ბაღდათის მუნიციპალიტეტის ყველა საჯარო სკოლაში ახალი სასწავლო წელი დაიწყო.
️ბაღდათის მუნიციპალიტეტის მერის პირველმა მოადგილემ დავით სილაგაძემ, მერის მოადგილე მერაბ ზირაქაძესთან, საკრებულოს თავმჯდომარის პირველ მოადგილე გურამ კიკნაველიძესთან, მერიის ადმინისტრაციის სამსახურის ხელმძღვანელ კახა გოგნაძესთან, რესურს ცენტრის ხელმძღვანელ ნინო მშვილდაძესთან, მერიისა და საკრებულოს წარმომადგენლებთან ერთად, სასწავლო წლის დაწყება მოსწავლეებს, პედაგოგებს და მშობლებს მიულოცა.
განათლებული თაობა ყოველთვის იყო და რჩება ჩვენი ქვეყნის პრიორიტეტად, მინდა ახალი სასწავლო წელი მივულოცო პედაგოგებს, მოსწავლეებს და მშობლებს, განსაკუთრებით კი პირველკლასელებს"
განაცახა ბაღდათის მერის პირველმა მოადგილემ დავით სილაგაძემ.
️წელს ბაღდათის მუნიციპალიტეტში 211 პირველკლასელია, რომლებსაც სახელმძღვანელოებთან ერთად ნეთბუქები გადაეცა.
მთავრობის გადაწყვეტილებით, სტატუსშეჩერებულ სტუდენტებს დავალიანება გაუნულდებათ.
შესაბამისი ინიციატივის შესახებ საქართველოს პრემიერ-მინისტრმა მთავრობის დღევანდელ სხდომაზე განაცხადა.
მისი თქმით, სტატუსი 30 ათასამდე სტუდენტს აქვს შეჩერებული, რომელთა დავალიანება ჯამში 40 მლნ ლარს შეადგენს.
„სტატუსშეჩერებული სტუდენტების საკითხი მოვიკითხე და განათლების მინისტრისგან მოვისმინე დეტალური ინფორმაცია. დაახლოებით 30 ათასამდე სტუდენტს ფინანსური დავალიანების გამო შეჩერებული აქვს სტატუსი. ამიტომ ჩემი გადაწყვეტილებით, ყველა ამ სტუდენტს, ვისაც სტატუსი აქვს შეჩერებული, გაუნულდებათ დავალიანება და მათ შეეძლებათ, რომ აღადგინონ სტატუსი და გააგრძელონ სწავლა. 40 მლნ ლარის დავალიანებაა. მინდა მივმართო ჩვენს - მინისტრებს განათლებისა და ფინანსთა მინისტრებს, რომ შედგეს კომუნიკაცია და სასწრაფოდ მოგვარდეს აღნიშნული საკითხი. მნიშვნელოვანია, სტუდენტებს მიეცეთ, საშუალება კვლავ შეძლონ გააგრძელონ სწავლა”, - განაცხადა პრემიერმა.
