ბოლო მონაცემებით სტიქიამ ქუთაისში ზიანი 142 საცხოვრებელ სახლს მიაყენა. ძირითადად გადახდილია სახლის სახურავები. ასევე რამდენიმე შენობაზე მოხდა ფასადის დაზიანება.
სტიქიის პარალელურად შეძლებისდაგვარად მიმდინარეობს მწყობრიდან გამოსული ელექტრო ენერგიის სადენებისა და გაზის მილების აღდგენითი სამუშაოები. საგანგებო და სპეციალური სერვისების სამსახურის მიერ, ხდება წაქცეული ხეების დამუშავება და ადგილიდან დრული გატანა.
ძლიერი ქარის შედეგად დაზიანებული ობიექტები დღეს, ქუთაისის საკრებულოს თავმჯდომარემ , ირაკლი შენგელიამ დაათვალიერა. იგი ადგილზე გაეცნო სტიქიის შედეგებს და არსებული მდგომარეობის შესახებ, სრული ინფორმაცია შესაბამისი სამსახურებიდან მიიღო.
ქუთაისში 24 საათიან რეჟიმში მუშაობენ საგანგებო და მერიის შესაბამისი სამსახურები.
მიმდინარეობს ზარალის დათვლა.
