შეაიარაღებული პირი, რომელიც რუსთაველის ქუჩაზე, საქართველოს ბანკის შენობაში შეიჭრა, 2 მილიონი დოლარის მისაღებად პოლიციას ვადას 3 საათი აძლევს.

თავდამსხმელმა ,,ლაივი,, ჩართო და  თავისი მოთხოვნები ერთ-ერთ მძევალს გააჟღერებინა. როგორც მძევალი ვიდეოში ამბობს, ,,შემოვიდა ადამიანი და ითხოვს ფულს.შეხედე ბომბები რაფერაა.. აგერაა ბომბი.....,, კადრში ჩანს ასაფეთქებელი მოწყობილობა,რომელიც კედელზეა მიმაგრებული.

კადრში ასევე ჩანს მამაკაცი, რომელსაც ნიღაბი უკეთია და სამხედრო ფორმა აცვია.

ქუთაისში,საქართველოს ბანკის შენობაში შეჭრილი პირი 2 მილიონს დოლარს ითხოვს. თავდამსხმელი შეიარაღებულია და მძევლები ყავს აყვანილი.

პერიმეტრი სამართალდამცველებს აქვთ გადაკეტილი.მიმდინარეობს სპეცოპერაცია.

 შენობაში,რომელიც ქუთაისში,რუსთაველის ქუჩაზე მდებარეობს, თანამშრომლები და  ბანკის კლიენტები იმყოფებიან,, სავარაუდოდ 10 ადამიანი.

შინაგან საქმეთა სამინისტრო მოუწოდებს მედიის წარმომადგენლებს და მოქალაქეებს – დაიცვან უსაფრთხოების ნორმები და დაემორჩილონ ადგილზე
პოლიციელთა მითითებებს.

„საქართველოს გაზის ტრანსპორტირების კომპანია” 21 სექტემბერს წყალტუბოს გაზგამანაწილებელ სადგურში სარეკონსტრუქციო სამუშაოებს გეგმავს. ამასთან დაკავშირებით კომპანია განცხადებას ავრცელებს.

„საქართველოს გაზის ტრანსპორტირების კომპანიის“ ცნობით, 21 სექტემბრის 02:00-07:00 საათებში შესაძლოა აღნიშნული გგს-ის მომხმარებლებისთვის გაზის მიწოდების პროცესი შეფერხდეს. აღნიშნულ პერიოდში, ბუნებრივი გაზის მიწოდება, შესაძლოა, შეეზღუდოს ქალაქ წყალტუბოსა და წყალტუბოს მუნიციპალიტეტის ყველა სოფელს.

„შპს “საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, - აღნიშნულია განცხადებაში.

კომპანიის განმარტებით, ბუნებრივი გაზის მიწოდების გათიშვის შემთხვევაში, გაზმომარაგება გამორთულ გაზგამანაწილებელ სადგურში სარეკონსტრუქციო სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს.

ქუთაისი " ევროპის მობილობის კვირეულს“ უერთდება და ეკო-მეგობრული ტრანსპორტის მიმართ მხარდაჭერას გამოხატავს.
კვირეულის გამართვის მიზანია არამოტორიზებული ტრანსპორტის წახალისება, მდგრადი ურბანული მობილობის შესახებ ცნობიერების ამაღლება.

20 სექტემბერს, „ ევროპის მობილობის კვირეულის“ ფარგლებში , ქუთაისში რამდენიმე ღონისძიება გაიმართება.
18:00 – 20:00 სთ. - მოეწყობა ველო-მსვლელობა სპორტსმენებისა და ორგანიზატორების ჩართულობით. ( 16:00 საათიდან სამანქანე მოძრაობისთვის გადაიკეტება გზა რუსთაველის გამზირზე, ცისფერყანწელთა ქუჩიდან ფალიაშვილის ქუჩამდე).
ქუჩა გახსნილი იქნება ეკო-მეგობრული ტრანსპორტისა და ფეხით სეირნობისთვის. სამხატვრო სკოლის მოსწავლეები გამართავენ გამოფენას.

ღონისძიებებში ჩართვა შეუძლია ნებისმიერ მოქალაქეს, ასაკის მიუხედავად, მათ შორის საკუთარი ეკო-მეგობრული ტრანსპორტით.

" ევროპის მობილობის კვირეული“ უკვე 20 წელია 16-22 სექტემბერს აღინიშნება. კვირეულის შესახებ ინიციატივა ევროკომისიას ეკუთვნის და პირველად ის 2002 წელს ჩატარდა. წლევანდელი კვირეულის მთავარი გზავნილია "უკეთესი კავშირები". კვირეულის ფარგლებში მსოფლიოს 56 ქვეყანაში 1500-მდე აქტივობაა დაგეგმილი.
კვირეული იმართება ქუთაისის მერიისა და ორგანიზაცია „ოლ სთრით" (All Street)-ის ორგანიზებით, საქართველოს ეკოლოგიურ მეცნიერებათა აკადემიის მხარდაჭერით.

ფოტო ,,აქტორის,, არქივიდან