საყოველთაო ამნისტიის მოთხოვნით ადვოკატებმა , ყოფილმა პატიმრებმა და  პატიმრების ოჯახის წევრებმა დღეს მორიგი აქცია  გამართეს.ქუთაიისის მერიის წინ შეკრებილებმა ამნისტიის აქტის გადახედვა კიდევ ერთხელ მოითხოვეს.

,,ჩვენ ვითხოვთ,რომ რაც შეიძლება მეტ პატიმარს შეეხოს ამნისტიის კანონპროექტი .ის,რომელიც იყო მიღებული პარლამენტის მიერ მეორე მოსმენით,არ ასახავს საზოგადოების მოლოდინებს.ჳითხოვთ,რაც შეიძლება მეტ ადამიანს შეეხოს ეს აქტი,,-აცხადებს ალექსანდრე კაპანაძე, ,,მოძრაობა ჰუმანურობისათვის ,, დამფუძნებელი.

მისი თქმით,ციხეებში ანალოგიური მოთხოვნით შიმშილობენ პატიმრები.აქციის მონაწილეების ინფორმაციით, გეგუთის კოლონიაში 400-მდე პატიმარი შიმშილობს.

პარლამენტში წარდგენილ „ამნისტიის შესახებ“ პროექტს, სავარაუდოდ, 11 იანვრის სხდომაზე დაამტკიცებენ.

დღეს ქუთაისის ცენტრალურ მოედანზე, აქცია გაიმართა-,,ქუთაისი ანტისემიტიზმის გარეშე,,.სამოქალაქო აქტივისტებმა სამღვდელოების ნაწილის მიერ გამოთქმული ანტიებრაული განცხადებები დაგმეს.საუბარია დეკანოზ ილია კარკაძისა და ასევე  ქუთათელ გაენათელი მიტროპოლიტის მეუფე იოანეს მიერ ქადაგებების დროს გაკეთებულ განცხადებებზე,როცა მათ ებრაელი ხალხი უარყოფით კონტექსტში მოიხსენიეს. აქციის მონაწილეების  თქმით,ეს  ქუთაისის მოსახლეობის პოზიციას არ გამოხატავს. 

სასულიერო პირების განცხადებები დაგმო საქართველოში ისრაელის ელჩმაც.

ქვეყნის მასშტაბით ხანძარი 6 ლოკაციაზე ფიქსირდება.

ადვოკატები და პატიმრების ოჯახის წევრები, ამნისტიის აქტის გადახედვას მოითხოვენ. მათი თქმით, კანონში შესული ცვლილებები პატიმრების უმრავლესობას არ ეხება.აქციის მონაწილეების  განცხადებით, საჭიროა კანონი ყველა კატეგორიის პატიმარს შეეხოს.

,,მოვითხოვ, რომ ყველა პატიმარს შეეხოს სასჯელის შემსუბუქება ერთი მეოთხედით მაინც. მყავს პატიმარი შვილი, 22 წლის ბიჭი, რომელიც ამ კანონს დიდი სიხარულით ელოდებოდა. კანონი შეეხო ისეთ მუხლებს, რომელიც არ არის მძიმე. ჩემს შვილს  მისჯილი აქვს 179-ე მუხლით, რაც ყაჩაღობას გულისხმობს.მას ამნისტია არ შეეხო, რასაც ვაპროტესტებ,,-აცხადებს ხატია მდივანი,ერთ-ერთი პატიმრის დედა.

ქუთაისის ნომერ მეორე სასჯელაღსრულების დაწესებულებაში ათამდე პატიმარმა ამნისტიის კანონპროექტის გადახედვისა და გაცილებით ფართომაშტაბიანი ამნისტიის მოთხოვნით შიმშილობა დაიწყო.

მმართველმა გუნდმა ამნისტიის შესახებ კანონი მეორე მოსმენით მიიღო, კანონი  სისხლის სამართლის კოდექსის 45-ზე მეტ მუხლს ეხება, საუბარია იმ დანაშაულზე, რომლებიც ნაკლებად მძიმეა.

ქუთაისის მერი იოსებ ხახალეიშვილი მონიტორინგის ფარგლებში ადგილზე გაეცნო იმ სახლებზე ჩატარებულ სამუშაოებს, რომლებიც ქუთაისის მერიის „ სოციალურად დაუცველი მოსახლეობის ინდივიდუალური საცხოვრებლების გადახურვის პროგრამით“ გადაიხურა.

აღნიშნული პროგრამით, 2020 წელს შეირჩა 23 ოჯახი, რომელთა სარეიტინგო ქულა 65000-ზე ქვემოთაა. მათი სახლების სახურავები ძალიან იყო დაზიანებული.  გასულ წელს უკვე დასრულდა 9 სახლის გადახურვა, დანარჩენი კი მიმდინარე წელს დასრულდება.

საქართველოს საავტომობილო გზების დეპარტამენტი ქუთაისში, წერეთლის ქუჩის ახალი მონაკვეთის რეაბილიტაციას იწყებს. აღნიშნულის გამო, 11 იანვრიდან 15 თებერვლამდე, საავტომობილო მოძრაობა დროებით შეწყდება შპს „გურმანიდან“ მე-12 საჯარო სკოლამდე მონაკვეთზე. ჩაიკეტება ფოთის ქუჩაც. ინფექციურ საავადმყოფომდე მისვლა შესაძლებელი იქნება არხის ქუჩის გავლით. 11 იანვრიდან მოძრაობა აღდგება წერეთლის ქუჩის იმ მონაკვეთზე, რომელიც აქამდე იყო დაკეტილი- ჭავჭავაძის ქუჩის კვეთიდან შპს „გურმანამდე“.