ქართული  ჟურნალისტიკის  დღე ქუთაისის  საკრებულოს  თავმჯდომარემ, ირაკლი შენგელიამ და საკრებულოს თავმჯდომარის  პირველმა  მოადგილემ,  გია  ბასილაძემ  ჟურნალისტს, ნანული  ცხვედიანს პროფესიული დღე  მიულოცეს. 

დაუნის სინდრომის საერთაშორისო დღესთან დაკავშირებით, ბაღდათის მუნიციპალიტეტის მერმა კახა ენუქიძემ , საკრებულოს თავმჯდომარე ნოდარ გიორგიძესთან ერთად, მუნიციპალიტეტში მცხოვრები დაუნის სინდრომის მქონე ბავშვები მოინახულა და საჩუქრები გადასცა.

22-23 მარტს დასავლეთ საქართველოში უმეტესად უნალექო ამინდია მოსალოდნელი, ხოლო აღმოსავლეთ საქართველოს ზოგიერთ რაიონში ნალექიანი და ნისლიანი ამინდი შენარჩუნდება. 23 მარტს ზოგან იქროლებს აღმოსავლეთის მიმართულების ძლიერი ქარი. ჰაერის ტემპერატურა დღის საათებში დასავლეთ საქართველოს დაბლობში +8, +13 გრადუსამდე მოიმატებს, აღმოსავლეთ საქართველოს ბარში +2, +7 გრადუსის ფარგლებში იქნება. 24 მარტს დღის მეორე ნახევრიდან კვლავ ნალექიანი ამინდია მოსალოდნელი. 

რთული მეტეოროლოგიური პირობების გამო, საავტომობილო გზებზე გადაადგილების შეფერხებების თავიდან აცილების მიზნით, ქვეყნის მასშტაბით გაწმენდითი სამუშაოები და ქვიშა-მარილის ნარევის დაყრა უწყვეტ რეჟიმში ხორციელდება

21 მარტი დაუნის სინდრომის მსოფლიო დღეა,რომელიც პირველად 2006 წელს აღინიშნა,ხოლო 2011 წლიდან გაერომ მოუწოდა ყველა ქვეყანას,ჩართულიყვნენ საგანმანათლებლო კამპანიაში.

დაუნის სინდრომი 21-ე ქრომოსომით გამოწვეული გენეტიკური მდგომარეობაა.სწორედ ამიტომ აღინიშნება წლის მესამე თვის 21-ე დღეს,ანუ 21 მარტს.

მთავარი მიზანი კი არის საზოგადოების ცნობიერების ამაღლება დაუნის სინდრომის მქონე ადამიანთა მხარდასაჭერად.

ქართული ჟურნალისტიკის დღე საქართველოს ჟურნალისტთა ფედერაციამ და თბილისის სახელმწიფო უნივერსიტეტმა 1993 წელს, ერთობლივად დაარსეს.

ჟურნალისტიკის დღედ პირველი ქართული გაზეთის,ჯერ "საქართველოს გაზეთის", შემდეგ კი "ქართული გაზეთის დაარსების დღე დაწესდა.სწორედ 1819 წლის 21 მარტს გამოვიდა გამოცემის პირველი ნომერი.

საინფორმაციო სააგენტო "აქტორი" ულოცავს ჟურნალისტებს პროფესიულ დღეს და წარმატებებს უსურვებს.