კომპანია „ჯორჯიან მანგანეზმა“ და მისმა პარტნიორმა — „ჭიათურა მენეჯმენტმა“ — 2,000 ადამიანი სამსახურიდან დაითხოვა.

აღნიშნულს ის მაღაროელები ეხმაურებიან,რომლებიც ჭიათურაში უწყვეტი პროტესტის მონაწილეები არიან.მათი ნაწილი შიმშილობს,ხო პროტესტის მონაწილე 4 ადამიანი დაკავებულია.მათი პროცეს 1 აგვისტოს გაიმართება. 

,,149 დღეა, საპროტესტო კარავი დგას ჭიათურის ცენტრში. ამ კარავში ვართ ხალხი, რომელიც წინასწარმეტყველებასავით ჯერ კიდევ 1 ნოემბრიდან ვსაუბრობდით იმ სცენარზე, რაც ზედმიწევნით ახდა. მოსმენას და მხარდაჭერას ვითხოვდით, მაგრამ სანამ ხელფასის დანაკლისი არ იგრძენით, თავი არ შეიწუხეთ პროტესტის გამოსახატად. ახლა რას შვებით?

რომ ვიძახდით: „არ მოაწეროთ ხელი უკანონო რეორგანიზაციას, ეს რეორგანიზაცია არ ემსახურება მშრომელების დასაქმებას“ — ხომ მიხვდით ახლა? ხელი მოაწერეთ და დასაქმების მაგივრად კომპანია საბოლოოდ რომ გემშვიდობებათ, რას აპირებთ? თქვენს ქალაქში თქვენი ადგილი რომ აღარ რჩება?

და მიზერული კომპენსაციის საფუძველზე რომ ასრულებთ 10-ობით წლიან სტაჟს, ყოველგვარი დაფასების გარეშე — ან ის ხალხი, როგორ გრძნობთ თავს გვერდში, ის ხალხი რომ აღარ არიან, ვის გვერდითაც წლები გიმუშავიათ? ჭირი თუ ლხინი რომ გაგიზიარებიათ? ვის გვერდითაც ერთხელ მაინც სიკვდილისთვის თვალებში ჩაგიხედავთ?

ნუთუ სინდისი არ გაწუხებთ?

ისინი სახლში რომ სხედან, ან ქალაქის და ქვეყნის დატოვება რომ უწევთ? 

ასე გვასწავლეს წინაპრებმა? მეგობრები გაჭირვებაში მიატოვეთო? ამას გვასწავლის ქრისტიანობა?

ამ მაგალითით გინდათ აღზარდოთ თქვენი შვილები?

მერე სუფრასთან ძმობისა და მეგობრობის, სამშობლოს სიყვარულისა და ერთობის სადღეგრძელო ყანწებით უნდა შესვათ?

სხვას რომ გაუჭირდა, ის რომ დაივიწყე, გგონიათ პირად კეთილდღეობას მპიჭობთ? სხვის ხარჯზე დაფუძნებული პირადი კეთილდღეობა ეშმაკისეულია და ვერ იძლევა ტკბილ ნაყოფს.

4 ადამიანი — ზუსტად იმ კომპანიის სცენარის მიხედვით — სრულიად უსამართლოდ ციხეში რომ ზიან, ნუთუ სინდისი არავის გაწუხებთ?

ის დაგავიწყდათ, ვისის დამსახურებით დაიწყეთ მუშაობა?

„მეგობარი გაჭირვებაში მიატოვეო“ — ეგ ვინ გასწავლათ?,,-წერს ,,მაღაროელი,,.

ხარაგაულის მუნიციპალიტეტის მერიამ, სოფელ ღვერკსა და ხემაღალში განვითარებული სტიქიური მოვლენების შედეგად გამოწვეული მეწყერული პროცესების საფუძვლიანი შესწავლის მიზნით, კომპლექსური საინჟინრო-გეოლოგიური კვლევა შეისყიდა.

კვლევების შესყიდვა, გადაუდებელი აუცილებლობის გათვალისწინებით, გამარტივებული შესყიდვის პროცედურით განხორციელდა და მისი ღირებულება 148 857 ლარს შეადგენს. 

კომპლექსური კვლევების საინჟინრო-გეოლოგიური კვლევა, ხელშეკრულების პირობების თანახმად, 2025 წლის 7 სექტემბრამდე დასრულდება.

კვლევის შედეგებზე დაყრდნობით შესაბამისი ღონისძიებები განხორციელდება.

26-27 ივლისს საქართველოში მაღალი ტემპერატურის ფონზე ზოგან გაწვიმდება, შესაძლებელია ელჭექი და სეტყვა. 28 ივლისს კი ცხელი და უნალექო ამინდია მოსალოდნელი.

ქ. თბილისში 26 ივლისს მოსალოდნელია ხანმოკლე წვიმა ელჭექით, ხოლო 27-28 ივლისს ცხელი და უნალექო ამინდი იქნება. ჰაერის ტემპერატურა დღისით +35, +37 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): 26 ივლისს ზოგან გაწვიმდება, 27-28 ივლისს კი უნალექო ამინდია მოსალოდნელი. ჰაერის ტემპერატურა დღისით +31, +33 გრადუსი დაფიქსირდება.  

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 26 ივლისს ზოგან გაწვიმდება, 27-28 ივლისს კი ცხელი და უნალექო ამინდია მოსალოდნელი. ჰაერის ტემპერატურა დღისით +35, +38 გრადუსი დაფიქსირდება.  

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 26 ივლისს ზოგან გაწვიმდება, 27-28 ივლისს კი ცხელი და უნალექო ამინდია მოსალოდნელი. ჰაერის ტემპერატურა დღისით +33, +38 გრადუსი დაფიქსირდება.  

დასავლეთ საქართველოს მაღალმთიან რაიონებში (მესტია, ბახმარო): 26 ივლისს ზოგან გაწვიმდება, 27-28 ივლისს კი ცხელი და უნალექო ამინდია მოსალოდნელი. ჰაერის ტემპერატურა დღისით +30, +35 გრადუსი დაფიქსირდება.  

ქართლში (რუსთავი, ბოლნისი, მარნეული, გარდაბანი, გორი, ცხინვალი): 26-27 ივლისს ზოგან მოსალოდნელია ხანმოკლე წვიმა ელჭექით, შესაძლებელია სეტყვა. 28 ივლისს კი ცხელი და უნალექო ამინდი იქნება. ჰაერის ტემპერატურა დღისით +34, +38 გრადუსი დაფიქსირდება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 26-27 ივლისს ზოგან მოსალოდნელია ხანმოკლე წვიმა ელჭექით, შესაძლებელია სეტყვა. 28 ივლისს კი ცხელი და უნალექო ამინდი იქნება. ჰაერის ტემპერატურა დღისით +34, +38 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): 26-27 ივლისს ზოგან მოსალოდნელია ხანმოკლე წვიმა ელჭექით, შესაძლებელია სეტყვა. 28 ივლისს კი ცხელი და უნალექო ამინდი იქნება. ჰაერის ტემპერატურა დღისით +32, +36 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): 26-27 ივლისს ზოგან მოსალოდნელია ხანმოკლე წვიმა ელჭექით, შესაძლებელია სეტყვა. 28 ივლისს კი უნალექო ამინდი იქნება. ჰაერის ტემპერატურა დღისით +24, +29 გრადუსი დაფიქსირდება.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, ხე-ტყის უკანონო მოპოვებისა და ტრანსპორტირების 7 ფაქტი გამოავლინეს.

სამართალდარღვევები გამოვლენილია აჭარაში, იმერეთში, შიდა ქართლსა და ქვემო ქართლში.

მოქალაქეებმა უკანონოდ მოიპოვეს 12 ძირი სხვადასხვა სახეობის ხე-მცენარე.

ორ შემთხვევაში კი, მოქალაქეები, ჯამში, 5,7 კუბური მეტრი მოცულობის საშეშე მასალის უკანონო ტრანსპორტირებას ახდენდნენ.

იცნობდეთ და იცოდეთ — „ჯორჯიან მანგანეზის“ პირადი პატიმრები-ამ შინაარსით  მაღაროელთა ფეისბუქ გვერდზე მორიგი ინფორმაცია ქვეყნდება.

ჭიათურაში მაღაროელთა პროტესტი და შიმშილობა გრძელდება.ერთ-ერთი მთავარი მოთხოვნა 4 დაკავებულის გათავისუფლებაა.მათი მორიგი სასამართლო პროცესი 1 აგვისტოსაა ჩანიშნული .

,მერაბ სარალიძე — 2023 წელს შიმშილობდა პროტესტის ნიშნად. აქტიურად მონაწილეობდა წინააღმდეგობაში და პროტესტში 2023 დან 2025 ებრძოდა კომპანია „ჯორჯიან მანგანეზის“ უკანონო ქმედებებს. ის არის სამხრივი კომისიის წევრი, რომელიც ყველა დონეზე, მშვიდობიანად და სამართლიანად ეწინააღმდეგებოდა კომპანიის უპასუხისმგებლო პოლიტიკას.

მერაბი დღეს „ჯორჯიან მანგანეზის“ პირადი პატიმარია.

თენგიზ გველესიანი — რიგითი ჭიათურელი. თავად არ ყოფილა დასაქმებული „ჯორჯიან მანგანეზში“, თუმცა 2023 წელს მეგობრებთან და თანამოქალაქეებთან ერთად იცავდა ქალაქის ინტერესებს და აპროტესტებდა სიღრმისეულ უსამართლობას. 2025 წელს ის უსამართლოდ დააკავეს.

თენგო დღეს „ჯორჯიან მანგანეზის“ პირადი პატიმარია.

არჩილ ჭუმბურიძე — ერთ-ერთი გამორჩეული მონაწილე 2019 წლიდან მოყოლებული პროტესტისა, რომელიც „ჯორჯიან მანგანეზის“ უკანონო პრაქტიკას უპირისპირდებოდა.

დღეს ის „ჯორჯიან მანგანეზის“ პირადი პატიმარია.

გიორგი ნეფარიძე — შუქრუთის პროტესტის ერთ-ერთი მნიშვნელოვანი ფიგურა. კომპანია მუდმივად დევნიდა მას ის პროტეატის ნიშნად შიმშილობდა პირი ქონდა ამოკერილი და საკუთარი მამაპაპისეულს იცავდა , რომელსაც ჯორჯიან მანგანეზი უნგრევდა. მის წინააღმდეგ „ჯორჯიან მანგანეზის“ ბრალდებით არაერთი (ათეულობით) სასამართლო პროცესი გაიმართა, მაგრამ გიორგი ყველა შემთხვევაში გამართლდა.

მას არაერთხელ აფრთხილებდნენ: „დაგიჭერთო“ — და 2025 წლის აპრილში ეს მუქარა შეასრულეს.

გიორგი დღეს „ჯორჯიან მანგანეზის“ პირადი პატიმარია.

სოლიდარობა და თავისუფლება „ჯორჯიან მანგანეზის“ პირად პატიმრებს!,,-წერს მაღაროელთა საინიციატივო ჯგუფი სოციალურ ქსელში. 

შინაგან საქმეთა სამინისტროს თბილისის, ცენტრალური კრიმინალური პოლიციის, შიდა ქართლის, სამეგრელო-ზემო სვანეთისა და იმერეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად უკანონო ცეცხლსასროლი იარაღები და საბრძოლო მასალა ამოიღეს - დაკავებულია 6 პირი.

დანაშაულები 11 წლამდე ვადით თავისუფლების აღკვეთას ითვალისწინებს.

ცეცხლსასროლი იარაღისა და საბრძოლო მასალის უკანონო შეძენა-შენახვა-ტარების ფაქტებზე დაკავებული არიან: 1960 წელს დაბადებული ა.გ., 1982 წელს დაბადებული გ.გ., 1999 წელს დაბადებული ლ.გ. და წარსულში ნასამართლევი პირები -1987 წელს დაბადებული ზ.ქ., 1978 წელს დაბადებული გ.დ. და 1994 წელს დაბადებული ამჟამად პირობითი მსჯავრის ქვეშ მყოფი ი.ა.

სამართალდამცველებმა დაკავებულების პირადი, საცხოვრებელი სახლების და საკარმიდამო ეზოს ჩხრეკის შედეგად ნივთმტკიცებად სხვადასხვა ტიპის ცეცხლსასროლი იარაღი, საბრძოლო მასალა, პისტოლეტები, რევოლვერები, სანადირო თოფი, მჭიდები, ვაზნები და ასევე, ნარკოტიკული საშუალებები ამოიღეს.

გამოძიება სისხლის სამართლის კოდექსის 236-ე, 260-ე და 265-ე პრიმა მუხლებით მიმდინარეობს.