ქუთაისში საპროტესტო აქციაზე დაკავებული ერთ-ერთი ადამიანი  საინფორმაციო სააგენტო  DailyInfo-ს თანამშრომელია. ინფორმაციას სააგენტო ავრცელებს.

ტექნიკური სამსახურის თანამშრომელი გიორგი ლოლაძე საპროტესტო აქციაზე იმყოფებოდა, სადაც მოსახლეობა საწვავის ფასის მატებას აპროტესტებდა.

აქციის მონაწილეების თქმით დაკავებულია ორი პირი.

ქუთაისში,  დავით აღმაშენებლის ძეგლის მიმდებარე ტერიტორიაზე მძღოლებმა აქცია გაიმართეს. მათ  საწვავის გაზრდილი ფასები გააპროტესტეს. მძღოლები ამბობენ,რომ საწვავის ფასმა კატასტროფულად მოიმატა  და უკვე რეკორდულ ნიშნულს მიაღწია.აქციის მონაწილების თქმით, ისინი ბენზნის შეძენას ვეღარ ახერხებენ.

მძღოლები ხელისუფლებას მოუწოდებენ,  პროცესში ჩაერიონ და საწვავის ფასი   დაარეგულირონ.ამბობენ,რომ თუ ღირებულება არ დასტაბილურდა,  პროტესტის  გაგრძელებას გეგმავენ.

მსგავსი აქცია თბილისშიც გაიმართა.

უკრაინაში, რუსეთი შეჭრის შემდეგ, 12 ჟურნალისტი დაიღუპა, 10 კი - დაიჭრა, - ამის შესახებ ინფორმაციას უკრაინის გენერალური პროკურორი, ირინა ვენედიქტოვა ავრცელებს.

„ომს უკვე 12 ჟურნალისტი ემსხვერპლა. ისინი აშუქებდნენ რუსეთის ფედერაციის მიერ ჩადენილ ომის დანაშაულებებს და ამას შეეწირნენ. მედიის კიდევ 10-მა წარმომადგენელმა სხვადასხვა სიმძიმის დაზიანებები მიიღო“, - წერს ვენედიქტოვა „ფეისბუქზე“.

მისივე თქმით, დადასტურებულია რუსული ძალების მიერ ჟურნალისტების გატაცების 6 ფაქტიც.

უკრაინაში, ომში დაღუპულ მებრძოლს საქართველოში მომავალ კვირაში ჩამოასვენებენ.

დავით გობეჯიშვილის ოჯახის ინფორმაციით, მათთან უკვე ჰქონდა კომუნიკაცია საგარეო საქმეთა სამინისტროს წარმომადგენელს და აცნობეს, რომ გადმოსვენების პროცედურისთვის მიმდინარეობს სამუშაოები. დაღუპული მემბრძოლის ცხედარს სამშობლოში, სავარაუდოდ, სამშაბათს ჩამოასვენებენ.

გობეჯიშვილი უკრაინაში ხუთი დღის წინ წავიდა.ის აფხაზეთიდან დევნილია.მის ოჯახი ტყიბულში ცხოვრობს. გობეჯიშვილი კიევთან ახლოს, ქალაქ ირპენში , დაბომბვის დროს დაიღუპა.

ცნობისთვის, უკრაინაში ამ დრომდე 4 ქართველი მებრძოლი - დავით რატიანი, გია ბერიაშვილი, ბახვა ჩიქობავა და დავით გობეჯიშვილი არიან დაღუპული.

უკრაინაში, რუს ოკუპანტებთან ბრძოლისას კიდევ ერთი ქართველი სამხედრო დაიღუპა.