განათლებისა და მეცნიერების სამინისტროს ინფორმაციით, საქართველოს მასშტაბით, სწავლის გასაახლებლად ყველა სკოლა მზადაა.

 Covid-19-ზე მასწავლებლებისა და სკოლის პერსონალის სავალდებულო ტესტირება გრძელდება.

მოსწავლეთა მშობლებს კვლავ ექნებათ შესაძლებლობა, აირჩიონ სწავლების დისტანციური ფორმა. მშობელმა, რომელსაც სურს, მოსწავლემ სწავლება დისტანციურ ფორმატში გააგრძელოს, ამის შესახებ უნდა მიმართოს სკოლის ადმინისტრაციას და გაიაროს რეგისტრაცია სსიპ – განათლების მართვის საინფორმაციო სისტემის ვებგვერდზე – https://online.emis.ge.განცხადებები ყოველ ოთხშაბათს მიიღება.

რაც შეეხება ქუთაისში მოქმედ საბავშვო ბაღებს, ბაღებში სწავლა 17 მაისიდან განახლდება.

ქუთაისის 38 საჯარო სკოლიდან ამ ეტაპზე სრულ დისტანციურ სწავლებაზე ორი- მე- 14 და 33-ე სკოლები იმყოფება, ხოლო დისტანციური სწავლების მოდელზე 2500-მე მოსწავლეა დარეგისტრირებული. როგორც ქუთაისის საგანმანათლებლო რესურსცენტრის უფროსი სპეციალისტის ინფორმაციით, მიმდინარე კვირას ქუთაისის საჯარო სკოლებში ვირუსი სულ 5 მოსწავლეს და რვა მასწავლებელს დაუდასტურდა. ნინო მამრიკიშვილი ასევე აღნიშნავს, , რომ სკოლებში საგანგაშო მდგომარეობა არ არის და მოსწავლეების დისტანციურ სწავლებაზე გადასვლის მსურველთა რაოდენობა ყოველკვირეულად უმნიშვნელოდ იცვლება .

ყოველკვარტალური ჟურნალი მიზნად ეროვნული უმცირესობებისთვის სახელმწიფო ენის შესახებ ინფორმირებულობის გაზრდას, ცნობიერების ამაღლებასადა ინტეგრაციის ეფექტიან განხორციელებას ისახავს.

ჟურნალში წარმოდგენილია პუბლიკაციები სკოლის საქმიანობის, მიღწეული შედეგებისა და სკოლის მიერ განხორციელებული სასწავლო პროგრამების შესახებ.ასევე მომზადებულია მასალები სახელმწიფო ენის ფლობის მნიშვნელობის შესახებ.

სკოლის სურვილია, ელექტრონული ჟურნალი დაეხმაროს ქვეყნის ინსტიტუციურ განვითარებას.მომავალში ყურადღება გამახვილებული იქნებაისეთ საკითხზე, როგორიცაა სამოქალაქო საზოგადოების სრულფასოვანი მონაწილეობა საჯარო პოლიტიკის შემუშავების პროცესში.

დეტალურად იხილეთ:

http://www.zspa.ge/geo/allbooks/3/

საქართველოში მცხოვრები ეროვნული უმცირესობების ინტეგრაცია ჩვენს საზოგადოებაში ზურაბ ჟვანიას სახელობის სახელმწიფო ადმინისტრირების სკოლის ერთ-ერთი ძირითადი მიზანია და მას მრავალი წელია, ემსახურება.

ჟვანიას სკოლაში შეიქმნა ახალი, სრულიად უპრეცედენტო, კომპლექსური „სახელმწიფო ენის სწავლებისა და ინტეგრაციის საკითხებში ტრენერთა მომზადება/გადამზადების სასერტიფიკატო პროგრამა“, რომელიც ემსახურება ტრენერთა მომზადებას ან/და გადამზადებას სახელმწიფო ენის სწავლებისა და ინტეგრაციის საკითხებში, რათა მათ შემდგომში  ეროვნული უმცირესობების წარმომადგენელთათვისუზრუნველყონ სახელმწიფო ენის სწავლება მათი ერთიან სახელმწიფოებრივ სივრცეში ინტეგრაციის ხელშეწყობისთვის.

უმცირესობის წარმომადგენლთათვის პროგრამა კომპლექსურად მოიცავს არა მხოლოდ ქართულის, როგორც მეორე ენის შესწავლის შესაძლებლობას, ასევე სახელმწიფოებრივ და სამოქალაქო თემების შესახებ ცოდნის მიღებას,  რაც  ხელს შეუწყობს მათ ინტეგრაციას მულტიკულტურულ საზოგადოებაში. პროგრამა მოიცავს თეორიულ და პრაქტიკულ ნაწილს, ასევე  გულისხმობს ბენეფიციარების დასაქმებას სკოლის ბაზაზე.

უკვე დაწყებულია რეგისტრაცია და პროგრამაში მონაწილეობის მიღება შეუძლიათ ავტორიზებული ან/და აკრედიტებული საგანმანათლებლო დაწესებულების ჰუმანიტარული სპეციალობების ფილოლოგიის ფაკულტეტის მინიმუმ ბაკალავრიატის დამამთავრებელი კურსის სტუდენტს. მათ ეძლევათ საშუალება, არა მხოლოდ მიიღონ პროფესიული პრაქტიკა და დასაქმდნენ, ასევე წვლილი შეიტანონ ქართული სახელმწიფოს აღმშენებლობის პროცესში, მულტიკულტურული საზოგადოებისთვის ინფორმაციის მიწოდებაში - თუ რა ხორციელდება, რა კურსი აქვს სახელმწიფოს აღებული, რა როლი აქვს თითოეულ მოქალაქეს სახელმწიფოს  განვითარებაში.

რეგისტრაცია:http://www.zspa.ge/geo/page/237

ქუთაისის 37-ი საბავშვო ბაღიდან სამი ბაღში სასწავლო-სააღმზრდელო პროცესი კოვიდ ინფექციის გამო შეჩერებულია. 32-ე, 35-ე და 37-ე ბაღებშიი ვირუსი დაწესებულებების თანამშრომლებს გეგმიური ტესტირების ჩატარებისას დაუდასტურდათ . ააიპ ბაგა ბაღების გაერთიანების მმართველი ,,დღის ამბებთან,, საუბრისას აღნიშნავს, რომ დანარჩენ დაწესებულებებში სააღმზრდელო პროცესი რეგულაციების დაცვით გრძელდება, დავით წიტაიშვილი ასევე ამბობს, რომ   ბაღებში ბავშვთა რაოდენობა ყოველდღიურად იმატებს.

ქუთაისის მასშტაბით არსებული 38 საჯარო სკოლიდან სრულად დისტანციურ სწავლებაზე არც ერთი სკოლა არ იმყოფება.

ონლაინ რეჟიმში ქალაქის მასშტაბით 2231 მოსწავლე სწავლობს, ხოლო სხვადასხვა სკოლაში კორონავირუსის დაფიქსირების გამო დისტანციურ რეჯიმში 45 კლასია გადასული.