თემები

: საზოგადოება; 05 იანვარი 2023; გადასვლები: 622

თოვა,ნისლი,ქარბუქი-როგორი ამინდი იქნება შობას?

7 - 8 იანვარს საქართველოში მოსალოდნელია ცივი და ნოტიო ჰაერის მასების გავრცელება, ნალექი, მთაში და მაღალმთაში შესაძლებელია ძლიერი თოვა, ნისლი, ქარბუქი, საავტომობილო გზების ცალკეულ მონაკვეთებზე ხილვადობის გაუარესება. ზოგან იქროლებს დასავლეთის მიმართულების ძლიერი ქარი, ზღვაზე შესაძლებელია 3-4 ბალიანი შტორმული ღელვა.

ინფორმაციას გარემოს ეროვნული სააგენტო ავრცელებს.

: საზოგადოება; 01 იანვარი 2023; გადასვლები: 1410

ბაღდათში საახალწლო ღონისძიება მიმდინარეობს

პრემიერ-მინისტრის ინიციატივით, ბაღდათის მუნიციპალიტეტში გრანდიოზული საახალწლო ღონისძიება მიმდინარეობს.

ქალაქ ბაღდათის თავისუფლების მოედანზე ღონისძიება თოვლის ბაბუამ, ზღაპრის გმირებთან ერთად ორკესტრის თანხლებით გახსნა.

მოსახლეობის საზეიმო განწყობაზე ადგილობრი შემსრულებლები ზრუნავენ, რომლის პარალელურადაც განთავსებულია საახალწლო სახლები სადაც ადგილობრივ მეწარმეებს გასაყიდად აქვთ გამოტანილი თავიანთი ხელთნაკეთი ნივთები და პროდუქცია, ბავშვებისთვის მოწყობილია ფოტოგადასაღები სტენდები და ინსტალაციები, მათ ასევე შეუძლიათ სახის მოხატვა და სხვადასხვა გასართობ აქტივობებში მონაწილეობის მიღება.

პატარებს ურიგდებათ საჩუქრები .

საღამოს კი მსმენელის წინაშე ანსამბლი "ალილო" და ჯგუფი "გუფი ლენდი" წარსდგებიან.

საახალწლო ღონისძიება გრანდიოზული ფოიერვერკით დასრულდება.

: საზოგადოება; 30 დეკემბერი 2022; გადასვლები: 732

ხვალ ქუთაისში ტრანსპორტის მოძრაობა შეიზღუდება

ქუთაისში, საახალწლო ღონისძიებებთან დაკავშირებით, 30 და 31 დეკემბერს რამდენიმე ლოკაციაზე დროებით შეიზღუდება ტრანსპორტის მოძრაობა.

სატრანსპორტო საშუალებათა მოძრაობა და პარკირება სრულად შეიზღუდება ვერიკო ანჯაფარიძის სკვერის მიმდებარედ (ცისფერყანწელების და გრიშაშვილის ქუჩებზე) 10:00 საათიდან ღონისძიებების დასრულებამდე.

30 დეკემბერს დავით აღმაშენებლის მოედანზე (გელათის ქუჩის დასაწყისი, ,,მაკდონალდსის“, მესხიშვილის დრამატული თეატრის და შადრევანის მიმდებარე ტერიტორია) შეიზღუდება მოძრაობა და ნაწილობრივ პარკირება, სცენის მონტაჟისა და დემონტაჟისთვის.

31 დეკემბერს, 10 :00 საათიდან, სრულად შეიზღუდება სატრანსპორტო საშუალებათა მოძრაობა და პარკირება დავით აღმაშენებლის მოედანზე, ღონისძიებების დასრულებამდე.

შესაბამისად, შეიცვლება მუნიციპალური ტრანსპორტის მოძრაობის სქემა და ავტობუსები იმოძრავებენ შემდეგი სვლა-გეზებით :

N⁰1L ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰3 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰4 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰5 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰41 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰113 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩებზე. აღნიშნული სვლაგეზის დანარჩენი მონაკვეთები უცვლელი რჩება.

N⁰6 ავტობუსი, ნაცვლად აღმაშენებლის მოედნისა, იმოძრავებს დავით და კონსტანტინეს ქუჩის გავლით , ვარლამიშვილის მოედანზე. სვლაგეზის დანარჩენი მონაკვეთები უცვლელი რჩება.

N⁰19 ავტობუსი, ნაცვლად აღმაშენებლის მოედნისა, იმოძრავებს მარი ბროსეს ქუჩის გავლით, ფალიაშვილის ქუჩაზე. სვლაგეზის დანარჩენი მონაკვეთები უცვლელი რჩება.

N⁰141 ავტობუსი, ნაცვლად თბილისის ქუჩისა, იმოძრავებს ვარლამიშვილის ქუჩაზე და გაივლის გელათის ქუჩას. სვლაგეზის დანარჩენი მონაკვეთები უცვლელი რჩება.

: საზოგადოება; 30 დეკემბერი 2022; გადასვლები: 773

როგორი ამინდი იქნება ახალი წლის დღეებში?

⛅5 იანვრამდე საქართევლოში უმეტესად უნალექო ამინდია მოსალოდნელი. ჰაერის ტემპერატურა დასავლეთ საქართველოს დაბლობში ღამით 0,+5, აღმოსავლეთ საქართველოს ბარში -5, 0 გრადუსის ფარგლებში, ხოლო დღის საათებში +10,+15 გრადუსის ფარგლებშია მოსალოდნელი.

ქ.თბილისში უმეტესად უნალექო ამინდი, ხოლო ჰაერის ტემპერატურა ღამით -2, 0, დღისით კი +11,+13 გრადუსის ფარგლებში იქნება.

ინფორმაციას გარემოს ეროვნული სააგენტო ავრცელებს.

: საზოგადოება; 30 დეკემბერი 2022; გადასვლები: 767

თერჯოლაში სოციალურად დაუცველ ცხრა ოჯახს საცხოვრებელი ფართი გადაეცა

თერჯოლის მუნიციპალიტეტში ახალ წელს ცხრა სოციალურად დაუცველი ოჯახი ახალ გარემოში შეხვდება.

ოჯახებს სახლის გასაღები იმერეთში სახელმწიფო რწმუნებულმა ზვიად შალამბერიძემ გადასცა და ახალმოსახლეობასთან ერთად დამდეგი 2023 წელი მიულოცა.

სოციალური მიმართულებით, ოჯახების გაძლიერების მიზნით, თერჯოლაში არაერთი მნიშვნელოვანი ნაბიჯი გადაიდგა. მოქმედი ,,სახლდაზიანების“ პროგრამის ფარგლებში მიმდინარე წელს ცხრა ახალი სახლის მშენებლობა დასრულდა.

პროგრამა ითვალისწინებს სოციალურად დაუცველი მოსახლეობისათვის მცირე ფართიანი ინდივიდუალური სახლების მშენებლობას ან/და შეძენას, რომელთა საცხოვრებელი სახლები დაზიანების მასშტაბის გამო ექვემდებარება დემონტაჟს.

მუნიციპალიტეტის მერიის ადგილობრივ ბიუჯეტში სახლდაზიანების პროგრამის ფარგლებში გამოყოფილი თანხით სულ 19 სახლი არის აშენებული. პროექტი ადგილობრივი ბიუჯეტიდან მომავალ წელსაც დაფინანსდება.

: საზოგადოება; 29 დეკემბერი 2022; გადასვლები: 798

საახალწლო ბაზრობა ქუთაისში კიდევ ორი დღე გაიმართება

საახალწლო ღონისძიებების ფარგლებში დღეს ქუთაისში, ვერიკო ანჯაფარიძის სკვერში იმერელ მეწარმეთა საახალწლო ბაზრობა გაიხსნა.

ხელნაკეთი ნივთების, გამოყენებითი ხელოვნებისა და ტრადიციული რეწვის იმერელი ოსტატები კიდევ ორი დღის განმავლობაში გამოფენენ საკუთრ ნამუშევრებს. გამოფენა-გაყიდვა 30 და 31 დეკემბერსაც გაიმართება.

ხვალ, 30 დეკემბერს საღამოს 16:00 საათიდან ვერიკოს სკვერის მიმდებარედ კონცერტს გამართავს ჯგუფი „ქორალი“.