,,გადადგეს მკვლელების მფარველი ღარიბაშვილი“-ქუთაისში, ქალაქის ცენტრალურ მოედანზე  აქცია გაიმართა. 

საქართველოს ჟურნალისტური ეთიკის ქარტია მიიჩნევს, რომ ხელისუფლებამ არ მიიღო სათანადო ზომები ძალადობის აღსაკვეთად და რიგ შემთხვევებში მაღალი რანგის სახელმწიფო მოხელეების განცხადებებმა წაახალისა კიდეც ძალადობრივი ჯგუფების ქმედებები.  

შინაგან საქმეთა სამინისტრომ  5 ივლისს ვერ დაიცვა ჟურნალისტები ფიზიკური ძალადობისგან, ასევე ვერ უზრუნველყო მედიის უსაფრთხო საქმიანობა. ამ დრომდე გამოუძიებელია ჟურნალისტებზე თავდასხმის, მედიის საქმიანობის ხელშეშლის და ძალადობის ფაქტების უმრავლესობა, არ ხდება ძალადობრივი ჯგუფების ორგანიზატორების პასუხისმგებლობის საკითხის გამოკვეთა. 

მოძალადე ჯგუფები კვლავ განაგრძობენ მედიასთან  ორგანიზებულად სიძულვილის ენით საუბარს, რაც ახალისებს ძალადობას. 

მოვითხოვთ:

• ხელისუფლებამ დაუყოვნებლივ მიიღოს ზომები, რათა შეწყდეს ორგანიზებული ძალადობა მედიაზე;  
• დაისაჯონ ძალადობრივი აქციის არამარტო მონაწილეები, არამედ  ორგანიზატორებიც;
• ეფექტურად მოხდეს მედიაზე ორგანიზებული თავდასხმის 50-მდე ფაქტზე რეაგირება;  
• დაიწყოს მედიის მისამართით გაჟღერებულ მუქარის შემცველ შეტყობინებებზე მოკვლევა;
• ხელისუფლებამ დაუყოვნებლივ შეწყვიტოს სიძულვილის ენით საუბარი მედიასთან, დაიცვას კანონი და ჟურნალისტები;
• დადგეს შინაგან საქმეთა მინისტრის და პრემიერ-მინისტრის პოლიტიკური პასუხისმგებლობა.

 დღეს 19 საათზე ქუთაისში,მესხიშვილის თეატრის წინ მდუმარე აქცია გაიმართება. მედიის წარმომადგენლები მწუხარებას გამოხატავენ ტვ პირველის ოპერატორის,  ალექსანდრე ლაშქარავას გარდაცვალების გამო.

ალექსანდრე ლაშქარავა 5 ივლისს, ორგანიზაცია "სირცხვილიას" ოფისში, "თბილისი პრაიდის"მოწინააღმდეგეებმა სასტიკად სცემეს.მას ოპერაციაც გაუკეთდა.გარდაცვლილი დედამ სახლში,დილით ადრე იპოვა.

დღევანდელი აქციის მიზანია,კიდევ ერთხელ ვთქვათ "არა ძალადობას" .ჟურნალისტები მოვუწოდებთ  ხელისუფლებას, დაიცვას თითოეული მოქალაქის და მათ შორის ჟურნალისტის სიცოცხლე და უსაფრთხოება.

ტელეკომპანია  "პირველის" ოპერატორი ლექსო ლაშქარავა,რომელიც 5 ივლისს,სამსახურეობრივი მოვალეობის შესრულების დროს სცემეს,გარდაიცვალა.

საინფორმაციო სააგენტო "აქტორი"(act2.ge)უსამძიმრებს ოჯახს,ტელევიზიასა და კოლეგებს.

 საქმეთა სამინისტროს, თბილისის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, ჟურნალისტის პროფესიულ საქმიანობაში ძალადობის მუქარით უკანონოდ ხელის შეშლის, ძალადობითა და ძალადობის მუქარით დევნის, ჯგუფური ძალადობის ფაქტებზე კიდევ 4 პირი დააკავეს და 1 პირს ბრალი წარედგინა.

ხუთ დღიანი ძებნის შემდეგ თერჯოლაში მამაკაცი გარადაცვლილი იპოვეს