საზოგადოება

: საზოგადოება; 23 აპრილი 2022; გადასვლები: 1081

ქალაქ ბაღდათში ჭავჭავაძის ქუჩის რეაბილიტაცია განხორციელდა

აღნიშნულ ქუჩაზე ასფალტის საფარი დაიგო, სამუშაოები ტენდერში გამარჯვებულმა სამშენებლო კომპანია შპს „ბაღდათი ავტოგზა“-მ შეასრულა, რომელიც რეგიონებში განსახორციელებელი პროექტების ფონდიდან დაფინანსდა.

ბაღდათის მუნიციპალიტეტში ინფრასტრუქტურული სამუშაოები აქტიურად მიმდინარეობს, სამუშაოების მონიტორინგს ბაღდათის მუნიციპალიტეტის მერი კახა ენუქიძე, მერიის ინფრასტრუქტურის სამსახურის წარმომადგენლებთან ერთად ახორციელებს.

: საზოგადოება; 23 აპრილი 2022; გადასვლები: 1141

წელს სააღდგომო ნობათს 4000-მდე ბენეფიციარი მიიღებს

ქუთაისის მუნიციპალიტეტში სააღდგომო ნობათები რიგდება. ადგილობრივი თვითმმართველობის ინფორმაციით, ქალაქის მერიის სააღდგომო საჩუქარს წელს 4000- მდე ბენეფიციარი მიიღებს: სოციალურად დაუცველი ოჯახები, მრავალშვილიანი დედები, მარტოხელა დედები,ძალადობის მსხვერპლები, შშმ პირებთან მომუშავე ორგანიზაციები, ომისა და სამხედრო ძალების ვეტერანები, 100 და მეტი წლის მოქალაქეები, ღვაწლმოსილი და საპატიო მოქალაქეები, „მადლიერების სახლის“ და სოციალური საცხოვრისის ბენეფიციარები.

კუთვნილი ნობათის აღებას მოქალაქეები შეძლებენ საცხოვრებელი ადგილის მიხედვით, შესაბამის ადმინისტრაციულ ერთეულებში და

„მადლიერების სახლში“ .

პ.ს. ფოტო არქივიდან

: საზოგადოება; 23 აპრილი 2022; გადასვლები: 1384

დედამიწის დღესთან დაკავშირებით ბაღდათის მუნიციპალიტეტში დასუფთავების აქცია გაიმართა

მერიისა და საკრებულოს წარმომადგენლებმა აჯამეთის ტყის მიმდებარე ტერიტორია დაასუფთავეს.

აქციაში მონაწილეობა ა.(ა).ი.პ ბაღდათის კეთილმოწყობის, დასუფთავებისა და მუნიციპალური სერვისების გაერთიანების თანამშრომლებმა და სოფელ როკითის საჯარო სკოლის მოსწავლეებმაც მიიღეს.

დედამიწის დღესთან დაკავშირებით დასუფთავების აქცია ბაღდათის მუნიციპალიტეტის მერიის სოფლის მეურნეობის განყოფილების ორგანიზებით ყოველ წელს იმართება.

: საზოგადოება; 23 აპრილი 2022; გადასვლები: 1208

კვირას და ორშაბათს ლურჯი ავტობუსებით მგზავრობა უფასო იქნება

აღდგომის ბრწყინვალე დღესასწაულთან დაკავშირებით, ქალაქ ქუთაისის მერიის გადაწყვეტილებით, კვირასა და ორშაბათს, მუნიციპალური ავტობუსები მგზავრებს უფასოდ მოემსახურება.ინფორმაციას ქუთაისის სატრანსპორტო კომპანია ავრცელებს.

საქალაქო ტრანსპორტი

8:00 სათიდან 22:00 საათამდე იმუშავებს, როგორც 24 აპრილს, აღდგომის დღესასწაულზე, ისე

25 აპრილს, მიცვალებულთა მოხსენიების დღეს.

აქვე მოგაწვდით ინფორმაციას, თუ

რომელი სვლაგეზი

რომელი სასაფლაოს მიმდებარე ტერიტორიას გაივლის:

✅ ხაზი N 1, (წრიული) როგორც მარჯვენა, ისე მარცხენა,

გაივლის ძელქვიანის სასაფლაოსთან ("გორგიას" მიმდებარე ტერიტორია);

✅ ხაზი N 4 - ოღასკურისა და ავტოქარხნის სასაფლაოებს;

✅ ხაზი N5 - ჭომის სასაფლაოს;

✅ ხაზი N 10 - ავანგარდის სასაფლაოს;

✅ ხაზი N 19 - საფიჩხიის, ნიკეასა და ძელქვიანის სასაფლაოებს;

✅ ხაზი N 25 - ავტოქარხნის მარჯვენა დასახლების სასაფლაოს;

✅ ხაზი N 31 - ნიკეას, ოღასკურისა და ძელქვიანის სასაფლაოებს.

: საზოგადოება; 22 აპრილი 2022; გადასვლები: 877

30 აპრილიდან ქუთაისის საერთაშორისო აეროპორტამდე მატარებელი მივა

კოპიტნარში, ქუთაისის აეროპორტთან დამაკავშირებელ რკინიგზის სადგურს სრული რეაბილიტაცია ჩაუტარდა და შედეგად, საქართველოს რკინიგზის სამგზავრო მატარებლებს 30 აპრილიდან ახალი გაჩერება დაემატება.

ქუთაისის აეროპორტთან დამაკავშირებელი რკინიგზის განახლებული სადგური მგზავრებს საქართველოს სხვადასხვა ქალაქიდან მიიღებს. ქუთაისის აეროპორტი კი სპეციალურად გამოყოფილი ტრანსპორტით, მათ აეროპორტში გადაყვანას უფასოდ უზრუნველყოფს.

სადგურიდან აეროპორტში მისასვლელად, მგზავრებს დაახლოებით 5 წუთი დასჭირდებათ.