76 წლის მამაკაცი, რომელიც ქუთაისში კლინიკიდან გაიპარა ტყეში გარდაცვლილი იპოვეს.

საქართველოს პრემიერ-მინისტრმა გიორგი გახარიამ  რეგიონებში სახელმწიფო რწმუნებულებს დაავალა, ეპიდემიოლოგიური მდგომარეობის გამო დაწესებული შეზღუდვების აღსრულება მკაცრად გააკონტროლონ.

რიონის ხეობის მოსახლეობამ,რომლებიც უკვე 35-ე დღეა აქციებს მართავენ და ნამოხვანის კასკადის მშენებლობის აკრძალვას მოითხოვენ , დახმარებისთვის ამერიკის საელჩოს მიმართა.ადგილობრივები ამერიკის ელჩს,კელი დეგნანს  შეხვედრას და მოსმენას თხოვენ.მათი თქმით , საქართველოს ხელისუფლება ყურადღებას არ აქცევთ.აქციის მონაწილეებს საყდრისის გადარჩენის კომიტეტის წევრებიც შეუერთდნენ.

რიონის ხეობის მოსახლეობა ნამოხვანის ჰესების მშენებლობის აკრაძალვას და ტერიტორიიდან კომპანია,,ენკას,, გასვლას ითხოვს.

დღეიდან დიდ ქალაქებში - თბილისში, ბათუმში, ქუთაისში, რუსთავში, გორში, ფოთში, ზუგდიდში, თელავში დამატებითი შეზღუდვები წესდება.

უფრო კონკრეტულად, საკოორდინაციო საბჭოს მიერ მიღებული გადაწყვეტილება ასეთია:

ქ. თბილისის, ქ. თელავის, ქ. ბათუმის, ქ. ქუთაისის, ქ. რუსთავის, ქ. გორის, ქ. ფოთის, ქ. ზუგდიდის საზღვრებში მუნიციპალური ტრანსპორტის მუშაობა იკრძალება.

სავაჭრო ობიექტები (გარდა სურსათის, ცხოველების საკვების, აფთიაქების, ვეტაფთიაქის, საყოფაცხოვრებო ქიმიისა და ჰიგიენის მაღაზიებისა და პრესის ჯიხურებისა) მუშაობენ მხოლოდ დისტანციურ რეჟიმში;

ღია და დახურული ბაზრობები არ მუშაობენ. ფუნქციონირებას აგრძელებენ აგრარული ბაზრები;

სკოლები, პროფსასწავლებლები და უმაღლესი საგანმანათლებლო დაწესებულებები (გარდა სამედიცინო საგანმანათლებლო პროგრამებისა) სრულად გადადიან დისტანციურ რეჟიმზე;

კერძო და საჯარო საბავშვო ბაღები აჩერებენ მუშაობას.

რაც შეეხება გადაადგილებას, ქუთაისსა და კიდევ 7 ქალაქში იკრძალება ტრანსპორტის მოძრაობა.

24 დეკემბერი - 2 იანვრის პერიოდში ხდება შეზღუდვების შემსუბუქება ქვეყნის მასშტაბით, ასევე ქუთაისშიც.აღდგება როგორც მუნიციპალური, ისე - საქალაქთაშორისო ტრანსპორტის მუშაობა.

2 იანვრიდან 16 იანვრის ჩათვლით შეზღუდვები ისევ გამკაცრდება.

16 იანვარი - 31 იანვარი ქვეყნის მასშტაბით აღდგება მუნიციპალური და საქალაქთაშორისო ტრანსპორტის მუშაობა,(გარდა შაბათ-კვირისა).შაბათ-კვირას ტრანსპორტი აჩერებს მუშაობას

დღეიდან  21:00 სააათიდან გადაადგილება იკრძალება.

რეგულაცია მობილობის შემცირების მიზნით მთავრობის მიერ შემუშავებული გეგმით წესდება.

21:00 საათის შემდეგ გადაადგილება პირველ ეტაპზე, 28 ნოემბრიდან 23 დეკემბრის ჩათვლით იქნება აკრძალული. 24 დეკემბრიდან 15 იანვრამდე პერიოდში, 21:00 საათიდან გადაადგილების შეზღუდვა მხოლოდ უქმე დღეებში იმოქმედებს, 31 დეკემბერის 21:00 საათიდან 1-ელი იანვრის 05:00 საათამდე კი აღნიშნული შეზღუდვა იხსნება.

16 იანვრიდან 31 იანვრის ჩათვლით 21:00 საათიდან გადაადგილება ყველა დღეს იკრძალება.

ქუთაისის ახლადარჩეულ მერს კორონავირუსი დაუდასტურდა.ინფორმაცია თავად იოსებ ხახალეიშვილმა სოციალურ ქსელში გაავრცელა.