგიონში, სამეზობლოში, კონტინენტზე და მსოფლიოს მასშტაბით. აქედან გამომდინარე, ეს მონაცემები, რომლებიც ქვეყნდება, თავისთავად, არის მანიპულაციური და შეგვიძლია კიდევ უფრო დეტალური პასუხი გავცეთ ამ სპეკულაციებს, რომელიც ვრცელდება.,,- განაცხადა კობახიძემ.