ამ წუთებში ქალაქის ცენტრალურ ნაწილში  საცობია, გავრცელებული ინფორმაციით რამდენიმე დღის წინ მდინარე რიონში მსუბუქი ავტომანქანა გადავარდა, რომლის სამძებრო სამუშაოები ამ დრომდე მიმდინარეობს. ადგილზე მობილიზებულია  პოლიციის რამდენიმე ეკიპაჟი და  სამძებრო სამაშველო სამსახურის ბრიგადები.

ჩვენ დეტალების გარკვევას და დაზუსტებას ვცდილობთ. როგორც გავარკვიეთ,მაუბუქი ავტომობილი მდინარეში რამდენიმე დღის წინ გადავარდა,მანქანა სავარაუდოდ დაგორდა.ამ დროს მასში მძღოლი არ იმყოფებოდა,შესაბამისად მსხვერპლი არ არის.ამ დროისთვის,ავტომობილი წყლიდან უკვე ამოიყვანეს.

არა ძალადობას,, ,,მოგვეცით მუშაობის საშუალება,,-ამ დევიზით დღეს ქუთაისში  მედიის წარმომადგენლებმა აქცია გაიმართა. აქციის მონაწილეებმა გუშინ თბილისში ჟურნალისტებზე მომხდარი ძალადობა დაგმეს და დამნაშავეების დასჯა მოითხოვეს.  აქციას არასამთავრობო სექტორის წარმომადგენლები და პოლიტიკოსები შეუერთდნენ.

ის მოვლენები რაც გუშინ თბილისში ხდებოდა, იყო ამაზრზენი და შემზარავი. გუშინ ჟურნალისტებს მხოლოდ იმიტომ გაუსწორდნენ ფიზიკურად, რომ ასრულებდნენ პროფესიულ მოვალეობას.ჩვენ შევიკრიბეთ ერტადერთი მოტხოვნით-,,არა ძალადობას ,, და ,,მოგვეცით მუშაობის საშუალება,, აუცილებლად უნდა იყვნენ დასჯილი ის ადამიანები, რომლებიც გუშინ ჟურნალისტებს ფიზიკურად გაუსწორდნენ,,-განაცხადა ირაკლი ვაჩიბერაძემ, ,,მთავარი არხის,, ჟურნალისტმა . 

შინაგან საქმეთა სამინისტროს, თბილისის პოლიციის დეპარტამენტის და ძველი თბილისის მთავარი სამმართველოს თანამშრომლებმა, ჩატარებული საგამოძიებო და სამძებრო მოქმედებების შედეგად, თბილისში, რუსთაველის გამზირზე გამართულ აქციაზე მედიასაშუალებების წარმომადგენლების მიმართ განხორციელებული ფიზიკური ძალადობისა და ძალადობის მუქარით პროფესიულ საქმიანობაში უკანონოდ ხელის შეშლის ფაქტზე, 3 პირი: წარსულში ნასამართლევი, 1982 წელს დაბადებული მ.დ., 1983 წელს დაბადებული ზ.ჭ., და ასევე, წარსულში ნასამართლევი, 1979 წელს დაბადებული ზ.მ. დააკავეს.

საინფორმაციო სააგენტო "აქტორი"(act2.ge) გმობს მედიაზე ძალადობას და სოლიდარობას უცხადებს ყველა ჟურნალისტს.

საინფორმაციო სააგენტო "აქტორი"მოუწოდებს ყველას,ხელი არ  შეუშალონ ჟურნალისტებს პროფესიულ საქმიანობაში.

როგორც უწყებაში განმარტავენ, გამოძიებაა დაწყებული, როგორც მედიასაშუალებების წარმომადგენლებისადმი ძალადობის, ისე „სირცხვილიას“ და „თბილისი პრაიდის“ ოფისების დაზიანების ფაქტებზე.

„შინაგან საქმეთა სამინისტრო პირველ რიგში გმობს სიძულვილით მოტივირებულ ქმედებებს, მათ შორის მედიასაშუალებების წარმომადგენლების მიმართ გამოხატულ ძალადობის ნებისმიერ ფორმას. მოვუწოდებთ დედაქალაქის ქუჩებში შეკრებილ მოქალაქეებს, დაიცვან წესრიგი, დაემორჩილონ პოლიციელთა კანონიერ მოთხოვნებს და ნებისმიერ თემაზე პროტესტი გამოხატონ კანონის ფარგლებში.

შინაგან საქმეთა სამინისტრომ თბილისში მოძრაობა "სირცხვილიას" და "თბილისი პრაიდის" ოფისზე განხორციელებული კანონსაწინააღმდეგო ფაქტებთან დაკავშირებით გამოძიება სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.

რუსთაველის გამზირზე შეკრებილმა მოქალაქეების ნაწილმა პარლამენტის შენობის უკან მდებარე მოძრაობა "სირცხვილიას" ოფისში შეჭრა სცადეს. ოფისში იმყოფებოდნენ ჟურნალისტები და აშუქებდნენ მიმდინარე მოვლენებს, აქციის მონაწილეებმა დააზიანეს ასევე მათი ტექნიკა.

აქციის მონაწილეების მხრიდან თბილისში, ახვლედიანის ქუჩა №17-ში მდებარე „თბილისი პრაიდის“ ოფისიდან დროშის ჩამოხსნის, განადგურებისა და ინვენტარის დაზიანების ფაქტზე შინაგან საქმეთა სამინისტრომ სხვისი ნივთის დაზიანების ან განადგურების მუხლით ასევე დაიწყო, გამოძიება.

კანონდარღვევის ამ ფაქტებისა გარდა, შინაგან საქმეთა სამინისტრომ საზოგადოებას უკვე აცნობა, რომ დღეს რუსთაველის გამზირზე მედიასაშუალებების წარმომადგენელთა მიმართ განხორციელებული ძალადობის და პროფესიულ საქმიანობაში უკანონოდ ხელის შეშლის გამოვლენილ ფაქტებზე გამოძიება დაიწყო. აღნიშნულ ფაქტებზე ტარდება ყველა შესაბამისი საგამოძიებო მოქმედებები, შესწავლილი იქნება ინციდენტების ამსახველი ყველა მასალა.

მასობრივი ინფორმაციის საშუალებების წარმომადგენლებს, მოვუწოდებთ არსებული რისკების გათვალისწინებით ითანამშრომლონ პოლიციის თანამშრომლებთან, გაითვალისწინონ შინაგან საქმეთა სამინისტროს წარმომადგენლების მითითებები და რეკომენდაციები.

დედაქალაქის ქუჩებში საპოლიციო ძალები მობილიზებული რჩებიან და განაგრძობენ საზოგადოებრივი წესრიგის დაცვას. კიდევ ერთხელ მოვუწოდებთ ყველას, დაიცვან კანონის მოთხოვნები. წინააღმდეგ შემთხვევაში, პოლიცია იმოქმედებს საკუთარი მანდატის ფარგლებში და სამართალდარღვევის თითოეული ფაქტი იქნება აღკვეთილი და მკაცრი სამართლებრივი რეაგირება მოჰყვება“, - ნათქვამია შინაგან საქმეთა სამინისტროს განცხადებაში.