საზოგადოება

: საზოგადოება; 08 თებერვალი 2021; გადასვლები: 1094

დავით აღმაშენებლის ძეგლი გვირგვინით შეამკეს

მხარისა და ქალაქის პირველმა პირებმა დავით აღმაშენებლის ძეგლი გვირგვინით შეამკეს.

,, 8 თებერვალი დავით აღმაშენებლის ხსენების დღეა, დღე რომელიც განსაკუთრებით უნდა გვახსენებდეს თუ რა იყო საქართველო და როგორი უნდა იყოს ის. როგორი უნდა იყოს ის სულისკვეთება, რომელიც ქართველს აძლევს ბოლომდე ბრძოლის ძალას საქართველოსთვის. ამ პათოსით იზრდებოდნენ თაობები და კიდევ ბევრი გაიზრდება. ვულოცავ დავითობას სრულიად საქართველოს“ - ზვიად შალამბერიძე.

საქართველოს მართლმადიდებელი ეკლესია დღეს წმინდანად შერაცხული მეფის, დავით აღმაშენებლის ხსენების დღეს აღნიშნავს. დავით აღმაშენებლის სახელს საქართველოს აღმავლობის ეპოქა - ქვეყნის გაერთიანება, აღმშენებლობა, დიდი საბრძოლო გამარჯვებები, მათ შორის - დიდგორი უკავშირდება.

მისი მეფობის დროს აშენდა გელათის მონასტერი და დაარსდა გელათის აკადემია, სადაც იოანე პეტრიწი, არსენ იყალთოელი და სხვები მოღვაწეობდნენ.

ანდერძის თანახმად, დავით აღმაშენებელი გელათის მონასტრის შესასვლელშია დაკრძალული.

: საზოგადოება; 08 თებერვალი 2021; გადასვლები: 1448

წყალტუბო-ცაგერი-ლენტეხი-ლასდილის (მელე-ლასდილი) მონაკვეთზე, აკრძალულია ყველა სახის ავტოტრანსპორტის მოძრაობა

რთული მეტეოროლოგიური პირობების გამო, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ125-კმ157 (მელე-ლასდილი) მონაკვეთზე, აკრძალულია ყველა სახის ავტოტრანსპორტის მოძრაობა. ამავე გზის კმ89-კმ125 (ლენტეხი-მელე) მონაკვეთზე, აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ხოლო დანარჩენი სახის ავტოტრანსპორტის მოძრაობა თავისუფალია.

საავტომობილო გზის კმ1-კმ89 (წყალტუბოს გადასახვევი-ლენტეხი) მონაკვეთზე ავტოტრანსპორტის მოძრაობა თავისუფალია.

: საზოგადოება; 08 თებერვალი 2021; გადასვლები: 1062

დღეიდან მუშაობა განაახლა ბაზრობებმა

ბაზრობებმა ქვეყნის მასშტაბით მუშაობა განაახლა.

თუმცა კვლავ ძალაში რჩება შეზღუდვა შაბათ-კვირის დღეებზე, რაც იმას ნიშნავს, რომ ბაზრობები არასამუშაო დღეებში კვლავ დაკეტილი იქნება.

დღეიდან აღდგა ტრანსპორტის მუშაობაც, თუმცა უქმე დღეებში ტრანსპორტი არ იმოძრავებს.

: საზოგადოება; 08 თებერვალი 2021; გადასვლები: 1118

დღეიდან ტრანსპორტის მუშაობა აღდგა

დღეიდან საქართველოში მუნიციპალური ტრანსპორტის მოძრაობა სრულად აღდგა. მათ შორის ქუთაისში, თბილისსა და რუსთავში,სადაც ტრანსპორტი ამ დრომდე არ მოძრაობდა. მუშაობა განაახლა როგორც მეტროპოლიტენმა, ისე ავტობუსებმა და მიკროავტობუსებმა.ქუთაისში დღეს ხაზზე 60 ახალი,ლურჯი ავტობუსები გავიდა.პანდემიის გამო არსებული შეზღუდვების თანახმად, ამ ეტაპზე, ტრანსპორტი ქალაქში დილის 8 საათიდან საღამოს 20 საათამდე იმუშავებს.

საზოგადოებრივი ტრანსპორტის მოძრაობა საქართველოს დიდ ქალაქებში, 28 ნოემბრიდან იყო შეწყვეტილი, მისი აღდგენის გადაწყვეტილება კი საკოორდინაციო საბჭომ გასულ კვირას მიიღო.

ამასთან, ტრანსპორტი არ იმუშავებს შაბათ-კვირას.

ტრანსპორტი კორონავირუსის გამო დაწესებული რეგულაციების მიხედვით იმუშავებს, სავალდებულოა პირბადის ტარება.

ამ დრომდე უცნობია,როდის აღდგება საქალაქთშორისო ტრანსპორტის მუშაობა.

: საზოგადოება; 06 თებერვალი 2021; გადასვლები: 1125

ფლანგვის დეტექტორი-ქუთაისის მერიამ წვეულებებში სოლიდური თანხები დახარჯა

2020 წელს წარმომადგენლობითი ხარჯების სახით თბილისის, ქუთაისის, ბათუმისა და ფოთის მერიებმა 245,442 ლარი დახარჯეს.

პანდემიის მიუხედავად წვეულებების გამართვაში სოლიდური თანხები დახარჯა ქუთაისის მერიამ-84,266 ლარი დახარჯა, მათგან 64,651 ლარი მას შემდეგ, რაც ქვეყანაში COVID-19-ის პირველი შემთხვევა დაფიქსირდა. წარმომადგენლობითი ხარჯები ძირითადად მოიცავს საჩუქრებისა და სტუმრების მიღება/გამასპინძლების ხარჯებს. მაგალითად სექტემბრის თვეში ეკონომიკის მინისტრის ნათია თურნავასა და თანმხლები პირების გამასპინძლება მერიას 1279 ლარი დაუჯდა. 424 ლარი დაიხარჯა ქუთაისში საქმიანი ვიზიტით მყოფი ოკუპირებული ტერიტორიებიდან დევნილთა, შრომის, ჯანმრთელობის დაცვისა და სოციალური დაცვის მინისტრის, მინისტრის მოადგილეებისა და თანმხლები პირების გამასპინძლებისთის.

თბილისის მერიის ხარჯები 142,931 ლარს შეადგენს.

განსხვავებით თბილისისა და ქუთაისის მერიისაგან, ფოთისა და ბათუმის მერიებმა გაითვალისწინეს მძიმე ეპიდემიოლოგიური მდგომარეობა და არსებული შეზღუდვების ფონზე წარმომადგენლობითი ხარჯების სახით ნაკლები თანხები დახარჯეს. ფოთის მერიამ 6,254 ლარი, ხოლო ბათუმის მერიამ 10,284 ლარი დახარჯა.

: საზოგადოება; 06 თებერვალი 2021; გადასვლები: 1086

ეკონომიკის მინისტრი ქუთაისის აეროპორტში იმყოფებოდა

ქუთაისის საერთაშორისო აეროპორტი 2021 წლის საზაფხულო სანავიგაციო სეზონის დაწყებას განახლებული სახით შეხვდება. დასასრულს უახლოვდება აეროპორტის ახალი ტერმინალის სარემონტო სამუშოები, სადაც შიდა ინტერიერის მოწყობა მიმდინარეობს. ეკონომიკისა და მდგრადი განვითარების მინისტრი ნათია თურნავა ქუთაისის აეროპორტში სარეკონსტრუქციო სამუშაოებს გაეცნო. მასთან ერთად აეროპორტში არსებული ვითარება დაათვალიერეს იმერეთის მხარეში სახელმწიფო რწმუნებულმა ზვიად შალამბერიძემ და „საქართველოს აეროპორტების გაერთიანების“ დირექტორმა თამარ არჩუაძემ.

„2021 წლის აპრილამდე, ანუ საზაფხულო სანავიგაციო სეზონის დაწყებამდე, ასევე ქუთაისიდან ავიაკომპანია „ვიზეარის“ მიერ ფრენების გააქტიურებამდე, ქუთაისის აეროპორტში ორივე ტერმინალის გაერთიანება დასრულდება. პრაქტიკულად, 2 თვეში ჩაგვბარდება გაფართოებული საერთაშორისო აეროპორტი, სადაც გაზრდილია როგორც სარეგისტრაციო დახლების რაოდენობა - გვექნება 18 დახლი 10-ის ნაცვლად, ასევე თითქმის გაორმაგებულია სასაზღვრო გამშვები პუნქტების რაოდენობა. აეროპორტი 1 სთ-ში შეძლებს მოემსახუროს 1,200 მგზავრს. შედეგად, მისი გამტარუნარიანობა დასრულდება. დარწმუნებული ვართ, რომ ქვეყნის ეკონომიკის ამოქოქვისა და ტურიზმის გაჯანსაღების და ძველ ნიშნულების ფონზე, ქუთაისის საერთაშორისო აეროპორტი შეასრულებს უმნიშვნელოვანეს ფუნქციას ჩვენს ქვეყანაში,“ - განაცხადა ეკონომიკისა და მდგრადი განვითარების მინისტრმა ნათია თურნავამ აეროპორტში მიმდინარე სამუშაოების გაცნობის შემდეგ.

აეროპორტში უკვე დამონტაჟდა ბარგის მართვის სისტემა, რომელიც სატესტო რეჟიმში უკვე ამუშავდა. ასევე დამონტაჟებულია და გამართულია სახანძრო და წყალმომარაგების სისტემები. მოეწყო 18 სარეგისტრაციო დახლი, საიდანაც ორი ე.წ. baggage drop იქნება და მგზავრები რეგისტრაციის ონლაინ რეჟიმში გავლის შემთხვევაში, ბარგის ჩაბარებას თავისით შეძლებენ. მოეწყო ე.წ. მწვანე გადახურვა, ტერასა გამწვანებით. ახალი ტერმინალის სარემონტო სამუშაოების დასრულების შემდეგ, ორივე ტერმინალი გაერთიანდება.

დღის სიახლეები

საზოგადოება

Search