ჭიათურელი მაღაროელები საქართველოს პროფკავშირების გაერთიანების მიერ საკვები ვაუჩერის დარიგების ფაქტს ეხმაურებიან.

მათი თქმით,პროფკავშირებმა მაღაროელებისთვის 50 ლარიანი ვაუჩერი გამოყო,თუმცა დარიგებული პროდუქტის ღირებულება ბევრად ნაკლებია.

ვაუჩერის მიხედვით,ჭიათურელებს 6 დასახელების პროდუქტი გადაეცათ.-ზეთი,მაკარონი,ვერმიშელი,ბრინჯი,წიწიბურა და შაქარი.

,15-20 ლარი არ არის ღირებულება და ასე გვიტეხავენ თანხებს.,,

,,რეალურად ეს არის 16 ლარიანი ვაუჩერი.ამხელა პროფკავშირები არის,ამხელა ძალაუფლება აქვთ და მინიმალური არ გააკეთა ,რაც უნდა გაეკეთებინა. ,,-ამბობენ მაღაროელები. 

ჭიათურაში გაფიცვა 40 დღეა გრძელდება.  ,,ჯორჯიან მანგანეზში,, დასაქმებულები კომპანიის ქალაქიდან გასვლას, ხელფასების დარიცხვას და პრობლემის მოგვარებაში სახელმწიფოს ჩართულობას ითხოვენ.

საქართველოს პროფკავშირების გაერთიანების განცხადებით,დღეს მათ ჭიათურელი მაღაროელებისათვის საკვები პროდუქტების ვაუჩერის დარიგება დაიწყეს. ინფორმაცია პროფკავშირებმა გაავრცელა.

,,დღეიდან დავიწყეთ პირველადი მოხმარების საკვები პროდუქტებისთვის განკუთვნილი ვაუჩერების დარიგება. ეს მნიშვნელოვანი პროცესია, რადგან მოგეხსნებათ წარმოება გაჩერებულია და ამ პირობებში მაღაროელებისა და მათი ოჯახების გვერდით დგომა მიგვაჩნია, რომ სასიცოცხლოდ აუცილებელია.  

ვაუჩერების დარიგების პარალელურად კონკრეტული ადამიანებისგან და ჯგუფებისგან ვრცელდება არაერთი დეზინფორმაცია, რომლის მიზანია ჭიათურელების შეცდომაში შეყვანა . გვსურს განვმარტოთ, რომ ვაუჩერებს ვარიგებთ პროფკავშირების გაერთიანება და ეს ჩვენი კეთილი ნებაა, რომელიც არ უკავშირდება კოლექტიურ ხელშეკრულებას, იმ ხელშეკრულებას , რომლის დარღვევასაც სამწუხაროდ უხეშად ცდილობდა კომპანია და სწორედ ჩვენი აქტიური სამართლებრივი ქმედებების შედეგად არ მიეცათ მათ ამის შესაძლებლობა . 

ჩვენ ბოლომდე გავყვებით ამ საქმეს და ვაიძულებთ კომპანიას შეასრულოს კოლექტიური ხელშეკრულებით ნაკისრი ვალდებულებები. ჭიათურელი მაღაროელები მიიღებენ ხელშეკრულებით გათვალისწინებულ ყველა სოციალურ ბენეფიტს.,,-წერია საქართველოს პროფკავშირების გაერთიანების მიერ გავრცელებულ ინფორმაციაში. 

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა 2025 წლის 1 მარტიდან 31 მარტის ჩათვლით, ავტოსატრანსპორტო საშუალებების გამონაბოლქვის დადგენილ ნორმასთან შეუსაბამობის 462 ფაქტი გამოავლინეს. 

ყველაზე მეტი, 217 სამართალდარღვევა გამოვლინდა თბილისში, 95 - ქუთაისში, 85 - ბათუმში, 65 კი, ქალაქ რუსთავში.  

462 სამართალდარღვევიდან 398 ფიზიკური პირის მიერაა ჩადენილი, 64 შემთხვევაში კი, გარემოსდაცვითი ზედამხედველობის დეპარტამენტის თანამშრომლებმა იურიდიული პირები დააჯარიმეს.

267 სამართალდარღვევა მსუბუქი ავტომობილების, 171 - მიკროავტობუსის, 24 კი, სატვირთო ავტომობილის მძღოლების/მფლობელების მიერააა ჩადენილი.  

აღსანიშნავია, რომ გარემოსდაცვითი ზედამხედველობის დეპარტამენტის თანამშრომლებმა, 2025 წლის პირველ სამ თვეში, გამონაბოლქვის დადგენილ ნორმებთან შეუსაბამობის 1147 სამართალდარღვევა გამოავლინეს. 

ქუთაისში ავტომანქანა ტროტუარზე ავარდა და  პსპ-ს აფთიაქში შევარდა.

შემთხვევა დღეს დილით მოხდა.

საბედნიეროდ,არავინ დაშავებულა.

ჩამსხვრეულია აფთიაქის ვიტრინა.ტერიტორია ყვითელი ლენტით არის შემოსაზღვრული. 

ფოტო-,,ინფო-იმერეთის,, ვიდეოსქრინი.

8 აპრილს,19 საათზე,ტელეკომპანია ,,რიონის,, ეთერში, საზოგადოებრივ პოლიტიკურ ტოკ-შოუში"თემა"-განათლების დაუსრულებელი რეფორმისა და არსებული გამოწვევების შესახებ ისაუბრებენ:აკაკი წერეთლის სახელმწიფო უნივერსიტეტის ასოცირებული პროფესორები -თამარ ღვინიანიძე,მალვინა შანიძე.ფილოლოგიის დოქტორები-როზა დევდარიანი,ლია კუხიანიძე.მეორე საჯარო სკოლის დირექტორი-მურად ჯიშკარიანი.

ყოველ სამშაბათს, ტელერადიოკომპანია"რიონის"ეთერში,პროფესიონალები აქტუალური თემების ირგვლივ ,ნანა რობაქიძესთან ერთად.

გადაცემის ანონსის ლინკი :https://www.youtube.com/watch?v=KV2jBPsxPrQ

სურსათის ეროვნული სააგენტო, საზოგადოების მაღალი ინტერესებიდან გამომდინარე განმარტავს, რომ  სარეალიზაციო ქსელიდან სრულად არის ამოღებული რძის (“სოფლის ნობათი”) ის კონკრეტული პარტია, სადაც  აფლატოქსინ M1 დაფიქსირდა. პროდუქციის ამოღების პროცესს სააგენტოს ინსპექტირების ჯგუფები მთელი ქვეყნის  მასშტაბით უწევენ ზედამხედველობას. კომპანია “ვიმ- ბილ-დან საქართველო” აქტიურად თანამშრომლობს სააგენტოსთან და დარღვევის გამოვლენისთანავე,  მყისიერად დაიწყო პროდუქციის ბაზრიდან გამოთხოვა. ამჟამად სარეალიზაციო ქსელში არსებული  “სოფლის ნობათის”  პროდუქცია (რძე, მაწონი, არაჟანი,ხაჭო და სხვ.) სრულად შეესაბამება უვნებლობის სტანდარტებს.