წყალტუბოში დაჭრილი მეთორმეტე კლასელის ჯანმრთელობის მდგომარეობა დამაკმაყოფილებელია და მის სიცოცხლეს საფრთხე არ ემუქრება.როგორც წყალტუბის საგანმანათლებლო რესურსცენტრის ხელმძღვანელმა განაცხადა, მას ქონდა კომუნიკაცია მოსწავლის მშობელთან.

,,ეს ინციდენტი არ მომხდარა სკოლაში, არც სასწავლო პროცესის დროს, სასწავლო პროცესის დასრულების შემდეგ მოხდა, საჯარო სივრცეში. ბავშვი ,ვინც დაიჭრა ,არის 12 კლასელი, სკოლის მოსწავლე, სამწუხაროა, მაგრამ ხდება ესეთი ფაქტები, არის კრიმინალი და იძიებს პოლიცია. ვესაუბრე მშობელს და ბავშვი არის კარგად.მის სიცოცხლეს საფრთხე არ ემუქრება,,-განაცხადა მამუკა ჩხეტიანმა.

ფაქტთან დაკავშირებით გამოძიება სსსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. მოსწავლე მკურნალობას დასავლეთ საქართველოს ინტერვენციულ მედიცინის ცენტრში გადის.

ხვალ საქართველოს ზოგიერთ რაიონში მოსალოდნელია წვიმა,შესაძლებელია ელჭექი,სეტყვა და ძლიერი ქარი.

 20-21 მაისს საქართველოში  მოსალოდნელია ცხელი და უნალექო ამინდი. ჰაერის ტემპერატურა 21 მაისს დასავლეთ საქართველოში +32, +37, აღმოსავლეთ საქართველოში +30,+35 გრადუსამდე მოიმატებს. 22 მაისს დღის მეორე ნახევრიდან ზოგან იწვიმებს. ჰაერის ტემპერატურა ქვეყნის დასავლეთ ნაწილში +25, +30 გრადუსამდე დაიკლებს, ხოლო აღმოსავლეთ საქართველოს ბარში +32, +37 გრადუსამდე მოიმატებს. 

ჭიათურის მუნიციპალიტეტის სოფელ შუქრუთში მოსახლეობის პროტესტი 93 დღეა გრძელდება. მეცხრე დღეა მაცხოვრებელთა ნაწილი შიმშილობს, ხუთმა ადამიანმა პირი ამოიკერა. პროტესტის მიმდინარეობას პირველივე დღიდან თვალს  მმართველობის მონიტორინგის ცენტრი ადევნებს, არასამთავრობო ორგანიზაციის იმერეთის ბიუროს მკვლევარის, ელენე აბდუშელიშვილის განცხადებით, მოსახლეობასთან ამ დრომდე კომუნიკაცია ,,ჯორჯიან მანგანეზის ,, მხრიდან არ მომხდარა.

,,ისინი ითხოვენ კომპანიისგან ზარალის შესაბამის ანაზღაურებას, ითხოვენ ,რომ გაფორმდეს ხელშეკრულება ,,ჯორჯიან მანგანეზთან,, მთავრობისა და ხელისუფლების ჩართულობით და შეწყდეს მათი უკანონო დევნა.

აქციის მონაწილეების წინააღმდეგ არის აღძრული სასამრთლოში საქმე, 2 არის სისხლის სამართლის საქმე, ასევე რამდენიმეს ედავებიან კომენდანტის საათის დარღვევას.ქალბატონებიც აპირებენ შეუერთდნენ პროტესტის უკიდურეს ფორმას. 2 დღე აქვს დარჩენილი კომპანიას რომ გამოვიდნენ კონტაქტზე, თუმცა არანაირი კონტაქტი ამ დრომდე არ არის.,,-განაცხადა ელენე აბდუშელიშვილმა.

 შეგახსენებთ, ,,ჯორჯიან მანგანეზმა,, გაავრცელა ინფორმაცია, რომ შუქრუთში პროტესტი შეწყდა და შეთანხმებას მიაღწიეს, თუმცა ან განცხადებიდან 2 დღეში პირი  პროტეტის კიდევ ორმა მონაწილემ ამოიკერა.

 ბაღდათის მუნიციპალიტეტში, მუნიციპალიტეტისთვის სტრატეგიულად მნიშვნელოვანი ორი ხიდის რეაბილიტაცია მიმდინარეობს. მდინარე ხანის წყალსა და კორის წყალზე არსებულ ხიდებს კაპიტალური რეაბილიტაცია უტარდება. ზედა დიმის ხიდი, რომელიც ქალაქ ბაღდათს ექვს სოფელთან აკავშირებს, სრულად განახლდება. ამ ეტაპზე მოქალაქეები ტრანსპორტით სოფელ დიმის შემოვლითი გზით გადაადგილდებიან, ხოლო ქვეითებისთვის  საფეხმავლო ხიდიამოწყობილი . მდინარე ხანისწყალზე არსებული ხიდის სარეაბილიტაციო სამუშოებს შპს "საქტრაქმშენსერვისი" ასრულებს.ხიდის რეაბილიტაციას საავტომობილო გზების დეპარტამენტი უზრუნველყოფს.

. სოფელ წითელხევში მდინარე კორის წყალზე არსებული ხიდი სიძველის გამო 2020 წლის აგვისტოს თვეში ჩაინგრა. მდინარე კორისწყალზე ხიდის სარეაბილიტაციო სამუშაოებს ტენდერში გამარჯვებული სამშენებლო კომპანია "ხიდმშენი 99" ასრულებს , ღირებულება 416,562.00 ლარს შეადგენს და იგი რეგიონებში განსახორციელებელი პროექტების ფონდიდან ფინანსდება. სამუშაოები ტენდერის პირობების თანახმად ,აგვისტოს ბოლოს უნდა დასრულდეს.

გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა იმერეთში სასარგებლო წიაღისეულის უკანონო მოპოვების ფაქტები გამოავლინეს. 

როგორც შინაგან საქმეთა სამინისტროში განაცხადეს ფაქტთან დაკავშირებით გამოძიება  სსსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. უწყებაში დამატებით ოფიციალურ კომენტარს არ აკეთებენ.