საზოგადოება

: საზოგადოება; 05 მაისი 2023; გადასვლები: 782

100 წლის ქალბატონი ქუთაისიდან-ეთერ ჯამბაზიშვილი

ქუთაისელი ეთერ ჯამბაზიშვილი დღეს 100 წლის გახდა.

ის პროფესიით ექიმია და რკინიგზის საავადმყოფოში 57 წელი მუშაობდა.

ეთერ ჯამბაზიშვილს ქუთაისის მერი სახლში ესტუმრა ,დაბადების დღე მიულოცა და სამახსოვრო საჩუქრები გადასცა.

: საზოგადოება; 05 მაისი 2023; გადასვლები: 1532

ვენერა წერეთელი- 55 წელი მკითხველის სამსახურში

გაიცანით ვენერა (დოჩი) წერეთელი, რომელიც 55 წელია ბაღდათის მუნიციპალიტეტის საბიბლიოთეკო სფეროში მოღვაწეობს.

ქალბატონი დოჩი პროფესიით ბიბლიოთეკარია. მუშაობა 1966 წელს სოფელ დიდველის სამკითხველოში დაიწყო და ახლა ბაღდათის ცენტრალურ ბიბლიოთეკაში წამყვანი ბიბლიოთეკარია.

დოჩი წერეთელი მკითხველზე, წიგნებზე და საკუთარ საქმეზე უზომოდ შეყვარებულია, მისი სამუშაო გამოცდილება ნახევარ საუკუნეზე მეტს ითვლის და იგი დღემდე შემართებით აგრძელებს საქმიანობას.

ბაღდათის მუნიციპალიტეტის მერია, მადლობას უხდის ქალბატონ დოჩის საბიბლიოთეკო სფეროში გაწეული საქმიანობისთვის.

: საზოგადოება; 04 მაისი 2023; გადასვლები: 1712

ქუთაისში ბინას 480 დევნილი ოჯახი მიიღებს

დევნილთა, ეკომიგრანტთა და საარსებო წყაროებით უზრუნველყოფის სააგენტო ქუთაისში, ახალაშენებულ კორპუსებში იძულებით გადაადგილებულ 480 ოჯახს ბინებს გადასცემს.

საცხოვრებელი ფართების განაწილების შესახებ გადაწყვეტილება დევნილთა საკითხების შემსწავლელმა კომისიამ გრძელვადიანი განსახლების კრიტერიუმების შესაბამისად მიიღო.

დევნილი ოჯახების სია, რომლებსაც ქუთაისში, სრულად გარემონტებული ბინები გადაეცემათ სააგენტოს ვებგვერდზე გამოქვეყნდა.

დევნილი ოჯახების საცხოვრებლით უზრუნველყოფის მიზნით, საქართველოს პრემიერ-მინისტრის მიერ დაანონსებული უპრეცედენტოდ მასშტაბური სამშენებლო სამუშაოები დაიწყო თბილისში, ქუთაისში, ზუგდიდში, რუსთავსა და ბორჯომში. 2025 წლის ბოლომდე, ახალი საცხოვრებელი იძულებით გადაადგილებულ 13 000 ოჯახს გადაეცემა. 7000-მდე ოჯახი ბინებს ახალაშენებულ კორპუსებში მიიღებს, 6000 ოჯახი კი სოფლად სახლის პროგრამის ფარგლებში განსახლდება.

: საზოგადოება; 04 მაისი 2023; გადასვლები: 1799

სოფელ წაბლარასხევში, გრუნტის სანიაღვრე არხების მოწყობითი სამუშაოები მიმდინარეობს

ბაღდათის მუნიციპალიტეტის სოფელ წაბლარასხევში, გრუნტის სანიაღვრე არხების მოწყობითი სამუშაოები მიმდინარეობს.

წაბლარას ხევის მოსახლეობას გრუნტის წყლები, წლების მანძილზე სხვადასხვა სახის პრობლემებს უქმნიდა. აღნიშნულ სოფელში იტბორებოდა საცხოვრებელი სახლების ეზოები და სავარგულები.

სამუშაოებს ა.ა.ი.პ ბაღდათის კეთილმოწყობის, დასუფთავებისა და მუნიციპალური სერვისების გაერთიანების თანამშრომელბი ახორციელებენ.

გრუნტის სანიაღვრე არხები სოფელ წაბლარასხევში საჭიროებისამებრ ყველა უბანში მოეწყობა.

: საზოგადოება; 02 მაისი 2023; გადასვლები: 723

დღეს ქუთაისქალაქობა აღინიშნება-ღონისძიებები უკვე დაწყებულია

დღეს ქუთაისში „ქუთაისქალაქობა 2023“ აღინიშნება.

სადღესასწაულო ღონისძიებები ბაგრატის ტაძრიდან დაიწყო, სადაც სასულიერო პირებმა ქუთაისი დალოცეს.

ქუთაისის მერმა იოსებ ხახალეიშვილმა, იმერეთში სახელმწიფო რწმუნებულმა ზვიად შალამბერიძემ, საკრებულოს თავმჯდომარემ ირაკლი შენგელიამ, ადგილობრივი ხელისუფლებისა და საზოგადოების წარმომადგენლებმა ყვავილებით შეამკეს სამი ოთარის ძეგლი.

,,ქუთაისქალაქობა 2023“ - სახალხო დღესასწაულის ფარგლებში მთელი დღის განმავლობაში გაიმართება სხვადასხვა აქტივობა (კულტურული, სპორტული, საბავშვო, შემეცნებითი, გასართობი). ასევე დღის მანძილზე ადგილობრივი მეწარმეების ნამუშევრების გამოფენა-გაყიდვა იქნება, პროექტის ,,ქარავანი -არტფორუმი“ ფარგლებში წარმოდგენილი იქნება თანამედროვე ხელოვნება, ცენტრალურ მოედანზე კი გამოიფინება ვინტაჟური ავტომობილები.

დღის ბოლოს დაგეგმილია თბილისის სიმფონიური ორკესტრის კონცერტი მესხიშვილის თეატრში. ასევე, ცენტრალურ მოედანზე 20:30 საათზე ჩატარდება გალა კონცერტი თბილისის ბიგ - ბენდის მონაწილეობით.

დღეს მთელი დღის მანძილზე მოედანსა და მიმდებარე ტერიტორიაზე შეზღუდულია ტრანსპორტის მოძრაობა.

: საზოგადოება; 01 მაისი 2023; გადასვლები: 879

ხვალ ქუთაისში ტრანსპორტის მოძრაობა შეიზღუდება

ქუთაისის მერიის ინფორმაციით, გვირილობის დღესასწაულდან გამომდინარე, ტრანსპორტის მოძრაობა შეიზღუდება.

1 მაისს, 12:00 საათიდან , ნაწილობრივ შეიზღუდება მოძრაობა და პარკირება ცისფერყანწელთა ქუჩაზე.

2 მაისს, 08:00 საათიდან, სრულად შეიზღუდება მოძრაობა და პარკირება :

ცისფერყანწელთა ქუჩაზე, თეთრ ხიდის მიმდებარედ, პუშკინის ქუჩის კვეთამდე;

შოთა რუსთაველის გამზირზე, წმ.ნინოს ქუჩის კვეთამდე;

აკაკი წერეთლის ქუჩაზე, პუშკინის ქუჩის კვეთამდე;

თამარ მეფის ქუჩაზე, გოგებაშვილის ქუჩის აღმართიდან გელათის ქუჩის დასაწყისამდე;

მ.ბროსეს ქუჩაზე, (სასტუმროდან ,,ნიუპორტი’’) ვარლამიშვილის ქუჩის კვეთამდე;

ზაქარია ფალიაშვილის ქუჩაზე, კოლუმბია-მისურის ქუჩის კვეთიდან წმ.ნინოს ქუჩის კვეთამდე.

დღის სიახლეები

საზოგადოება

Search