ავტოსაგზაო შემთხვევა ქუთაისში.

ავტოქარხნის დასახლებაში,  ხიდის მიმდებარე ტერიტორიაზე ქვეითს მსუბუქი ავტომანქანა დაეჯახა. დაშავებულია დაახლოებით 60 წლის ქალბატონი, ის სასწრაფო დახმარების ბრიგადამ საავადმყოფოში გადაიყვანა.

ანტიკორუფციული მოძრაობის იმერეთის ორგანიზაციის თავმჯდომარე თემურ ცამციშვილი ქუთაისის პოლიციის პირველ განყოფილებაში გამოკითხეს. საქმე მის მიერ გუშინ გამართულ ბრიფინგს შეეხო, სადაც ცამციშვილმა განაცხადა, რომ ჭავჭვაძის ქუჩის რეაბილიტაციის დროს, ტენდერში გამარჯვებული კომპანია დაუზიანებელ ფილას იღებს და ყიდის, რაც სახელმწიფო ქონების გაყიდვას ნიშნავს.

კინეზიოლოგია არის მედიცინის დარგი, რომელიც სწავლობს, იკვლევს და მკურნალობს საყრდენ-მამოძრავებელ სისტემათა პათოლოგიებს და მათ გამომწვევ მიზეზებს. კინეზიოლოგიური პროცედურების უპირატესობები საყრდენ-მამოძრავებელი სისტემის პრობლემების დროს: ძვალ-სახსროვანი და საყრდენ-მამოძრავებელი სისტემის დაავადებათა დიაგნოსტიკა, მკურნალობა, რეაბილიტაცია და პროფილაქტიკა, შინაგანი ორგანოების მდგომარეობის არააპარატურული დიაგნოსტიკა. ნევრალგია, ოსტეოქონდროზი, სქოლიოზი, მალთაშორისი თიაქარი, მწვავე სტრესი, კიფოზი, ართროზი , ართრიტი, ნევრიტი, მიალგია, ბრტყელტერფიანობა, ქრონიკული დაღლილობის, დეპრესიის, უძილობის, აპათიის მიზეზების დიაგნოსტიკა და პრევენცია .

„მალა-მედი“ არის საქართველოში გამოყენებითი კინეზიოლოგიის (Applied Kinesiology) პიონერი.

,,ჩვენი მუშაობის უპირატესობებია; მოვუსმინოთ თითოეულ ორგანიზმს, როგორც ინდივიდს, ვიპოვოთ დაავადების საწყისი და ვუმკურნალოთ ფარმაკოლოგიური პრეპარატების გარეშე ისე, როგორც სხეული გვიკარნახებს,,-აცხადებენ კინეზიოლოგიურ ცენტრში.

 მისამართი: ქ.ქუთისი, თაბუკაშვილის N 22 (საჭადრაკო კლუბ „მაიას“ გვერდით) 14:30სთ.

,,მალა-მედის,, დამფუძნებელია  ზაზა კრაწაშვილი - კინეზიოლოგი, საქართველოს კინეზიოლოგთა ასოციაციის დამფუძნებელი და პრეზიდენტი,

კინეზოლოგიური ცენტრ „მალა-მედის“ ქუთაისის ფილიალის თანადამფუძნებელი და დირექტორია მარიკა ჩხიკვაძე - კინეზიოლოგი, რეფლექსოთერაპევტი, საქართველოს კინეზიოლოგთა ასოციაციის წევრი.

ბაღდათის მუნიციპალიტეტში 27 სექტემბერს სოხუმის დაცემის დღეს, აფხაზეთის ომში  დაღუპული გმირები გაიხსენეს.

სამხედრო დაპირისპირება აფხაზეთში 1992 წლის 14 აგვისტოს დაიწყო. სოჭი-ინგირის სარკინიგზო მონაკვეთის დასაცავად აფხაზეთის ტერიტორიაზე შესულ საქართველოს თავდაცვის სამინისტროს ეროვნულ გვარდიას აფხაზეთის უმაღლესი საბჭოს თავმჯდომარის, ვლადისლავ არძინბას განკარგულებით შექმნილმა „აფხაზურმა გვარდიამ“, ოჩამჩირის რაიონის სოფელ ოხურეისთან ცეცხლი გაუხსნა.

სახელმწიფო საბჭომ სოჭი-ინგირის რკინიგზის მონაკვეთის დასაცავად აფხაზეთში ეროვნული გვარდიის შეყვანა 11 აგვისტოს, ვლადისლავ არძინბასთან შეთანხმების შემდეგ გადაწყვიტა. შეთანხმების მიუხედავად, „აფხაზურმა გვარდიამ“ საქართველოს ეროვნულ გვარდიას აფხაზეთის ტერიტორიაზე გადაადგილებისას წინააღმდეგობა ოჩამჩირისა და გულრიფშის რაიონებში და ქალაქ სოხუმში გაუწია, რასაც აფხაზეთში საომარი მოქმედებების დაწყება მოჰყვა.

აფხაზეთში სამხედრო დაპირისპირება 13 თვეს და 13 დღეს გაგრძელდა და 1993 წლის 27 სექტემბერს, სოხუმის დაცემით და საქართველოს შეიარაღებული ძალების მარცხით დასრულდა.

1993 წლის 16 სექტემრებს აფხაზურმა მხარემ დაარღვია 27 ივლისის სოჭის შეთანხმება „ცეცხლის შეწყვეტისა და ძალთა დაშორიშორების შესახებ“ და დაიწყო შტურმი სოხუმის ასაღებად. სოხუმისთვის ბრძოლა 11 დღის განმავლობაში მიმდინარეობდა. აფხაზურ-რუსულმა, ჩრდილოეთ კავკასიელთა და კაზაკთა შენაერთებმა აფხაზეთის მინისტრთა საბჭოს შენობაზე შტურმი 27 სექტემბერს დილიდანვე დაიწყეს და ტყვედ აიყვანეს აფხაზეთის მინისტრთა საბჭოს თავმჯდომარე ჟიული შარტავა, ქალაქ სოხუმის მერი გურამ გაბესკირია და მინისტრთა საბჭოს 27 თანამშრომელი და შემდეგ ყველა მათგანი დახვრიტეს.

რუსულ-აფხაზურმა შენაერთებმა მდინარე ენგურის გასწვრივ პოზიციები 1993 წლის 30 სექტემბერს დაიკავეს. აფხაზეთის თვითგამოცხადებული რესპუბლიკის ხელისუფლება „საქართველოზე გამარჯვებისა და აფხაზეთის დამოუკიდებლობის დღეს“ ყოველი წლის 30 სექტემბერს აღნიშნავს.

ქართული მხარის ამ დრომდე დაუზუსტებელი მონაცემებით, აფხაზეთში 1992-1993 წლებში მიმდინარე სამხედრო დაპირისპირებისას, ქართული მხრიდან 10 ათასზე მეტი ჯარისკაცი და მშვიდობიანი მოქალაქე დაიღუპა. 300 ათასი აფხაზეთიდან დევნილი ქართველი კი უსახლკაროდ დარჩა. აფხაზური მხარის მონაცემებით კი, დაიღუპა 3 500 და დაიჭრა 2 ათასამდე აფხაზი.