ქუთაისის ერთ-ერთ სავაჭრო ცენტრში,ე.წ ოქროს ბირჟაზე დასაქმებული პირები,რომლებსაც კორონავირუსი დაუდასტურდათ,“კლინიკა ბომონდში”  არიან გადაყვანილები.საავადმყოფოში 66 პაციენტი გადის მკურნალობის კურსს.

კლინიკა ბომონდში” კორონავირუსით ინფიცირებული ორსული ბათუმის მრავალპროფილიანი სამშობიარო სახლიდან შეიყვანეს.38 კვირის  ორსულს  პნევმონია და სუნთქვის მწვავე უკმარისობა აღენიშნებოდა. 

“დედის მდგომარეობიდან გამომდინარე, დაიგეგმა საკეისრო კვეთა, რომელიც წარმატებით დასრულდა. ახალშობილს და დედას ჩაუტარდათ ყველა საჭირო კლინიკურ-ლაბორატორიული კვლევები. ახალშობილის ჯანმრთელობის მდგომარეობა ამ ეტაპზე დამაკმაყოფილებელია, რაც შეეხება დედას, მას უგრძელდება მკურნალობის კურსი,”-ამბობს “კლინიკა ბომონდი”-ს მეან-გინეკოლოგი თეონა ლორთქიფანიძე.

საჩხერის სამედიცინო ცენტრში ამ დროის მონაცემებით კოვიდდადებითი 88 პაციენტი მკურნალობს.კლინიკის დირექტორის, მიხეილ ქამუშაძის განცხადებით,პაციენტების მდგომარეობა დამაკმაყოფილებელია.მისივე ინფორმაციით, რამდენიმე პაციენტს ანალიზი ჩაუტარდა და პასუხებს დღეს ელოდებიან. გამოჯანმრთელების შემთხვევაში ისინი კლინიკას დატოვებენ .

იმერეთში კორონავირუსი 11 ადამიანს დაუდასტურდა. ინფორმაცია მედიას სახელწიფო რწმუნებულმა იმერეთში, ზვიად შალამბერიძემ მიაწოდა.

,,ბოლო 24 საათის განმავლობაში 1132 ნიმუში ავიღეთ იმერეთის მასშტაბით, აქედან 11 არის დადასტურებული, ესენი ძირითადად არიან 32-ე სკოლასთან დაკავშირებული, თუმცა გვაქვს აჭარში მოგზაურობის ფაქტებები, რომელიც ამ შემთხვევაში უკავშირდება ჭიათურას. შესწავლილია ინფიცირებულის ყველა კონტაქტი, მისი ოჯახის წევრები არიან თვითიზოლაციაში. ინფიცირებულს არ ქონდა კონტაქტის სკოლასთან, არ დადიოდა, რაც გვიმსუბუქებს მდგომარეობას,,-აღნიშნა ზვიად შალამბერიძემ.

იმერეთში სახელმწიფო რწმუნებული ზვიად შალამბერიძე, დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელებს შეხვდა. 

ქუთაისის ინფექციურ საავადმყოფოში ბოლო 24 საათის განმავლობაში კოვიდ ინფიცირებული 11 პაციენტი შეიყვანეს.მათი ძირითადი ნაწილი აჭარიდანაა, მხოლოდ 2 -ია ქუთაისიდან.კლინიკის სამედიცინო დირექტორის ინფორმაციით, 2 პაციენტის მდგომარეობა მძიმეა,დარჩენების კი სტაბილურად ფასდება.

ინფექციურ საავადმყოფოში სულ 61 პაციენტი მკურნალობს.ნოდარ მაღლაფერიძის თქმით, კლინიკის რესურსის გათვალისწინებით ისინი პაციენტთა მიღებას დროებით ვერ შეძლებენ.მისივე ინფორმაციით ,3 პაციენტს ანალიზი უკვე გაუკეთდა და შესაძლოა საავადმყოფო უახლოეს დღეებში დატოვონ.