ქუთაისში ტრანსპორტის შესაძლო გაძვირებას ,,ერთიანი ნაციონალური მოძრაობის ,, წევრი გამოეხმაურა.ბექა ქვაჩაკიძემ მერიის წინ ბრიფინგი გამართა.ის ამბობს,რომ ადრე თუ გვიან,მგზავრობის ღირებულება აუცილებლად გაძვირდება და ეს თანხა მერიას შპს ,,ქუთაისის სატრანსპორტო კომპანიაში,, დასაქმებული ,,ქართული ოცნების,, აქტივისტებისთვის ხელფასის გადასახდელად სჭირდება.

,,ქალაქის მერს არ აქვს კონტაქტი თავის თანამშრომლებთან.გუშინ სატრანსპორტო კომპანიის ხელმძღვანელმა განაცხადა,რომ ტრანსპორტის საფასური 10 თეთრით მოიმატებს და საკითხი თვის ბოლოს,საკრებულოზე გავა.,,ქართული ოცნების,, წევრებისგან სიტყვის შეცვლა არ იქნება პირველი .მათ დატესტეს ეს თემა,წამოვიდა უამრავი ადამიანის პროტესტი და ახლა უნდათ,რომ ხალხი დამშვიდდეს,თუმცა მგზავრობას აუცილებლად გააძვირებენ.უნდათ ამ თანხით იმ აქტივისტების ხელფასები გადაიხადონ,რომლებიც ამ შპს-ში დაასაქმეს,,-განაცხადა ბექა ქვაჩაკიძემ.

,,ერთიანი ნაციონალური მოძრაობის წევრმა,, ქუთაისის მერის წინააღმდეგ პროკურატურაში  განცხადება შეიტანა. საქმე ეხება ქუთაისის მერიის შიდა აუდიტის დასკვნას, სადაც საბინაო სამსახურის მუშობაა შეფასებული. გიგა შუშანია ამბობს, რომ დასკვნაში კორუფციის შესახებ წერია,თუმცა,  მიუხედავად ამისა,   ქალაქის მერს იოსებ ხახალეიშვილს არანაირი რეაგირება არ მოუხდენია.

,,ქუთაისის მერმა, ნაცვლად იმისა, რომ კანონის შესაბამისად რეაგირება გაეკეთებინა მისი სამსახურის მიერვე დაწერილ დასკვნაზე, რომელიც მერიაში არსებულ კორუფციის ფაქტებს ეხება,მან აირჩია სხვა გზა და გადაწყვიტა დაბაშაულის დაფარვა.აქედან გამომდინარე, მივმართე პროკურატურას, შევიტანე განცხადება და ვითხოვ,ქუთაისის მერის წინააღმდეგ აღიძრას სისხლის სამსართლის საქმე დანაშაულის დაფარვის ფაქტსა და სამსახურეობრივ გულგრილობაზე,,-განაცხადა გიგა შუშანიამ.

 გიგა შუშანიამ აუდიტის სამსახურის მიერ დაწერილ დასკვნაზე ბრიფინგი რამდენიმე დღის წინ გამართა. დეტალურად იხილეთ ლინკი 👇

http://www.act2.ge/index.php/temebi-ka/politic/1180-2021-02-02-11-02-35

თავის მხრივ ,,ერთიანი ნაციონალური მოძრაობის წევრი,, არასწორი ინფორმაციის გავრელებაში  აუდიტის სამსახურის უფროსის მოვალეობის შემსრულებლმა დაადანაშაულა.დეტალურად იხილეთ ლინკი 👇

http://www.act2.ge/index.php/temebi-ka/politic/1181-2021-02-02-11-32-50

„სტრატეგია აღმაშენებლის“ ლიდერი გიორგი ვაშაძე ქუთაისში იმყოფებოდა და მცირე და საშუალო ბიზნესის წარმომადგენლებს შეხვდა. შეხვედრაზე იმ პრობლემებზე ისაუბრეს, რაც დღეს ბიზნეს სექტორის წარმომადგენლებს აქვთ. პარტიის ლიდერის თქმით , ბიზნესი კორონავირუსის გამო რთულ მდგომარეობაშია დახელისუფლების  მიერ დაწესებულმა შეზღუდვებმა კიდევ უფრო დაასუსტა.   მცირე და საშუალო მეწარმეები ამბობენ, რომ ბიზნეს სექტორი უმძიმეს კრიზისს განიცდის.

საკრებულოს ოპოზიციონერი დეპუტატის ბრალდებას უსაფუძვლოს უწოდებენ ადგილობრივ თვითმმართველობაში. მერიის აუდიტის სამსახურის უფროსის მოვალეობის შემსრულებლის, გაგა სანდუხაძის ინფორმაციით, გიგა შუშანიამ არასწორი ინფორმაცია გააჟღერა და დოკუმენტში კორუფციაზე არაფერი წერია.მისი თქმით, შიდა აუდიტის დასკვნაში, ნამდვილად არის საუბარი გარკვეულ ხარვეზებზე, თუმცა არა იმ მასშტაბის, რომ ვინმეს პასუხისმგებლობის საკითხი დადგეს.როგორც მან განმარტა, ხარვეზების გამოსასწორებლად მუშაობა დაწყებულია.

,,აუდიტის ანგარიში საბოლოო სახით მომზადებულია გასული წლის დეკემბერში.ის, რომ დასკვნა იყო შენახული 6 თვის განმავლობაში , არის სიცრუე. ასევე გასული წლის დეკემბერში შეუდგა მუშაობას ქუთაისის მერი , რომელიც გუბერნატორის მოადგილის რანგში, რა თქმა უნდა, ვერ შეძლებდა საბინაო სამსახურის კონტროლს.ის , რომ  დასკვნაში მოხსენიებულია სიტყვები კორუფცია,  გაფლანგვა და ასე შემდეგ, სიცრუეა.მერის მიერ არ მომხდარა საკრებულოში წევრილის გაგზავნა, სადაც მითითებული იქნებოდა საბინაო სამსახურის მუშაობის დადებითად შეფასება. აქ საუბარი იყო აუდიტის სამსახურის მიერ მომზადებული დასკვის შეფასებაზე, რაც კანონით განსაზღვრული პროცესია. საბინაო სამსახურის მუშაობას რაც შეეხება, მითითებულია გარკვეულ ხარვეზებზე, რომელზეც გაცემულია რეკომენდაციები.,,-განაცხადა გაგა სანდუხაძემ

ქუთაისის მერიის წინ დღეს ,,ერთიანი ნაციონალური მოძრაობის“ წევრმა გიგა შუშანიამ ბრიფინგი გამართა. მან  მერიის შიდა აუდიტის მიერ დაწერილ დასკვნაზე ისაუბრა, სადაც ასახულია საბინაო სამსახურის 3 წლიანი საქმიანობა. შუშანიას თქმით, საბინაო სამსახურისთვის დაკისრებული სამუშაოები  არასრულფასოვნადაა შესრულებული. . ოპოზიციონერი დეპუტატი ქალაქის მერს  დოკუმენტის დამალვაში ადანაშაულებს და საკრებულოს ქმედითი ნაბიჯების გადადგმისკენ მოუწოდებს.

,,ეს არის ქალაქ ქუთაისის მერიის შიდა აუდიტის მიერ დაწერილი დასკვნა, რომელიც ეხება საბინაო სამსახურის 3 წლიან საქმიანობას, რომელიც ბიუჯეტიდან მილიონობით ლარს ხარჯავს. ეს 112 გვერდიანი დასკვნა მიძღვნილია იმას, რომ აღებ-მიცემობაა ამ სამსახურში გაჩაღებული.აქ მთავარია ის, რომ,  6 თვე მალავდა ქუთაისის მერი ამ დასკვნას.ნაცვლად იმისა, რომ სამსახურის უფროსი გაეთავისუფლებინა და დასკვნა სამართალდამცავი ორგანოებისთვის გადაეგზავნა, მან საკრებულოს მიწერა, დადებითად ცანით ეს დასკვნაო.ჩვენ მიგვაჩნია, რომ ახლანდელი მერი მფარველობს ამ კორუფციას,,-განაცხადა გიგა შუშანიამ.

პარტია „თავისუფალი საქართველოს“ თავმჯდომარის მოადგილის გუშინდელ ბრიფინგს დღეს ქუთაისის მერია ეხმაურება. ქალაქის ვიცე-მერი ირაკლი ქარქაშაძე აღნიშნავს რომ, გოგი წულაის მიერ გუშინ გაჟღერებული ინფორმაცია არასწორია. ქუთაისის მერის მოადგილის  განცხადებით, აუტისტური სპექტრის დარღვევის მქონე ბავშვებზე ჯამში 741. 000 ლარია გამოყოფილი. წულაიას მიერ გაჟღერებული 14.000 ლარი კი იანვრის ცვლილების შედეგად დაემატა. ქარქაშაძის განცხადებით   850 000 ლარი არამხოლოდ ვიდეოჯარიმებზე, არამედ   ტექნიკისა და სერვერების შესაძენადაა გამოყოფილი. ეს პროექტი, ქალაქის მეტი უსაფრთხოების მიზნით,   შინაგან საქმეთა სამინისტროს თან ერთად ხორციელდება.

გოგი წულაიამ ბრიფინგი გუშინ გამართა. მან ყურადღება ბიუჯეტში შეტანილ ცვლილებეზე გაამახვილა. წულაიას განცხადებით,   ვიდეო სამეთვალყურეო სისტემების შეძენასა და ექსპლუატაციაზე 850.000 ლარია გამოყოფილი. მაშინ როდესაც ქვეყნის მოსახლეობას ეკონომიკურად ძალიან უჭირს, ხელისუფლება ბიუჯეტის შევსების მიზნით, ხალხის დაჯარიმებაზე ფიქრობს. გოგი წულას თქმით, ამის პარალელურად აუტიზმის სპექტრის დარღვევის მქონე ბავშვთა რეაბილიტაციისთვის მხოლოდ 14.000 ლარი აქვთ განკუთვნილი