პრეზიდენტი ადგილობრივი თვითმმართველობის არჩევნებს 3 აგვისტოს დანიშნავს. “საარჩევნო კოდექსის“ გათვალისწინებით, საკრებულოებისა და მერების მორიგ არჩევნებს პრეზიდენტი, პრემიერ-მინისტრის თანახელმოწერით, არჩევნებამდე 60 დღით ადრე ნიშნავს.

კანონმდებლობით საკრებულოებისა და მერების მორიგი არჩევნების დროდ საარჩევნო წლის ოქტომბრის პირველი შაბათი განისაზღვრა. შესაბამისად, 2021 წლის ადგილობრივი თვითმმართველობის არჩევნები 2 ოქტომბერს იმართება.

ამასთან, 3 აგვისტოდან წინასაარჩევნო კამპანია ოფიციალურად დაიწყება. შესაბამისად, ამ დღიდან მთელი რიგი რეგულაციები და შეზღუდვები იწყებს მოქმედებას, რასაც წინასაარჩევნო აგიტაციის ფარგლებში, საარჩევნო კანონმდებლობა ადგენს.

“საარჩევნო კოდექსის“ გათვალისწინებით, პოლიტიკური პარტიები და საარჩევნო სუბიექტობის კანდიდატები თანასწორი უფლებებით სარგებლობენ და კანონით დადგენილი წესით, თანაბარი ვალდებულებები აკისრიათ.

წინასაარჩევნო კამპანიის პერიოდში პოლიტიკურ პარტიას, საარჩევნო სუბიექტობის კანდიდატს, საარჩევნო სუბიექტს უფლება აქვთ, დაამზადონ წინასაარჩევნო მოწოდებები, განცხადებები, წარწერები, ფურცლები, ფოტომასალები და სხვა. აკრძალულია მათი გავრცელებისათვის ხელის შეშლა და ჩამორთმევა, აგრეთვე სააგიტაციო დანიშნულების ავტოსატრანსპორტო და სპეციალური მოწყობილობით აღჭურვილი სხვა საშუალებების ჩამორთმევა და წინასაარჩევნო აგიტაციის მიზნით მათი გამოყენებისათვის ხელის შეშლა.

წინასაარჩევნო კამპანიის პერიოდში მუნიციპალიტეტის ორგანოები ვალდებული არიან, ხელი შეუწყონ პოლიტიკურ პარტიებს, საარჩევნო სუბიექტებს ამომრჩევლებთან შეხვედრებისა და კრებების, საჯარო დებატებისა და დისკუსიების, შეკრებებისა და მანიფესტაციების ორგანიზებასა და ჩატარებაში, უზრუნველყონ ამ ღონისძიებების უსაფრთხოება.

ამასთან, აკრძალულია სახელმწიფო ბიუჯეტის/მუნიციპალიტეტის ბიუჯეტის დაფინანსებით ორგანიზებულ ღონისძიებაზე, პრეზენტაციაზე ორგანიზატორის მიერ წინასაარჩევნო აგიტაციის გაწევა. აღნიშნული ქმედება ადმინისტრაციული რესურსების გამოყენებად ჩაითვლება.

ეს იყო კლასიკური ანტისახელმწიფოებრივი, ანტიეკლესიური და ანტიეროვნული გზავნილები, რაც ჩვენ გუშინდელ აქციაზე მოვისმინეთ, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომის დაწყებისას განაცხადა.

პრემიერის განცხადებით, აქციაზე აგრესიული სიტყვით გამომსვლელები ითხოვდნენ პატრიარქის დაკავებას პოლიციის მიერ, გარდა იმისა, რომ ითხოვდნენ ხელისუფლების გადადგომას, რაც „მათი ოცნებაა“.

“მინდა ჩემი მოსაზრება და შეფასება ვუთხრა ჩვენს ხალხს გუშინდელ აქციაზე. ეს იყო კლასიკური ანტისახელმწიფოებრივი, ანტიეკლესიური და ანტიეროვნული გზავნილები, რაც ჩვენ მოვისმინეთ. გზავნილები მაგალითად, იმის თაობაზე, რომ აგრესიული გამომსვლელები ითხოვდნენ პატრიარქის დაკავებას პოლიციის მიერ. იმის გარდა, რომ ითხოვდნენ ჩვენს გადადგომას, რაც გასაგებია და ნორმალურია, ეს არის მათი ოცნება“, - აღნიშნა ღარიბაშვილმა.

,,გარანტიას ვიძლევი, რომ ყველას ის მოძალადე, რომელიც ჩართული იყო პროვოკაციაში, იქნება სამაგალითოდ დასჯილი. რა თქმა უნდა, არ მინდა სპეკულაციებზე საუბარი, გამოძიება რამდენიმე ვერსიაზე მუშაობს, მათ შორის იმ ვერსიაზე, თუ როგორ მოხვდნენ აღნიშნული აგრესიული პირები და მაინცდამაინც, ჟურნალისტებზე და ოპერატორებზე გააკეთეს მიზანმიმართული შეტევა,არსებობს ვერსია, რომ შესაძლოა, აღნიშნული პროვოკატორების უკან იდგეს რევანშისტული, რადიკალური ძალა. ჩვენ კარგად გვახსოვს და არავის დაავიწყდება, თუ რა მეთოდებით მართავდნენ აღნიშნული მოძალადეები და მკვლელები ჩვენს ქვეყანას, როდესაც ხდებოდა ტერoრისტული აქტების დადგმაც კი, საკუთარი მოქალაქეეების წინააღმდეგ, საკუთარი მიზნების მისაღწევად“, - აღნიშნა ღარიბაშვილმა.

"პრემიერიც ვიყავი,შინაგან საქმეთა მინისტრიც და მოვახერხე,რომ გამოხატვის თავისუფლება იყო დაცული"-ეს განცხადება გიორგი გახარიამ ქუთაისში გააკეთა.პარტია "საქართველოსთვის" თავმჯდომარემ ისიც აღნიშნა,რომ ისინი ოპოზიციური პარტიების მემორანდუმს არ შეუერთდებიან.

"პრემიერიც ვიყავი,შინაგან საქმეთა მინისტრიც და მოვახერხე,რომ გამოხატვის თავისუფლება იყო დაცული და ეს ცემა- ტყეპა და ეს უბედურება,რაც მოხდა,არ მომხდარა და ჟურნალისტები ჯანმრთელობა მასობრივად საფრთხის ქვეშ არ მდგარა.რაღაცნაირად ამას ვახერხებდი.მემორანდუმს პარტია "საქართველოსთვის"არ შეუერთდება მარტივი მიზეზის გამო,რომ ეს პოლიტიკური კეკლუცობაა და ამის უკან ვერაფერს შინაარსობრივს ვერ ვხდევათ.საკითხის ასე პოლიტიკურად ფრიალი მიმაჩნია არაგონივრულად და არასწორად"-აღნიშნა გახარიამ.

ყოფილმა პრემიერმა განაცხადა,რომ სახელმწიფო ეკლესიის ზურგს კი არ უნდა ამოეფაროს,არამედ თვითონ უნდა იყოს მოვლენების ავანგარდში.

"საქმე უნდა აკეთოს ყველამ- სახელმწიფომ უნდა დაიცვას თავისი მოქალაქეების ჯანმრთელობა,კონსტიტუცია და ეს ყველაფერი უნდა გააკეთოს ისე,რომ მოქალაქეები კი არ დააპირისპიროს ერთმანეთს და ეკლესიის და უმრავლესობის ზურგს კი არ უნდა ამოეფაროს,თვითონ უნდა იყო ავანგარდში,პასუხისმგებლობას უნდა იღებდეს და ასე აკეთებდეს."- განაცხადა გიორგი გახარიამ.

გიორგი გახარიამ მედიას ის მიმართულებები გააცნო,რომლის მიხედვითაც ის და მისი გუნდი ქუთაისის განვითარებას გეგმავს.პირველი,რასაც გახარია ასახელებს, ქუთაისისთვის ინდუსტრიული ქალაქის ფუნქციის აღდგენა და შიდა ეკონომიკის განვითარება,ასევე იმ ადამიანებისთვის ხელის შეწყობაა,რომლებიც ბიზნესის დაწყებას და განვითარებას ქუთაისიდან გეგმავენ.მოძრაობა "საქართველოსთვის"ლიდერი მიიჩნევს,რომ ქუთაისი უნდა გახდეს  ტურისტულად უფრო  მიმზიდველი და ასევე განვითარდეს,როგორც ლოჯისტიკური  ცენტრი.გახარიამ აქცენტი საერთაშორისო უნივერსიტეტზეც გააკეთა და აღნიშნა,რომ "საერთაშორისო დონეზე გამოყოფა  ქუთაისის,როგორც საგნამათლებლო ცენტრის, შეუძლია მხოლოდ ახალ უნივერსიტეტს."

"მესმის,რომ პრობლემები ბევრია-პარლამენტი,ინფრასტრუქტურა,სამუშაო ადგილები,სიღარიბე"-განაცხადა გახარიამ.

ყოფილმა პრემიერმა,პოლიტიკური მოძრაობა "საქართველოსთვის"ლიდერმა გიორგი გახარიამ დღეს ქუთაისში ოფისი გახსნა და პარტიის ქუთაისის ორგანიზაციის ხელმძღვანელად გიორგი გოგუაძე წარადგინა.

"ისევე როგორც სხვაგან,იმერეთში ძირითად აქცენტს გავაკეთებთ ახალგაზრდებზე,ყველას უნდა გვესმოდეს,რომ რაც შეიძლება მეტი ახალგაზრდისთვის უნდა გავხსნათ კარები.ძლიერი სახელმწიფოს მშენებლობა იქნება ჩვენი ყველაზე დიდი მიზანი და ეს ქაოსი,რომელიც დღეს სუფევს ქვეყანაში,ერთხელ და სამუდამოდ უნდა დასრულდეს."-განაცხადა გახარიამ.

ყოფილმა პრემიერმა დღეს მედიისგან გაიგო,რომ ფართი,სადაც ქუთაისში პარტიის ოფისია განთავსებული,კანონიერი ქურდის ოჯახს ეკუთნის,თუმცა როგორც აღნიშნა" თუ კანონი არ დარღვეულა,არანაირ დისკოფორტს ეს არ მიქმნის" . გახარიას თქმით,მათთვის ოფისების შოვნა რთული გამოდგა.პარტია  "საქართველოსთვის"თავმჯდომარემ ისიც თქვა,რომ ის ქურდულ სამყაროს დღესაც ებრძვის.

"არც ვიცი ვისი საკუთრებაა ეს ოფისი.ეს თუ კანონიერად არის და კანონი არ დარღვეულა,არანაირ დისკომფორტს ეს არ მიქმნის"-აღნიშნა გიორგი გახარიამ.