ქუთაისში მერაბ კოსტავას ქუჩის საგზაო ინფრასტრუქტურის რეაბილიტაცია იწყება.

სარეაბილიტაციო სამუშაოების გამო, 3 ივნისიდან 31 აგვისტომდე, აღნიშნულ ქუჩაზე, გელათის ქუჩის კვეთიდან დავით ჩირაძის ქუჩის კვეთამდე, დროებით შეიზღუდება ავტოტრანსპორტის მოძრაობა. 

შესაბამისად, შეიცვლება მუნიციპალური ტრანსპორტის სვლაგეზები:

 M3 კატეგორიის N19 და M2 კატეგორიის N141 სატრანსპორტო საშუალებები, სოლომონ პირველისა და სოლომონ მეორის ქუჩების კვეთიდან ( საფიჩხიის ცენტრიდან) ქალაქის ცენტრის მიმართულებით, ნაცვლად კოსტავას ქუჩისა, იმოძრავებენ გელათის ქუჩის გავლით.

ქუთაისში Საპროტესტო აქცია/კონცერტი-რუსული კანონით არ ვიცხოვრებთ მიმდინარეობს.  ცენტრალურ მოედანზე შეკრებილებისთვის მუსიკოს-შემსრულებლები უკრავენ- SKAZZ,ბაჩო ჯიქიძე, Will, Kolak, Stress, See; Me, გერჩი,Louie.

 კონცერტი საპროტესტო აქციებზე დაჯარიმებული ადამიანების მხარდასაჭერად იმართება. 

 ფოტო-თემურ ცამციშვილი 

ბაღდათის მუნიციპალიტეტში ბავშვთა დაცვის საერთაშორისო დღე მრავალფეროვანი  ღონისძიებებით აღინიშნა.

 ბავშვთა დაცვის საერთაშორისო დღე პატარებს და მათ მშობლებს, ბაღდათის მუნიციპალიტეტის მერმა კახა ენუქიძემ,  მერიისა და საკრებულოს წარმომადგენლებთან ერთად მიულოცა .

ქუთაისში დღეს, 2 ივნისს, 19:00 საათზე, აქცია-კონცერტი გაიმართება. ორგანიზატორების განცხადებით,ელოდებიან ყველას,ვინც მხარს უჭერს საქართველოს ევროპულ მომავალს  და უარს ეუბნება რუსულ კანონს.ღონისძიება ცენტრალურ მოედანზე ჩატარდება 

,,ერთი მხრივ, შევაჯამებთ ქუთაისში მიმდინარე უწყვეტ პროტესტს. მეორე მხრივ, ქართველი მუსიკოსები, რომლებიც იზიარებენ პროტესტის შინაარსს და მხარს უჭერენ დემონსტრანტებს, მკაფიოდ დააფიქსირებენ თავიანთ პოზიციას მათივე საბრძოლო იარაღით - მუსიკით.

აქცია-კონცერტში მონაწილე მუსიკოსები:

#SKAZZ

#ბაჩო #ჯიქიძე

-#Will #Kolak

#Stress

#See #Me

#გერჩი

#Louie,,-ორგანიზატორების განაცხადება.

ბავშვთა დაცვის დღისადმი მიძღვნილი აქტივობები ქუთაისში  დღეს არ გაიმართება. ღონისძიებები ხვალისთვის გადაიდო.ქუთაისის მუნიციპალიტეტის მერიის მიერ გავრცელებული ინფორმაციის მიხედვით,გადადების მიზეზი  უამინდობაა.

აქტივობები ტრადიციულად ქალაქის ცენტრალურ ბულვარში ტარდებოდა,თუმცა მიმდინარე რეაბილიტაციის გამო, ადგილობრივი თვითმმართველობა პატარებს ახალგაზრდობის პარკში ეპატიჟება. 

,, წელს, ბავშვთა დაცვის დღისადმი მიძღვნილი ღონისძიებები, 2 ივნისს, 13 : 00 საათიდან, ქუთაისის ახალგაზრდობის პარკში გაიმართება ( მისამართი თაბუკაშვილის ქ. #2).

 ბავშვებისთვის პარკში მოწყობილი იქნება გასართობი სივრცეები, ჩატარდება სამხატვრო და სპორტული აქტივობები, ქუთაისის საბავშვო სტუდიების კონცერტი, პატარების მხიარული განწყობის შექმნაზე იზრუნებენ ანიმატორები, მულტფილმების პერსონაჟები და კოსტიუმირებული მსახიობები.

 ღონისძიებებზე დასწრება და მონაწილეობა თავისუფალია.,,-ქუთაისის მუნიციპალიტეტის მერია. 

ბავშვთა საერთაშორისო დღე  საერთაშორისო დღესასწაულია,რომელიც   ბავშვთა კეთილდღეობისადმი მიძღვნილ  ჟენევის მსოფლიო კონფერენციაზე 1925 წელს დაარსდა.

მსოფლიოს მრავალ ქვეყანაში კი პირველი ივნისი 1950 წლიდან აღინიშნება . 

1 ივნისს სხვადასხვა ქვეყანაში, მათ შორის საქართველოში, ბავშვებისთვის გასართობი და კულტურული ღონისძიებები ეწყობა.

ბავშვთა საერთაშორისო დღეს მხოლოდ გასართობი ხასიათი როდი აქვს, ეს დღე შეხსენებაა იმისა, რომ ყველა ბავშვი ჯანსაღ და უსაფრთხო გარემოში უნდა იზრდებოდეს, სადაც დაცული იქნება მათი უფლებები.