"ჩემოდნების აქცია" - ამ სახელწოდებით პერფორმანსი დღეს ქუთაისში გაიმართა.
პარლამენტის შენობის წინ სამოქალაქო მოძრაობა "დატოვე პარლამენტი ქუთაისში" -ს წევრები და აქტივისტები შეიკრიბნენ.
ოთხი წელი გავიდა, რაც ქუთაისიდან საკანონმდებლო ორგანო მმართველმა გუნდმა ისევ თბილისში დააბრუნა.
აქციის მონაწილეების თქმით,საპარლამენტო ქალაქის სტატუსის წართმევის შემდეგ ქვეყნის მეორე ქალაქს , განვითარების პერსპექტივა დაეკარგა . გაჩერებულ ქუთაისში კი მოქალაქეებს არაფერი რჩებათ იმის გარდა, რომ ბარგი ჩაალაგონ და ქალაქი დატოვონ.
სამოქალაქო მოძრაობა "დატოვე პარლამენტი ქუთაისში" -ს წევრები და აქტივისტები "ქართულ ოცნებას" ქუთაისის პოლიტიკურ ძარცვაში ადანაშაულებენ და ქვეყნის სახელისუფლებო ინსტიტუტების დეკონცეტრაციას მოითხოვენ.
