„საქართველოს კონსტიტუციაში ცვლილების შეტანის შესახებ” საქართველოს კონსტიტუციურ კანონში ცვლილების შეტანის თაობაზე” საქართველოს კონსტიტუციური კანონის პროექტის საყოველთაო-სახალხო განხილვა ქუთაისში გაიმართა.
შეხვედრა აკაკი წერეთლის სახელმწიფო უნივერსიტეტის სამკითხველო დარბაზში შედგა.
როგორც კომისიის თავმჯდომარემ, შალვა პაპუაშვილმა განმარტა, პროექტით, მომდევნო ორი საპარლამენტო არჩევნებისთვის 2%-იანი საარჩევნო ბარიერი და მანდატების პროპორციული განაწილების წესი დგინდება. ცვლილება ეხება საპარლამენტო ფრაქციებსაც.ფრაქციების შესაქმნელად პარლამენტის წევრთა რაოდენობა შვიდიდან ოთხ წევრამდე მცირდება.
ახალი ნორმები,რომელიც დროებითი ხასიათის იქნება , მხოლოდ მომდევნო ორი მოწვევის პარლამენტისთვის იმოქმედებს.
კონსტიტუციური კანონპროექტი,რომელიც 2 პუნქტიანია, 91 დეპუტატის ხელმოწერით, 29 ივნისს დაინიცირდა. დოკუმენტს ხელი „ქართული ოცნების“, „სტრატეგია აღმაშენებლის“, „ლელოს“, „მოქალაქეების“ და „გირჩის“ წარმომადგენლებმა მოაწერეს.
