ქუთაისში 15:00 საათის მონაცემებით, არჩევანი 56 312-მა ამომრჩველმა გააკეთა, რაც # 59-ე საოლქო კომისიის  თავმჯდომარის ინფორმაციით, რეგისტრირებული ამომრჩევლის 37 პროცენტია. წინა არჩევნების დროს  აქტივობა დაბალი იყო და 47 652 ამორმჩეველს შეადგენდა.

ჯამში დაწერილია 20 საჩივარი, უმეტესობა პროცედურული ხასიათისაა.

,,ერთიანობა- ნაციონალური მოძრაობის,, წარმომადგენელმა ხატია დეკანოიძემ ქუთაისში,უბნებში მიმდინარე დარღვევებზე ისაუბრა.მისითქმით იმ უბანზე,სადაც ხმა თავად  მისცა,მათ მანქანას თავს დაესხნენ და ფიზიკური დაპირისპირების მცდელობას ქონდა ადგილი.

ხატია დეკანოიძის თქმით, ამ დროისთვის ქუთაისში აქტივობა 19 %-ია. ის მოუწოდებს ამომრჩეველს,მივიდნენ და დააფიქსირონ საკუთარი არჩევანი.

,,35- უბანთან ჩვენმა შტაბის წევრებმა გადაიღეს ,,ქართული ოცნების,, მიერ მობილიზებული კოორდინატორები,რომლებსაც ქონდათ სია და თანხა მითითებული ამ სიებში.მე-16 უბანზე  გამორთეს ის კამერა,რომელიც დამონტაჟებულია ცენტრალური საარჩევნო კომისიის მიერ.მე-18 უბანზე იყო ძალადობრივი ფაქტი.შეურაცხყოფა მიაყენეს ჩვენს დამკვირვებელს.გამოაძევეს ასევე ჩვენი წარმომადგენელი, იქ მოხდა ჩანაცვლება და ახლა ყველაფერი გამოსწორებულია.

38-ე უბანზე უბანზე დამკვირვებლებს და სამოქალაქო სექტორის წარმომადგენლებს შეეზღუდათ დაკვირვების უფლება.ეს იყო რეგისტრატორებთან დაკავშირებული კონფლიქტი.იგივე პრობლემა იყო 19-ე უბანზე.40-ე უბანზე ამომრჩეველმა მოახდინა ფოტოგადაღება კამერაში,რითაც დაირღვა ხმის მიცემის ფარულობა,,-ხატია დეკანოიძე  

ცენტრალური საარჩევნო კომისიის ინფორმაციით, 12:00 საათის მონაცემებით, საარჩევნო უბნებზე 776 726 ამომრჩეველი მივიდა, რაც 22.22%-ს შეადგენს.

რეგიონების მიხედვით აქტივობა ასე გადანაწილდა:

სამეგრელო-ზემო სვანეთი - 72 443; თბილისი 238 992; კახეთი 70 441; მცხეთა-მთიანეთი - 20 903; ქვემო ქართლი - 83 448; შიდა ქართლი - 51 522; სამცხე-ჯავახეთი - 31 651; რაჭა ლეჩხუმი - 9 096; იმერეთი - 113 536; გურია - 21 748; აჭარა - 62 876.

არჩევანი გავაკეთე ომს და მშვიდობას შორის,ხმა მივეცი ჩვენი ქვეყნის ხვალინდელ მომავალს- ამის შესახებ ქუთაისის მერის მოვალეობის შემსრულებელმა განაცხადა.

დავით ერემეიშვილი საარჩევნო უბანზე ოჯახთან ერთად მივიდა.მან ხმა 64-ე უბანზე მისცა.

მისი თქმით,ყველა მოქალაქის ვალია,დააფიქსიროს საკუთარი არჩევანი.

ხმა მივეცი ჩვენი შვილების ევროპულ მომავალს- ამის შესახებ ქუთაისში ,,ქართული ოცნების,, დელეგატმა,ზაზა ლომინაძემ ხმის მიცემის შემდეგ განაცხადა. ლომინაძემ საკუთარი არჩევანი მეცხრე უბანზე დააფიქსირა.

,,ჩემს ოჯახთან ერთად ხმა მივეცი ჩვენი ქვეყნის ,ჩვენი ქალაქის,ჩვენი შვილების ევროპულ მომავალს,მშვიდობას ,განვითარებას,ეკონომიკურ ზრდას,კეთილდღეობას და ჩვენი ქვეყნის მშვიდობიან განვითარებას.პროცესი წრაფად მიდის,დარღვევების გარეშე და ვთხოვ ჩვენს მოქალაქეებს , ყველა მივიდეს და დააფიქსიროს თავისი სამოქალაქო ვალი.,,-ზაზა ლომინაძე.

ქუთაისში ,,ძლიერი საქართველოს,, შტაბის ხელმღვანელის ინფორმაციით, არჩევნებზე რამდენიმე პრობლემა გამოიკვეთა.

,,ერთ-ერთ უბანზე ჩვენი წარმომადგენელი,რომელსაც ქონდა შესაბამისი აკრედიტაცია, არ შეუშვეს, დიდი ძალისხმევა დაგვჭირდა ,რომ შესულიყო უბანზე. ჩვენი წარმომადგენლების მიერ რამდენიმე უბანზე დაფიქსირდა ორ-ორი ბიულეტენის გადაცემა,უკიდურესი სივიწროვეა რამდენიმე უბანზე,სადაც არ ეძლევათ დამკვირვებლებს მუშაობის საშუალება.უბნის თავმჯდომარეები არ აძლევენ წარმომადგენლებს,დამკვირვებლებს პროცესზე დაკვირვების შესაძლებლობას.ასევე დაფიქსირდა ფოტო გადაღება, 64-ე უბანზე მაგალითად ,,ქართული ოცნების,, წარმომადგენელი უბნის სიახლოვეს ცდილობდა ჩამორთმეული პირადობებით საკუთარი მომხრეები შეეშვა უბანზე. ეს ადამიანი გამოვლენის შემდეგ გამოძევებული იქნა უბნიდან,,-განაცხადა ალექსანდრე მიქაუტაძემ.