საზოგადოება

: საზოგადოება; 18 მარტი 2022; გადასვლები: 1466

რა ხდება გზებზე?-დიდთოვლობის გამო რამდენიმე მიმართულებით შეზღუდვებია

რთული მეტეოროლოგიური პირობების გამო, საავტომობილო გზებზე გადაადგილების შეფერხებების თავიდან აცილების მიზნით, ქვეყნის მასშტაბით გაწმენდითი სამუშაოები და ქვიშა-მარილის ნარევის დაყრა უწყვეტ რეჟიმში ხორციელდება.

საავტომობილო გზების დეპარტამენტი მოუწოდებს მოსახლეობას, იმოძრაონ ზამთრის პერიოდისათვის შესაბამისი საბურავებით, გამართული ავტოტრანსპორტით და დაემორჩილონ საავტომობილო გზებზე დაწესებულ რეჟიმებს.

ამ დროისთვის გადაადგილების სპეციალური რეჟიმები მოქმედებს შემდეგ საავტომობილო გზებზე:

თოვისა და ლიპყინულის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია. გარემოს ეროვნული სააგენტოს ცნობით, მლეთა-გუდაურის და გუდაური–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, მხოლოდ ზვავდამცავი გვირაბების გავლით

🔴ინტენსიური თოვის და ქარბუქის გამო, კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ110 (ფარავანის უღელტეხილი) მონაკვეთზე აკრძალულია ყველა სახის ავტოტრანსპორტის მოძრაობა

თოვის და ლიპყინულის გამო, შიდასახელმწიფოებრივი მნიშვნელობის ვაზიანი-გომბორი-თელავის საავტომობილო გზაზე დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება აკრძალულია

ლიპყინულის გამო, საჩხერე-ონის საავტომობილო გზაზე აკრძალულია მისაბმელიანი და ნახევრადმისაბმელიანი ავტოტრანსპორტის გადაადგილება, ხოლო დანარჩენი სახის ავტოტრანსპორტის მოძრაობა თავისუფალია

ინტენსიური თოვის და დაბალი ტემპერატურის გამო, ქუთაისი-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია. გზის დანარჩენ მონაკვეთებზე ავტოტრანსპორტის მოძრაობა თავისუფალია

ლიპყინულის გამო, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ70-კმ186 (ხაიში-უშგული) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. ხოლო, კმ138-კმ186 (მესტია-უშგული) მონაკვეთზე მსუბუქი ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. მაღალი გამავლობის ავტოტრანსპორტის (ორი და მეტი წამყვანი ხიდის მქონე) მოძრაობა თავისუფალია. საავტომობილო გზის კმ1-კმ70 (ზუგდიდი-ხაიში) მონაკვეთზე ავტოტრანსპორტის მოძრაობა თავისუფალია.

: საზოგადოება; 17 მარტი 2022; გადასვლები: 1376

ქუთაისი ევროკავშირის მიზნობრივ დახმარებას მიიღებს

ქუთაისის მუნიციპალიტეტი, ევროკავშირის მიერ დაფინანსებული რეგიონული ინიციატივის „მერები ეკონომიკური ზრდისთვის“ ( M4EG ) ფარგლებში, 225 000 ევროს მიზნობრივ დახმარებას მიიღებს.

ამის შესახებ ევროკავშირმა (EU) და გაეროს განვითარების პროგრამამ (UNDP) გაავრცელა ინფორმაცია.

ქუთაისის მუნიციპალიტეტი მიზნობრივი დახმარების ფარგლებში მუნიციპალური გარდაქმნის პორტფელებს შექმნის და მათ დანერგვას დაიწყებს.

აღნიშნულ დახმარებას მიიღებს საქართველოს რვა მუნიციპალიტეტი.

ევროკავშირისა და UNDP-ის ხელშეწყობა მუნიციპალურ განვითარებაში სისტემური მიდგომების დანერგვასა და მდგრადი და ინკლუზიური მოდელების შექმნას მოხმარდება.

ბათუმი და ქუთაისი მუნიციპალური გარდაქმნის პორტფელებს შექმნიან და მათ დანერგვას დაიწყებენ, რისთვისაც თითოეული მათგანი 225,000 ევროს მიიღებს.

რუსთავი, სამტრედია, ფოთი და წყალტუბო ჩაერთვებიან მენტორინგისა და სწავლების ინიციატივაში „ურბანული ხედვა“ (Urban Imaginaries). ამის შედეგად, თითოეული მუნიციპალიტეტი შეძლებს 60,000 ევროს ოდენობის სასტარტო დაფინანსების მიღებას ინოვაციური პროექტების განხორციელებისთვის.

კიდევ ორი მუნიციპალიტეტი - ბოლნისი და ონი, დაფინანსებას უშუალოდ საქართველოში ევროკავშირის წარმომადგენლობისგან მიიღებს. ბოლნისი მუნიციპალური ბიზნეს-მოდელის გაფართოებაზე იმუშავებს, ხოლო ონი - ადგილობრივი ბიზნეს-კლასტერების განვითარებაზე და ინვესტორთა მოზიდვაზე.

: საზოგადოება; 17 მარტი 2022; გადასვლები: 1547

ადრეულ ეტაპზე მოძალადის ძალადობრივი ქცევის კორექციის მნოშვნელობა

ძალადობის დროს ორი მხარეა: მოძალადე და მსხვერპლი.

ქალთა ფონდი „სოხუმი“ წარმოგიდგენთ მონიტორინგის ახალ ანგარიშს: „ადრეულ ეტაპზე მოძალადის ძალადობრივი ქცევის კორექციის მნიშვნელობა და არსებული საუკეთესო გამოცდილება“. დოკუმენტის მიზანია, ადრეულ ეტაპზე მოძალადის ქცევის კორექციის პროგრამის დანერგვის საკითხზე დაინტერესებულ პირთა დამოკიდებულებების შესწავლა და აღნიშნული თემის ირგვლივ აქტიური დისკუსიების წამოწყება, რომელიც ხელს შეუწყობს შესაბამისი პროგრამის საკანონმდებლო დარეგულირებას და მის პრაქტიკაში ამოქმედებას.

კვლევის შედეგად გამოიკვეთა, რომ ოჯახში ძალადობრივი გარემოს აღმოსაფხვრელად და ეფექტიანი პრევენციისთვის არასაკმარისია, მხოლოდ ძალადობის მსხვერპლის მიმართ გატარებული ღონისძიებები. აუცილებელია, დაინერგოს მოძალადესთან ადრეულ ეტაპზე მუშაობის პრაქტიკა, გაძლიერდეს მოძალადეების გამოვლენის ხარისხი, შემუშავდეს და უზრუნველყოფილ იქნას მოძალადეთა ქცევის კორექციის პროგრამაში ჩართვა. ასევე, მნიშვნელოვანია გაიზარდოს საზოგადოების მიმღებლობა ქცევის კორექციის პროგრამების მიმართ, საინფორმაციო კამპანიის წარმოების გზით.

მონიტორინგის შედეგად გამოვლენილ ყველა მიგნებას და რეკომენდაციას შეგიძლიათ დეტალურად გაეცნოთ ჩვენს პუბლიკაციაში, რომელიც ხელმისაწვდომია ფონდი „სოხუმის“ ვებ-გვერდის შემდეგ ბმულზე: http://www.fsokhumi.ge/index.php/ka/publikacia/informatia-zaladobis-tsinaagmdeg/item/12137-2022-03-14-15-32-16

: საზოგადოება; 16 მარტი 2022; გადასვლები: 1851

ნუ დაიკავებთ ლურჯი ავტობუსებისთვის განკუთვნილ ყვითელ მართკუთხედებს-ქუთაისის სატრანსპორტო კომპანია განცხადებას ავრცელებს

ქუთაისის სატრანსპორტო კომპანია განცხადებას ავრცელებს.

" ძვირფასო თანაქალაქელებო, დღევანდელი მეტეოროლოგიური პირობების მიუხედავად, ქუთაისის ავტოსატრანსპორტო კომპანიის კუთვნილი ავტობუსები ჩვეულ რეჟიმში აგრძელებენ მუშაობას, დადგენილ სვლაგეზებზე.

კერძო ტაქსებისა და მსუბუქი ავტომობილების, ასევე, სადისტრიბუციო ტრანსპორტის მძღოლებს უმორჩილესად გთხოვთ, ნუ დაიკავებთ ლურჯი ავტობუსებისათვის განკუთვნილ ყვითელ მართკუთხედებს, რათა ჩვენმა სატრანსპორტო საშუალებებმა შეუფერხებლად შეძლონ გაჩერებებზე შესვლა და თქვენი დროულად და ხარისხიანად მომსახურება.

გაითვალისწინეთ,

რომ, უხვი ნალექის გამო, მიუხედავად იმისა, რომ წარმოებს გზების

გაწმენდითი სამუშაოები, გაზრდილია მოცურების საფრთხე."-წერია განცხადებაში

: საზოგადოება; 15 მარტი 2022; გადასვლები: 1305

სოფელ სულორთან მიწისძვრა მოხდა

თბილისის დროით 16:25 წუთზე, ვანის სამხრეთ - აღმოსავლეთით, 12 კმ. მიწისძვრა მოხდა . წინასწარი მონაცემებით,სიმძლავე 4.7 მაგნიტუდა იყო. ეპიცენტრი იყო სოფელ სულორთან.

ინფორმაციას დედამიწის შემსწავლელ მეცნიერებათა ინსტიტუტი და სეისმური მოიტორინგი ეროვნული ცენტრი ავრცელებს.

: საზოგადოება; 15 მარტი 2022; გადასვლები: 957

როდემდე შენარჩუნდება ცივი და ნალექიანი ამინდები საქართველოში?

გარემოს ეროვნული სააგენტოს ინფორმაციით,მიმდინარე კვირის ბოლომდე საქართველოში შენარჩუნებული იქნება ცივი და დროგამოშვებით ნალექიანი ამინდი. ნალექი მოსალოდნელია უმეტესად თოვლის სახით. ჰაერის ტემპერატურა დღის საათებში დაბლობსა და ბარში +2, +7 გრადუსის ფარგლებში იქნება.

ქ. თბილისშიც ცივი და თოვლიანი ამინდი შენარჩუნდება, გამოდარებებით. ჰაერის ტემპერატურა დღის საათებში +4, +6 გრადუსი დაფიქსირდება, ხოლო ღამის საათებში უარყოფითი ტემპერატურაა მოსალოდნელი.

დღის სიახლეები

საზოგადოება

Search