ონის მუნიციპალიტეტში გვიან ღამით ძლიერი ნალექი მოვიდა, ადიდებულმა მდინარე ჭანჭახმა შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 136-ე კმ-ზე არსებული დროებითი სარმის ხიდი დააზიანა, რის შედეგადაც სოფელ გლოლასთან გადაადგილება დროებით შეზღუდულია.

აავტომობილო გზის აღნიშნულ მონაკვეთზე   ყველა სახის ავტოტრანსპორტის მოძრაობა აკრძალულია. 

ამ დროისთვის სტიქიის შედეგების სალიკვიდაციო სამუშაოები მიმდინარეობს. 

 დღეს,24 აგვისტოს, 15:00 საათზე სოფელ შუქრუთის მოსახლეობა  კოროხნალის მაღაროსთან შეიკრიბებიან,შემდეგ კი მსვლელობით სოფელ ჭორვილაში, ბიძინა ივანიშვილის სახლთან მივლენ.

ს,,მშვიდობიანი მსვლელობით მივდივართ სოფელ ჭორვილაში ბატონ ბიძინა ივანიშვილის სახლთან, რათა ხმა მივაწვდინოთ ცენტრალურ მთავრობას და ჩაერთოს და შეასრულოს მედიატორის როლი და გადავჭრათ სამართლიანად ჩვენ სოფელსა და ჭიათურაში არსებული პრობლემები, რომელიც თაღლითების და კრიმინალების კომპანია "ჯორჯიან მანგანეზის" უკანონო საქმიანობით არის გამოწვეული,,-აცხადებენ აქციის მონაწილეები. 

საჩხერის რაიონულმა სასამართლომ   შუქრუთის მცხოვრებლებს, რომლებიც კომპანია ჯორჯიან მანგანეზისგან მარგანეცის მოპოვების შედეგად ,დანგრეული სახლების სანაცვლოდ კომპენსაციებს ითხოვენ,მაღაროსთან პროტესტი აუკრძალა.კომპანია, აქციაში მონაწილე შუქრუთელებს, ფინანსური ზიანის მიყენებაში ადანაშაულებს და 5 მილიონ-ნახევრაზე მეტი ლარის ოდენობით ზიანის ანაზღაურებას ითხოვს.

მოსახლეობა ჯორჯიან მანგანეზისგან ღირსეული კომპენსაციის მოთხოვნით, 164 დღეა ღამეს კარავში ათევს .დღეს პროტესტის 165-ე დღეა.

ბრაკონიერობის წინააღმდეგ ბრძოლის ფარგლებში, გარემოსდაცვითი ზედამხედველობის დეპარტამენტის თანამშრომლებმა ნადირობის წესების დარღვევის 8 ფაქტი გამოავლინეს. უკანონო ნადირობის ფაქტები აღკვეთილია კახეთში, ქვემო ქართლში, იმერეთსა და გურიაში. 

გამოვლენილი სამართალდარღვევებიდან 4 ნადირობის წესების დარღვევის ფაქტია, 4 შემთხვევაში კი, სამართალდამრღვევები აკრძალული იარაღით ან მეთოდით ნადირობდნენ. 

 24 აგვისტოდან გადამფრენ ფრინველებზე ნადირობის სეზონის გახსნასთან დაკავშირებით, გარემოსდაცვითი ზედამხედველობის დეპარტამენტი მოქალაქეებს მოუწოდებს ინადირონ კანონის დაცვით, ხოლო კანონდარღვევის დაფიქსირების შემთხვევაში, დარეკონ გარემოს დაცვისა და სოფლის მეურნეობის სამინისტროს ცხელ ხაზზე - 153 (ინდექსის გარეშე, ზარი უფასოა, ანონიმურობა დაცულია), რათა შესაბამისმა რეგიონულმა სამმართველომ მყისიერი რეაგირება მოახდინოს. 

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი, ნადირობის სეზონის განმავლობაში უკანონო ნადირობის ფაქტების გამოვლენის, აღკვეთისა და პრევენციის მიზნით, კონტროლს მთელი ქვეყნის მასშტაბით გაამკაცრებს. 

გარემოს ეროვნული სააგენტო შავი ზღვის წყლის ხარისხის მონიტორინგს უწყვეტ რეჟიმში, ყოველთვიურად ახორციელებს. 12 წერტილში აღებული წყლის სინჯების კვლევების დროს ისაზღვრება ჰიდრო ბიოლოგიური და ქიმიური პარამეტრები, მათ შორის, 13 მძიმე მეტალი, ნავთობის ჯამური ნახშირწყალბადები, 16 პოლიარომატული ნახშირწყალბადისა და სხვა ფიზიკურ-ქიმიური პარამეტრის კონცენტრაცია.

შავი ზღვიდან აღებული სინჯების კვლევა გარემოს ეროვნული სააგენტოს ატმოსფერული ჰაერის წყლისა და ნიადაგის ანალიზის აკრედიტირებულ ლაბორატორიაში ტარდება.

სააგენტოს მიერ ჩატარებული ლაბორატორიული კვლევების მიხედვით, შავი ზღვის წყლის ხარისხი სანაპიროს მთელ პერიმეტრზე ნორმის ფარგლებშია.

ქუთაის-გაენათის ეპარქია გელათის რეაბილიტაციის დროებით კომიტეტს ურჩევს, მონასტერში გრუნტის წყლების დონე აგვისტოს ნაცვლად შემოდგომისა და გაზაფხულის წვიმების შემდეგ შეამოწმოს.

,,2021 წლის აგვისტო-სექტემბრის შემდეგ არაერთგზის შეკრებილ ხელოვნებათმცოდნე და რესტავრატორ სპეციალისტებთან მათი ყურადღება გავამახვილეთ გრუნტის წყლების დესტრუქციულ მოქმედებაზე, რომელიც მკაფიოდ ჩანს წმ. გიორგის ტაძრის საკურთხევლის აფსიდში. ეს პროცესი ათეული წლების წინ იყო ცნობილი, არ არის ჩვენი აღმოჩენა. გასული საუკუნის 60-იან წლებში მოხდა დაზიანებული კედლის მხატვრობის ფიქსაცია, მაგრამ კედლის მხატვრობის კატასტროფული დაზიანების მიზეზი (გრუნტის წყლების დესტრუქციული მოქმედება) დღესაც არ არის ლიკვიდირებული. 

   გელათის სამონასტრო კომპლექსის რეაბილიტაციის დროებითი კომიტეტის მიერ დღეს გამოგზავნილია გეოლოგთა ჯგუფი, რომლის მიზანია გელათის სამონასტრო კომპლექსის გალავნის აღმოსავლეთით შესწავლილ იქნას მთის ფერდობიდან მომდინარე გრუნტის წყლების დონე. კარგად ცნობილია, რომ აგვისტოს თვეში, როგორც წესი, ეს დონე ყველაზე დაბალია, რის გამოც წყლის დებეტი სოფ. გელათში კატასტროფულად მცირდება. იმისთვის, რომ გრუნტის წყლების დინამიკა ობიექტურად იყოს შეფასებული, უპრიანია, მსგავსი შემეცნებითი სამუშაოების ჩატარება თოვლის დნობის და საგაზაფხულო წვიმების და, ასევე, შემოდგომის წვიმების დროს. დავამატებთ, რომ სადრენაჟო სამუშაოების ჩატარების მცდელობა იყო გასული საუკუნის 60-იან წლებში და როგორც არქეოლოგები ამბობენ, არსებობს ძველი სადრენაჟო სისტემა, რომელიც დღეს გაბიდნულია და ვერ ატარებს გრუნტის წყლებს. სასურველია, სადრენაჟო სამუშაოების დაწყებამდე გათვალისწინებული იყოს ამ მიმართულებით არსებული საარქივო მასალები. 

იმედია, დროებითი კომიტეტი გაითვალისწინებს ჩვენს რჩევას,,გაენათის ეპარქია.

უახლოეს დღეებში საქართველოში მაღალი ტემპერატურის ფონზე მოსალოდნელია ხანმოკლე წვიმა და ელჭექი, ზოგან შესაძლებელია სეტყვა და ქარის გაძლიერება. 

ქ. თბილისში მოსალოდნელია ხანმოკლე წვიმა ელჭექით. ჰაერის ტემპერატურა დღისით +34, +36 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +29, +31 გრადუსი დაფიქსირდება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +33, +35 გრადუსი დაფიქსირდება. 

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): მოსალოდნელია ხანმოკლე წვიმა ელჭექით. ჰაერის ტემპერატურა დღისით +31, +33 გრადუსი იქნება. 

დასავლეთ საქართველოს მაღალმთიან რაიონებში (მესტია, ბახმარო): მოსალოდნელია ხანმოკლე წვიმა ელჭექით. ჰაერის ტემპერატურა დღისით +27, +29 გრადუსი იქნება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +34, +36 გრადუსი იქნება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +34, +36 გრადუსი დაფიქსირდება. 

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +31, +33 გრადუსი დაფიქსირდება. 

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა ელჭექით. ჰაერის ტემპერატურა დღისით +25, +27 გრადუსი დაფიქსირდება.