არჩევანი გავაკეთე ომს და მშვიდობას შორის,ხმა მივეცი ჩვენი ქვეყნის ხვალინდელ მომავალს- ამის შესახებ ქუთაისის მერის მოვალეობის შემსრულებელმა განაცხადა.

დავით ერემეიშვილი საარჩევნო უბანზე ოჯახთან ერთად მივიდა.მან ხმა 64-ე უბანზე მისცა.

მისი თქმით,ყველა მოქალაქის ვალია,დააფიქსიროს საკუთარი არჩევანი.

ხმა მივეცი ჩვენი შვილების ევროპულ მომავალს- ამის შესახებ ქუთაისში ,,ქართული ოცნების,, დელეგატმა,ზაზა ლომინაძემ ხმის მიცემის შემდეგ განაცხადა. ლომინაძემ საკუთარი არჩევანი მეცხრე უბანზე დააფიქსირა.

,,ჩემს ოჯახთან ერთად ხმა მივეცი ჩვენი ქვეყნის ,ჩვენი ქალაქის,ჩვენი შვილების ევროპულ მომავალს,მშვიდობას ,განვითარებას,ეკონომიკურ ზრდას,კეთილდღეობას და ჩვენი ქვეყნის მშვიდობიან განვითარებას.პროცესი წრაფად მიდის,დარღვევების გარეშე და ვთხოვ ჩვენს მოქალაქეებს , ყველა მივიდეს და დააფიქსიროს თავისი სამოქალაქო ვალი.,,-ზაზა ლომინაძე.

ქუთაისში ,,ძლიერი საქართველოს,, შტაბის ხელმღვანელის ინფორმაციით, არჩევნებზე რამდენიმე პრობლემა გამოიკვეთა.

,,ერთ-ერთ უბანზე ჩვენი წარმომადგენელი,რომელსაც ქონდა შესაბამისი აკრედიტაცია, არ შეუშვეს, დიდი ძალისხმევა დაგვჭირდა ,რომ შესულიყო უბანზე. ჩვენი წარმომადგენლების მიერ რამდენიმე უბანზე დაფიქსირდა ორ-ორი ბიულეტენის გადაცემა,უკიდურესი სივიწროვეა რამდენიმე უბანზე,სადაც არ ეძლევათ დამკვირვებლებს მუშაობის საშუალება.უბნის თავმჯდომარეები არ აძლევენ წარმომადგენლებს,დამკვირვებლებს პროცესზე დაკვირვების შესაძლებლობას.ასევე დაფიქსირდა ფოტო გადაღება, 64-ე უბანზე მაგალითად ,,ქართული ოცნების,, წარმომადგენელი უბნის სიახლოვეს ცდილობდა ჩამორთმეული პირადობებით საკუთარი მომხრეები შეეშვა უბანზე. ეს ადამიანი გამოვლენის შემდეგ გამოძევებული იქნა უბნიდან,,-განაცხადა ალექსანდრე მიქაუტაძემ.

ქუთაისში 10 საათის მონაცემებით ხმა 11 097 ამომრჩეველმა მისცა.

2020 წლის არჩევნებზე ეს ციფრი  11.004 იყო.

,,,ამომრჩეველი ცუდი ამინდის მიუხედავად, აქტიურად მოდის უბანზე.სტაბილურია სიტუაცია,მეტ-ნაკლებად მშვიდი,თუმცა მოგეხსენებათ , არჩევნები რაღაც ტიპის მღელვარებასთან არის დაკავშირებული, პატარ-პატარა ექსესები შეიძლება იყოს, მაგრამ პრობლემებს ვაგვარებთ.,,-ლარინა ლალიაშვილი,ქუთაისის 59-ე საოლქო საარჩევნო კომისიის თავმჯდომარე. 

საოლქო კომისიაში ამ დროისთვის 4 საჩივარია შესული. 

ქუთაისში სულ  152 506 ამომრჩეველია რეგისტრირებული.

გახსნილია 72 უბანი,აქედან ერთი სპეცუბანია, რომელიც პენიტენციურ დაწესებულებაშია გახსნილი.

ხმის მიცემა გარდა სპეცუბნისა, ელექტრონული აპარატების საშუალებით ხდება.

საქართველოში Საპარლამენტო არჩევნები მიმდინარეობს.ქუთაისის 59-ე საოლქო საარჩევნო კომისიის ინფორმაციით, ქუთაისში ყველა ,72 უბანი,მათ შორის  სპეცუბანი,შეფერხების გარეშე გაიხსნა.

ქალაქში 152 506 ამომრჩეველია რეგისტრირებული.

ამომრჩეველთა საერთო რაოდენობა ქვეყნის მასშტაბით  3 508 294-ს შეადგენს. ელექტრონული ტექნოლოგიების გამოყენებით არჩევნებში მონაწილეობას 3 113 747 ამომრჩეველი მიიღებს, - 

მოძრაობა,,ერთიანობა-ნაციონალური მოძრაობის,, წარმომადგენელი ხატია დეკანოიძე უბნების მოწყობასთან დაკავებულ ხარვეზებზე საუბრობს.ამის შესახებ მან ქუთაისში გამართულ ბრიფინგზე ისაუბრა.

საარჩევნო უბნებში ინვენტარის დალაგება მიმდინარეობს, თუმცა,როგორც დეკანოიძე აცხადებს, მაგიდების და მონიტორების განთავსება იმგვარად ხდება,რომ დამკვირვებლები პროცესის მონიტორინგს ვერ შეძლებენ.როგორც ოპოზიციონერი პოლიტიკოსი ამბობს,ისინი დღის ბოლომდე ყველა საარჩევნო უბანს შემოივლიან და საჩივრებსაც დაწერენ.

,,ხვალინდელი დღე არის ერთ-ერთი ყველაზე მნიშვნელოვანი საქართველოს ისტორიაში, ამიტომ ჩვენ ძალებს არ დავზოგავთ,რომ თითოეული მოქალაქის ხმა იქნას დაცული.,,-ხატია დეკანოიძე.