საზოგადოება

: საზოგადოება; 08 ივლისი 2022; გადასვლები: 835

ხვალ ქუთაისში,ცენტრალურ მოედანზე ფილმის ჩვენება გაიმართება

ფილმი "თავისუფლებისთვის" ორი ქვეყნის, საქართველოსა და უკრაინის თავისუფლებისთვის და ევროპული მომავლისთვის ბრძოლას ეხება.

პრემიერა თბილისში, რუსთაველის გამზირზე, 3 აპრილს შედგა.

ხვალ, კი, 9 ივლისს 21:00 საათზე, ცენტრალურ მოედანზე, მესხიშვილის თეატრის წინ იქნება ნაჩვენები.

ფილმს თავისუფლების ინსტიტუტი, ევროპული საქართველო, ტაბულა, ამომრჩეველთა განათლების საზოგადოება და აფხაზთა კრება დეოლიგარქიზაციის კამპანიის ფარგლებში წარადგენს.

: საზოგადოება; 07 ივლისი 2022; გადასვლები: 1185

გორა,გუმათი,საფიჩხია-10 ივლისიდან რამდენიმე უბანში ახალი ტრანსპორტი იმოძრავებს

11 ივლისიდან ქუთაისში 10 ახალი მიკროავტობუსი ქალაქის სხვადასხვა უბანში ( გორა, სადგურ რიონის დასახლება, საფიჩხია, გუმათი, ზ. გამსახურდიას ქუჩა, ავტოქარხნის მარჯვენა დასახლება) იმოძრავებს.

საფასურის გადახდა სამგზავრო ბარათებით იქნება შესაძლებელი, რომელიც მგზავრებს შეუძლიათ შეიძინონ „თიბისი ბანკის“ სერვისცენტრებში, „სპარისა“ და დეილის“ მაღაზიათა ქსელებში. ასევე გადახდა მოხდება სატრანსპორტო კომპანიის უკვე არსებული ბარათებით.

მიკროავტობუსები იმოძრავებენ :

✅საფიჩხია- 141

ფ.ვარლამიშვილის ქუჩა, აღმაშენებლის მოედანი, თბილისის ქუჩა, დ.კლდიაშვილის ქუჩა (ჭახათა), განათლების ქუჩა, ტყიბულის ქუჩა, დ.კლდიაშვილის ქუჩა, 26 მაისის ქუჩა, კოსტავას ქუჩა, გელათის ქუჩა, ვარლამიშვილის ქუჩა.

✅გამსახურდია 118

კ.გამსახურდიას ქუჩა, სულხან-საბას გამზირი (შიდა დასახლება #63,63ა,49,29,39,53)-სულხან-საბას გამზირი, სიმონ გუგუნავას ქუჩა, ზ.გამსახურდიას ქუჩა, ი.ჭავჭავაძის გამზირი, კ.გამსახურდიას ქუჩა.

✅126-მარჯვენა დასახლება

ზ.ფალიაშვილის ქუჩა, რუსთაველის გამზირი, გრიშაშვილის ქუჩა, დუმბაძის ქუჩა, აღმაშენებლის გამზ, გამსახურდიას გამზირი, შარტავას ქუჩა, აბაშიძის გამზირი, გ.შარვაშიძის ქუჩა, ქიაჩელის ქუჩა, ანტონ ფურცელაძის ქუჩა, წმინდა ლუკას ქუჩა, შერვაშიძის ქუჩა, აბაშიძის გამზირი, შარტავას ქუჩა, გამსახურდიას ქუჩა, აღმაშენებლის ქუჩა, ტაბიძის ქუჩა, ზაქარია ფალიაშვილის ქუჩა.

✅106-გუმათი

ფ.ვარლამიშვილის ქუჩა, წმ.ნინოს ქუჩა, დავით და კონსტანტინე მხეიძეების ქუჩა, ლესელიძის ქუჩა, ავალიანის ქუჩა, ბეროძისა და შავგულიძის ქუჩების კვეთა, შავგულიძის ქუჩა, კრილოვის ქუჩა, ავალიანის ქუჩა, ლესელიძის ქუჩა, დავით და კონსტანტინე მხეიძეების ქუჩა, წმ.ნინოს ქუჩა, ფალიაშვილის ქუჩა, რუსთაველის გამზირი, გრიშაშვილის ქუჩა, დუმბაძის ქუჩა, ნინოშვილის ქუჩა, ჭავჭავაძის გამზ, თაბუკაშვილის ქუჩა, იოსებ ოცხელის ქუჩა,კ.გამსახურდიას ქუჩა , ნინოშვილის ქუჩა, აღმაშენებლის გამზ,გალაკტიონ ტაბიძის ქუჩა, რუსთაველის გამზირი, აღმაშენებლის მოედანი, ბროსეს ქუჩა, ვარლამიშვილის მოედანი.

✅#5 საავტობუსო სვლაგეზი გამომდინარე 106 სვლა-გეზის შექმნით იმოძრავებს მხოლოდ თაბუკაშვილის ქუჩიდან, ფალიაშვილის ქუჩამდე.

✅#41 M3 კატეგორიით

ზ.ფალიაშვილის ქუჩა, რუსთაველის გამზირი, წერეთლის ქუჩა, მანდარიას ქუჩა, (რკინიგზის სადგური), სოლომონ პირველის ქუჩა, ვ.კუპრაძის ქუჩა, ვახუშტი ბაგრატიონის ქუჩა, ვ.აბაშიძის ქუჩა, ლეონიძის ქუჩა, ახალგაზრდობის ქუჩა, ჭავჭავაძის გამზ, გზაგამტარი ხიდი, ჭავჭავაძის გამზირი, ახალგაზრდობის გამზირი, ლეონიძის ქუჩა, აბაშიძის ქუჩა, ბაგრატიონის ქუჩა, კუპრაძის სოლომონ პირველის ქუჩა, თამარ მეფის ქუჩა, აღმაშენებლის მოედანი, ფალიაშვილის ქუჩა.

✅N 110

ფალიაშვილის ქუჩა - ვაჟა-ფშაველას ქუჩა-ნიკოლაძის ქუჩა - პეტრიწის ქუჩა -

წყალტუბოს ქუჩის მესამე შესახვევი-

გორკის ქუჩა - ძნელაძის ქუჩა - ფალიაშვილის ქუჩა;

✅N 111

ფალიაშვილის ქუჩა - ცაცხვები - ბაგრატის ტაძარი - ჩანჩიბაძის ქუჩა -

ცაცხვები - ფალიაშვილის ქუჩა;

✅N 112

ფალიაშვილის ქუჩა -

ჭაბუკიანის ქუჩა - გორკის ქუჩა - ცაცხვები - ფალიაშვილის ქუჩა;

✅N 114

ჯაჭვის ხიდი - დავით და კონსტანტინე მხეიძეების ქუჩა - ასლანიკაშვილის ქუჩა, იგივე ქუჩების გავლით უკან, ჯაჭვის ხიდზე.

ქუთაისის მუნიციპალიტეტის მერიამ, საქართველოს რეგიონული განვითარებისა და ინფრასტრუქტურის სამინისტროსთან ერთად, M2 ტიპის ავტობუსები სრიგპ -ის პროგრამის ფარგლებში ევროკავშირის დაფინანსებით შეიძინა.

: საზოგადოება; 07 ივლისი 2022; გადასვლები: 735

ქუთაისი(ჭომა)-ალპანა-მამისონის გზაზე მოძრაობა აიკრძალა

შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 136-ე კილომეტრზე მდ. ჭანჭახმა გზაგამტარი ხიდის ბურჯი დააზიანა; ხიდის სავალ ნაწილზე გაჩნდა ბზარები, რის გამოც აღნიშნულ მონაკვეთზე, შესაბამისი ღონისძიებების გატარებამდე, აკრძალულია ყველა სახის ავტოტრანსპორტის მოძრაობა.

ინფორმაციას საავტომობილო გზების დეპარტამენტი ავრცელებს.

: საზოგადოება; 07 ივლისი 2022; გადასვლები: 905

ქუთაისის მერიამ დასუფთავების 3 მანქანა შეიძინა

ქუთაისის ა(ა)იპ „სპეციალური სერვისების“ ავტოპარკი ახალი ტექნიკით შეივსო. ქალაქის დასუფთავებას დამატებით ქუთაისის მერიის მიერ შეძენილი სამი სპეციალური მანქანა უზრუნველყოფს.

სპეც მანქანები ქალაქს უკვე ემსახურება.

: საზოგადოება; 05 ივლისი 2022; გადასვლები: 793

ჟურნალისტთა უსაფრთხოების მხრივ საგანგაშო ვითარებაა-ჟურნალისტური ეთიკის ქარტია

დღეს ზუსტად ერთი წელი გავიდა მას შემდეგ, რაც ღირსების მარშის წინააღმდეგ გამართულ აქციაზე ძალადობრივი ჯგუფის წევრები მედიის წარმომადგენლებს დაესხნენ თავს, მიაყენეს ფიზიკური და სიტყვიერი შეურაცხყოფა და დაუზიანეს ტექნიკა. მოძალადეები თავს დაესხნენ თბილისი პრაიდის, სირცხვილიას და ადამიანის უფლებათა სახლის ოფისებსაც.

შსს-ს ცნობით, ამ დღეს მედიის 53 წარმომადგენელი დაშავდა, მათ შორის იყო ტელეკომპანია „პირველის” ოპერატორი, ლექსო ლაშქარავა, რომელიც 2021 წლის 11 ივლისს გარდაიცვალა.

2021 წლის 5 ივლისს ხელისუფლებამ არ უზრუნველყო მედიის წარმომადგენლების დაცვა. ამასთან, სათანადოდ არ გამოუძიებია ეს საქმეები და არ მიუცია პასუხისგებაში ღირსების მარშის წინააღმდეგ გამართული აქციის ორგანიზატორები, რომელთა ვინაობაც საზოგადოებისთვის ცნობილია.

აღსანიშნავია, რომ ხელისუფლების წარმომადგენლები აგრძელებენ აგრესიული რიტორიკით საუბარს მედიის წარმომადგენლებთან და კვლავაც გამოუძიებელია მედიაზე თავდასხმის ათობით საქმე. ასეთი მიდგომა კიდევ უფრო მეტად ახალისებს მედიის წარმომადგენლებზე ძალადობას.

ჩვენი ქვეყნის ევროატლანტიკური ინტეგრაციისთვის აუცილებელია მედიის თავისუფლება და უსაფრთხოება.

ქარტია მიიჩნევს, რომ ჟურნალისტთა უსაფრთხოების მხრივ საგანგაშო ვითარებაა და მოუწოდებს ხელისუფლებას, დაუყოვნებლივ გადადგას ქმედითი ნაბიჯები მედიაგარემოს გაჯანსაღებისთვის.

: საზოგადოება; 05 ივლისი 2022; გადასვლები: 677

5 ივლისის ძალადობრივი მოვლენებიდან ერთი წლის შემდგომაც კი, ჯგუფური ძალადობის ორგანიზებისთვის სისხლის სამართლებრივი დევნა პროკურატურას არც ერთი პირის მიმართ არ დაუწყია-სახალხო დამცველი

საქართველოს სახალხო დამცველი 2021 წლის 5 ივლისის ძალადობიდან ერთი წლის შემდეგ განცხადებას ავრცელებს და პროცესებს აფასებს.

"2021 წლის 5 ივლისს წინასწარ ორგანიზებულმა ჯგუფებმა თბილისში, სხვადასხვა ადგილზე, უამრავი მშვიდობიანი მოქალაქის მიმართ, ჯგუფურად იძალადეს.

ჟურნალისტებმა და მოქალაქეებმა სხვადასხვა ხარისხის ჯანმრთელობის დაზიანებები მიიღეს, ლგბტქ+ თემის წარმომადგენლებმა და მათმა მხარდამჭერებმა ვერ ისარგებლეს მშვიდობიანი შეკრება-მანიფესტაციის უფლებით, ჟურნალისტებს ხელი შეეშალათ პროფესიულ საქმიანობაში, დაზიანდა და განადგურდა მოქალაქეების ქონებაც. მძიმე დანაშაულის ჩადენიდან ერთი წლის თავზე, დანაშაულის ორგანიზატორები არ დასჯილან და ახალ კანონსაწინააღმდეგო ქმედებებში მონაწილეობენ.

სახალხო დამცველის სამართლებრივი შეფასებით, 2021 წლის 5 ივლისის ძალადობის ორგანიზებისა და ხელმძღვანელობის ამსახველი, საჯარო ვიდეომასალები თავისუფლად აღწევს დასაბუთებული ვარაუდის სტანდარტს, რათა თუნდაც ზურაბ მახარაძის მიმართ დაიწყოს სისხლისსამართლებრივი დევნა ჯგუფური ძალადობის ორგანიზების ბრალდებით. თუმცა, 5 ივლისის ძალადობრივი მოვლენებიდან ერთი წლის გასვლის შემდგომაც კი, ჯგუფური ძალადობის ორგანიზებისთვის სისხლისსამართლებრივი დევნა პროკურატურას არც ერთი პირის მიმართ არ დაუწყია. დევნა არ დაიწყო არც სპირიდონ ცქიფურიშვილის მიმართ, რომელიც ასობით ადამიანს ძალადობისკენ საჯაროდ მოუწოდებდა.

ამ დროისთვის, 5 ივლისის ჯგუფური ძალადობის ფაქტზე დაზარალებულად ცნობილია 53 პირი, სისხლისსამართლებრივი დევნა კი 27 პირის მიმართ დაიწყო. სახალხო დამცველის აპარატი ამჟამად სწავლობს ძალადობაში მონაწილე პირთა მიმართ გამოტანილ რამდენიმე გამამტყუნებელ განაჩენს. სახალხო დამცველმა არაერთხელ მოითხოვა საჯაროდ აღნიშნულ საქმის მასალებზე სრულად დაშვება და გაცნობა, თუმცა უშედეგოდ.

საზოგადოებას გვსურს შევახსენოთ, რომ ევროკომისიის მიერ საქართველოს ევროკავშირის წევრობის კანდიდატის ერთ-ერთ წინაპირობად სწორედ მოწყვლადი ჯგუფების დაცვა და მოძალადეებისა და ძალადობის ორგანიზატორებისადმი უფრო შედეგიანი მართლმსაჯულების განხორციელება არის.

5 ივლისის უკანონო ქმედებების და ფართომასშტაბიანი ძალადობის ორგანიზატორმა ჯგუფმა 2021 წელსვე შექმნა მოქალაქეთა პოლიტიკური პარტია. მათი მრავალი წინარე და შემდგომი განცხადება შეიცავს კონსტიტუციური წყობილების დამხობის ნიშნებს, აღვივებს სხვადასხვა ტიპის შუღლს, ახალისებს ძალადობას ან თავად შეიცავს ძალადობის ნიშნებს და წარმოადგენს ომის პროპაგანდას. სწორედ ამის გამო ჩვენს მიერ მომზადდა კონსტიტუციური სარჩელი, რომელიც შეეხება აღნიშნული პოლიტიკური პარტიის აკრძალვას.

ვინაიდან სახალხო დამცველს არ აქვს ამ საფუძვლით საკონსტიტუციო სასამართლოსთვის მიმართვის უფლებამოსილება, სარჩელის პროექტი წარვუდგინეთ საკონსტიტუციო სასამართლოსთვის მიმართვის რამდენიმე უფლებამოსილ სუბიექტს და იმედს ვიტოვებთ რომ მათ მიერ მოხდება სამართალწარმოების ინიცირება სასამართლოში."-წერია საქართველოს სახალხო დამცველის განცხადებაში

დღის სიახლეები

საზოგადოება

Search