საზოგადოება

: საზოგადოება; 25 მაისი 2023; გადასვლები: 995

ქუთაისში დამოუკიდებლობის დღისადმი მიძღვნილი ღონისძიებები 14:00 საათიდან დაიწყება

ქუთაისი დამოუკიდებლობის დღის აღსანიშნავად ემზადება.სადღესასწაული პროგრამა ხვალ,დღის 14:00 საათზე დაიწყება.ღონისძიებები ცენტრალურ ბულვარში გაიმართება.

✨ ️14:00-16:00 - კოსტიუმირებული მსახიობების და ორკესტრის მსვლელობა.

✨ ️14:00-18:00 - სამხედრო ტექნიკის გამოფენა .

✨ ️14:00-18:00 - საბავშვო სივრცე: თამაშები, მასტერკლასები და სუვენირების დამზადება .

✨ ️14:00-15:00 - ადგილობრივი შემსრულებლების კონცერტი :

ინდირა ჯგერნაიას სტუდია ,,ინდოსტუდიო", ნანა იამანიძის და ნუკრი კარკაძის ,,არტსტუდია", ბექა ბანძელაძის სტუდია „იმერეთის ხმა“, მ.ბალანჩივაძის სახელობის ცენტრალური სამუსიკო სასწავლებლის ფოლკლორული ანსამბლი ,,ნაი-ნაი", ხელმძღვანელი ქეთევან ბანცაძე, მ.ბალანჩივაძის სახელობის ცენტრალური სამუსიკო სასწავლებლის ბავშვთა გუნდი - ხელმძღვანელი ნათია გოგუაძე, კონცერტმაისტერი კესო ზვიადაძე, ქუთაისის კულტურულ, სახელოვნებო, საგანმანათლებლო დაწესებულებათა გაერთიანების შერეული კამერული გუნდი.

✨️ 16:00-17:00 - რუსა მორჩილაძე, თემურ თათარაშვილი, ინდირა ჯგერნაია, გიორგი ელიზბარაშვილი, ჯგუფი „ალეგრო“.

✨️ 17:10 - საქართველოს დამოუკიდებლობის გამოცხადების ისტორიული დრო - საზეიმო აღნიშვნა.

✨️ 17:20 - ჯგუფი „ოჩოს ქოხი“.

: საზოგადოება; 24 მაისი 2023; გადასვლები: 822

ქუთაისის მეთექვსმეტე სკოლის დირექტორს პროკურატურამ ბრალი წარუდგინა

საქართველოს პროკურატურამ სამსახურებრივი გულგრილობის ფაქტზე ქუთაისის №16 საჯარო სკოლის დირექტორს ბრალდება წარუდგინა

აღნიშნულ საქმეზე გამოძიება განათლების სამინისტროს შიდა აუდიტის მიერ ჩატარებული შემოწმების საფუძველზე დაიწყო, რომლის მიხედვითაც შესაძლოა ადგილი ჰქონოდა სკოლის კუთვნილი თანხების მითვისების ფაქტს.

ჩატარებული გამოძიების შედეგად დადგინდა, რომ ბრალდებულმა, რომელსაც ეკისრებოდა პასუხისმგებლობა სკოლის ფინანსების სწორ და მიზნობრივ ხარჯვაზე, არაჯეროვნად შეასრულა სამსახურებრივი მოვალეობა. მან არ დააწესა სათანადო კონტროლი და მონიტორინგი სკოლის საბანკო ანგარიშიდან განხორციელებულ ტრანზაქციებზე, რამაც შესაძლებლობა მისცა დაწესებულების ბუღალტერს უკანონოდ მიეთვისებინა 57758 ლარი.

საზოგადოებას შევახსენებთ, რომ ამავე სკოლის ბუღალტერი, რომელიც პარალელურად იყო ქუთაისის №22 საჯარო სკოლის ბუღალტერიც, ორივე სკოლიდან დიდი ოდენობით თანხის მითვისებისთვის მიცემულია სისხლისსამართლებრივ პასუხისგებაში. ასევე, სისხლისსამართლებრივ პასუხისგებაში სამსახურეობრივი გულგრილობის ფაქტზე მიცემულია ქუთაისის №22 საჯარო სკოლის დირექტორიც. ორივე ბრალდებულის მიმართ საქმეები არსებითად იხილება სასამართლოში.

: საზოგადოება; 24 მაისი 2023; გადასვლები: 600

ხვალ ქუთაისსა და მიმდებარე სოფლებს წყალმომარაგება შეუწყდება

საქართველოს გაერთიანებული წყალმომარაგების კომპანიის ინფორმაციით,ხვალ ქუთაისს წყლის მიწოდება შეუწყდება.

,,ქუთაისის, სოფელ ფარცხანაყანევისა და მიმდებარე სოფლების 52 000-მდე აბონენტს, ძველი ქსელის ჩაჭრითი სამუშაოების გამო, 25 მაისის 01:00 საათიდან 25 მაისის 23:30 საათამდე წყალმომარაგება შეუწყდება.

დამატებითი ინფორმაცია და კონკრეტული ქუჩების ჩამონათვალი შეგიძლიათ იხილოთ საიტზე: www.water.gov.ge

24 საათიან რეჟიმში მუშაობს კომპანიის ცხელი ხაზი: 032 293 00 00,,-გაერთიანებული წყალმომარაგების კომპანია.

: საზოგადოება; 24 მაისი 2023; გადასვლები: 684

დამოუკიდებლობის დღესთან დაკავშირებით,ქუთაისში ტრანსპორტის მოძრაობა იზღუდება

25 მაისის 23:00 საათიდან 26 მაისის 20:00 საათამდე, ქუთაისში, ფალიაშვილის ქუჩაზე ტრანსპორტის მოძრაობა დროებით შეიზღუდება.

ინფორმაციას ქუთაისის მერია ავრცელებს.

საქართველოს დამოუკიდებლობის დღისადმი მიძღვნილი ღონისძიებების გამო, 25 მაისის 23:00 საათიდან 26 მაისის 20:00 საათამდე , ავტოტრანსპორტის მოძრაობა დროებით შეწყდება აღმაშენებლის (ცენტრალურ) მოედანსა და ფალიაშვილის ქუჩაზე, კოლუმბია-მისურის ქუჩის კვეთიდან წმინდა ნინოს ქუჩის კვეთამდე.

შესაბამისად, ქუთაისის სატრანსპორტო კომპანიის კუთვნილი მუნიციპალური ტრანსპორტი, ნაცვლად დადგენილი სვლაგეზებისა, იმოძრავებს შემდეგი მარშრუტით:

N 1L, N 4 და N 5 სატრანსპორტო საშუალებები, ნაცვლად აღმაშენებლის მოედნისა და ფალიაშვილის ქუჩისა, იმოძრავებს: ფანჯიკიძის ქუჩა (ყოფილი პუშკინის ქუჩა) - წერეთლის ქუჩა - აღმაშენებლის გამზირი - გალაკტიონ ტაბიძის ქუჩა - წითელი ხიდი.

N 19 - ნაცვლად აღმაშენებლის მოედნისა და თბილისის ქუჩისა, იმოძრავებს: წერეთლის ქუჩა - მანდარიას ქუჩა - სოლომონ პირველის ქუჩა - საფიჩხიის მოედანი.

N 20 - ნაცვლად აღმაშენებლის მოედნისა, იმოძრავებს წითელი ხიდით.

N6 და N 106 სატრანსპორტო საშუალებები, ნაცვლად აღმაშენებლის მოედნისა და ვარლამიშვილის ქუჩისა, იმოძრავებს დავით და კონსტანტინეს ქუჩით.

N 3, N 41 და N 113 სატრანსპორტო საშუალებები, ნაცვლად აღმაშენებლის მოედნისა და ფალიაშვილის ქუჩისა, იმოძრავებს გურამ ფანჯიკიძის ქუჩით.

N 126 - ნაცვლად აღმაშენებლის მოედნისა, იმოძრავებს წითელი ხიდით.

: საზოგადოება; 24 მაისი 2023; გადასვლები: 697

ხონში,ცოფის დადასტურების გამო, კარანტინი გამოცხადდა

ხონის მუნიციპალიტეტში, ცოფის ლაბორატორიულად დადასტურებული შემთხვევის დაფიქსირების გამო, ვეტერინარული კარანტინი გამოცხადდა. ინფორმაციას ხონის მუნიციპალიტეტის მერია ავრცელებს.

შესაბამისი ბრძანება ხონის მერმა ლადო ჯურხაძემ , სურსათის ეროვნული სააგენტოს წერილობითი მოთხოვნის საფუძველზე უკვე გამოსცა.

კარანტინი გამოცხადდა ქალაქ ხონში, დაავადების კერიდან (ქ.ხონის, მოსე ხონელის ქუჩა და მერიის მიმდებარე ტერიტორია)3 კილომეტრის რადიუსში.

ბრძანების თანახმად, ცოფისთვის საშიშ ბუფერულ ზონაში, გატარდება ცხოველების ვაქცინაცია.

აცრილი ცხოველის იზოლირება უნდა მოხდეს აცრიდან 60 დღის განმავლობაში.

კარანტინის პერიოდში, იკრძალება ძაღლების ქუჩაში გაყვანაც.

მოხდება ცოფიანი და დაავადებაზე საეჭვო ცხოველების სადგომებისა და დადორბლილი საგნების დეზინფექცია.

ბრძანების შესაბამისად ადამიანები, რომლებიც დაკბენილები ან დადორბლილები იყვნენ ცხოველის მიერ აყვანილ იქნენ ანტირაბიულ კონტროლზე.

არსებული კარანტინი მოიხსნება ცოფით ცხოველის დაავადების უკანასკნელი შემთხვევის დაფიქსირების და სალიკვიდაციო ღონისძიებების ჩატარებიდან 60 დღის შემდეგ.

ცნობისთვის, 18 მაისს, ქალაქ ხონში, დაფიქსირდა მიუსაფარი ძაღლის მიერ 3 ბავშვის დაკბენის ფაქტი. ყველა მათგანს ჩაუტარდა პრევენციული (ანტირაბიული) მკურნალობა. მოხდა ძაღლის იდენტიფიცირება. დაკვირვების პროცესში ცხოველი მოკვდა. ლაბორატორიული კვლევის შედეგად დადასტურდა ძაღლის ცოფით დაავადება. სურსათის ეროვნული სააგენტოს ვეტერინარებმა დღეიდანვე დაიწყეს ვეტერინარული ღონისძიებები.

: საზოგადოება; 23 მაისი 2023; გადასვლები: 1455

სოფელ დიმში შიდა საუბნო გზების რეაბილიტაცია გრძელდება

ამ ეტაპზე ასფალტის საფარი იგება და ეწყობა სანიაღვრეები ჩიქვინიძეების საუბნო გზაზე.

სამუშაოებს სამშენებლო კომპანია "მეკა" ასრულებს და იგი რეგიონებში განსახორციელებელი პროექტების ფონდიდან ფინანსდება.

სოფელ დიმში მიმდინარე სამუშაოებს ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძესთან და მერიის ინფრასტრუქტურის სამსახურის ხელმძღვანელ კახა მსხვილიძესთან ერთად გაეცნო.

აღნიშნული საგზაო პროექტი გარდამავალია გასულ წელს დაიწყო და მიმდინარე წელს დასრულდება.

დღის სიახლეები

საზოგადოება

Search