საზოგადოება

: საზოგადოება; 19 სექტემბერი 2022; გადასვლები: 736

ქუთაისის საქალაქო სასამართლომ რუსეთის ფედერაციის მოქალაქე ქურდული სამყაროს წევრობასა და გამოძალვაში დამნაშავედ ცნო

ქუთაისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და „ქურდული სამყაროს“ წევრობასა და გამოძალვაში ბრალდებული დამნაშავედ ცნო.

ბრალდების მხარის მიერ სასამართლო პროცესზე გამოკვლეული მტკიცებულებებით დადასტურდა, რომ „კანონიერი ქურდის“ შვილი, რუსეთის ფედერაციის მოქალაქე, კრიმინალური ავტორიტეტი ი.დ. სიცოცხლის მოსპობისა და ქონების განადგურების მუქარით დ.ზ.-ს პერიოდულად მისთვის თანხის გადაცემას აიძულებდა, რის შედეგადაც საერთო ჯამში 15 000 ლარი გამოსძალა. ასევე, ბრალდებულმა, როგორც კრიმინალურმა ავტორიტეტმა, „ქურდულ სამყაროში“ დადგენილი წესების შესაბამისად, დაზარალებულს ძალადობის გამოყენების მუქარით 15 000 აშშ დოლარის და მისი კუთვნილი ავტომანქანის გადაცემა მოსთხოვა.

სამართალდამცველებმა ი.დ. მოსამართლის განჩინების საფუძველზე 2021 წლის 21 დეკემბერს დააკავეს.

მას ბრალდება საქართველოს სისხლის სამართლის კოდექსის 223-ე პრიმა მუხლის 1-ლი ნაწილით („ქურდული სამყაროს“ წევრობა) და სსკ-ის 181-ე მუხლის მე-2 ნაწილის „გ“ ქვეპუნქტით (გამოძალვა დიდი ოდენობით ქონების მიღების მიზნით) წარედგინა.

ქუთაისის საქალაქო სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად 8 წლით თავისუფლების აღკვეთა განუსაზღვრა.

: საზოგადოება; 18 სექტემბერი 2022; გადასვლები: 786

ომის დაწყებიდან დღემდე რუსებმა უკრაინაში 390 ბავში მოკლეს

რუსმა სამხედროებმა უკრაინაში შეჭრის დაწყების დღიდან 390 ბავშვი მოკლეს, - ინფორმაციას უკრაინის გენერალური პროკურატურა ავრცელებს.

„18 სექტემბრის დილისთვის არსებული ოფიციალური მონაცემებით, რუსეთის ფედერაციის სრულმასშტაბიანი შეიარაღებული აგრესიის შედეგად უკრაინაში 1147-ზე მეტი ბავშვი დაიღუპა და დაშავდა. კერძოდ, პროკურატურის ოფიციალური ინფორმაციით, დაიღუპა 390 ბავშვი და დაშავდა 757-ზე მეტი“, - აცხადებენ უწყებაში.

მათივე ცნობით, ეს მაჩვენებლები არ არის საბოლოო, რადგან გრძელდება მუშაობა დროებით ოკუპირებულ და გათავისუფლებულ ტერიტორიებზე აქტიური საომარი მოქმედებების ადგილებზე.

ამასთან, ყველაზე მეტი, 395 ბავშვი დონეცკის ოლქში დაიღუპა და დაშავდა, 219 - ხარკოვში, 116 - კიევში, 72 - მიკოლაივში, 68 - ჩერნიგოვში, 61 -ლუგანსკში, 55 - ხერსონში, 46 - ზაპოროჟიეში, 26 - დნეპროპეტროვსკში,,-უკრაინის პროკურატურა.

ფოტო აღებულია უკრაინის პრეზიდენტის ფეისბუქ გვერდიდან.

: საზოგადოება; 16 სექტემბერი 2022; გადასვლები: 827

ბაღდათის მუნიციპალიტეტში დასუფთავების აქცია მოეწყო

ოზონის შრის დაცვის დღე ბაღდათის მუნიციპალიტეტში დასუფთავების აქციით აღინიშნა.

აქციაში მონაწილეობა მუნიციპალიტეტის მერიის, საკრებულოს და მაჟორიტარი დეპუტატის ბიუროს თანამშრომლებმა მიიღეს.

დასუფთავების აქცია მუნიციპალიტეტის მერიის ეკონომიკის სამსახურის, სოფლის მეურნეობისა და გარემოს დაცვის განყოფილების ორგანიზებით გაიმართა.

16 სექტემბერი ოზონის შრის დაცვის დღე 1994 წლის გაეროს გენერალური ასამბლეის გადაწყვეტილებით აღინიშნება. ამ დღესთან დაკავშირებით დასუფთავების აქცია მთელი მსოფლიოს მასშტაბით ეწყობა.

: საზოგადოება; 16 სექტემბერი 2022; გადასვლები: 1838

ბაღდათის მუნიციპალიტეტის მერი ზურაბ ჟვანიას სახელობის სახელმწიფო ადმინისტრირების სკოლის მსმენელებს შეხვდა

: საზოგადოება; 15 სექტემბერი 2022; გადასვლები: 1138

ქუთაისში საცურაო აუზის მშენებლობა 8 384 300 ლარით ფინანსდება

ქუთაისში საცურაო აუზის მშენებლობის პროცესი მიმდინარეობს.პროექტით გათვალისწინებულია ქუთაისში საერთაშორისო სტანდარტების შესაბამისი საცურაო აუზის მშენებლობა (ცურვა სხვადასხვა დისტანციაზე; სინქრონული ცურვა; წყალბურთი; წყალში ხტომა). აუზის სიგრძე 50 მეტრი, ხოლო სიგანე 25 მეტრი იქნება.

სპორტული კომპლექსი ითვალისწინებს გასახდელების და საშხაპეების მოწყობას, როგორც აუზის მომხმარებლებისათვის, ისე მსაჯებისა და მწვრთნელებისთვის. ასევე მოეწყობა მცირე აუზი. დიდ საცურაო აუზთან გათვალისწინებულია ტრიბუნების მინიმუმ 600 სკამის მონტაჟი.

ასევე, დაგეგმილია სპორტსმენთა ფიზიკური მდგომარეობის აღდგენისა და ტრავმების სარეაბილიტაციო სივრცეების მოწყობა. საცურაო აუზთან აშენდება პარკინგი 150-200 მსუბუქი მანქანისთვის და 6 ავტობუსისთვის;

აღნიშნული პროექტი აზიის განვითარების ბანკის მიერ 8 384 800 ლარით ფინანსდება.

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის ეგიდით, ქუთაისში კიდევ ერთი პროექტი ხორციელდება. ავტოქარხნის დასახლებაში საბავშვო ბაღის მშენებლობა აქტიურ ფაზაშია. 180 ბავშვზე გათვლილი ბაღი თანამედროვე სტანდარტების შესაბამისად აშენდება. პროექტში გათვალისწინებულია შიდა და გარე სივრცეების, რეკრეაციული ზონების, კომუნიკაციების, სველი წერტილების კეთილმოწყობა. ბაღი ადაპტირებული იქნება შშმ პირთათვის.

მშენებლობის პროცესი მერეთში სახელმწიფო რწმუნებულმა ზვიად შალამბერიძემ, ქუთაისის მერიის მოადგილეებმა, საქართველოს რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა, ქუთაისის მაჟორიტარმა დეპუტატმა პარლამენტში ზაზა ლომინაძემ და აზიის განვითარების ბანკის წარმომადგენლებმა დაათვალიერეს .

: საზოგადოება; 14 სექტემბერი 2022; გადასვლები: 852

ზუგდიდი-მესტია-ლასდილის გზაზე ქვათაცვენის გამო მოძრაობა აიკრძალა

შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის კმ182-კმ184 (კალა-უშგული) მონაკვეთზე გაძლიერებული ქვისცვენის გამო, შესაბამისი ღონისძიებების გატარებამდე 14 სექტემბრის 20:00სთ-დან 15 სექტემბრის 08:00სთ-მდე აკრძალულია ყველა სახის ავტოტრანსპორტის მოძრაობა.

ინფორმაციას საავტომობილო გზების დეპარტამენტი ავრცელებს.

დღის სიახლეები

საზოგადოება

Search