ახალ კორონავირუსულ ინფექციას ორი პაციენტის სიცოცხლე ემსხვერპლა. პაციენტები, რომლებიც  კორონავირუსთან ერთად, თანმდევი დაავადებების მატარებლები იყვნენ, მკურნალობის კურსს “კლინიკა ბომონდი”-ს კოვიდცენტრში გადიოდნენ.პაციენტებ იმერეთიდან და აჭარიდან იყვნენ.

ბოლო 24 საათში კორონავირუსის 448  შემთხვევა დადასტურდა, აქედან 96 იმერეთში დაფიქსირდა.

ყველაზე მეტი  შემთხვევა აჭარაშია -  241 , თბილისში-62 ა, სამეგრელო ზემო-სვანეთი-15, სამცხე ჯავახეთი-9, გურიასა და შიდა ქართლში-7 ახალი შემთხვევა გვაქვს, კახეთში-2, იმპორტირებულია 6 შემთხვევა.

 24 საათში კორონავირუსისგან კიდევ ერთი პაციენტი გარდაიცვალა და მათი რაოდენობა 40-მდე გაიზარდა. 81 წლის მამაკაცი ბათუმის რესპუბლიკურ საავადმყოფოში მკურნალობდა. აღენიშნებოდა თანხმლები დაავადებები, ორმხრივი პნევმონია.

ქუთაისის ინფექციურ კლინიკას 4  კოვიდდადებითი პაციენტი დაემატა,ოთხივე მათგანი ქუთაისიდანაა. ორი მოზრდილი, ორი ბავშვია. კლინიკის სამედიცინო დირექტორის ნოდარ მაღლაფერიძის თქმით, მათი მდგომარეობა საშუალო სიმძიმისაა.

ქუთაისში, “კლინიკა ბომონდი”-ს კოვიდცენტრს ბოლო 24 საათში 16 პაციენტი  დაემატა.

ქუთაისში დღეს კიდევ ერთი პაციენტი გარდაიცვალა. კლინიკა ,,ბომონდში,, 69 წლის მამაკაცი დაიღუპა. ინფორმაცია მედიას ინფექციური საავადმყოფოს ბოქსირებული განყოფილების ხელმძღვანელმა , მარინა ენდელაძემ მიაწოდა. .

„37-ე პაციენტი ქუთაისში გარდაიცვალა. ის კლინიკა „ბომონდში“ მკურნალობდა, იყო 69 წლის მამაკაცი, რომელსაც მძიმე ორმხრივი პნევმონია ჰქონდა. აღენიშნებოდა სასუნთქი სისტემის დაავადებების ფონზე მოციმციმე არითმია. პაციენტის გამოყვანა ვერ მოხერხდა და გარდაიცვალა“, - განაცხადა ენდელაძემ.

ინფორმაცია გაავრცელა კლინიკა ,,ბომონდმაც,, 

კლინიკა ბომონდი"-ს კოვიდცენტრში კორონავირუსის ინფექციით 69 წლის მამაკაცი გარდაიცვალა. პაციენტი კლინიკაში კატასტროფის ბრიგადამ 23 სექტემბერს შემოიყვანა. მას აღენიშნებოდა თანმდევი დაავადებები, იყო ჟანგბადდამოკიდებული. ჰქონდა გულის და თირკმლის დაავადებები.

ქუთაისის ინფექციურ კლინიკაში კორონავირუსისგან ინფიცირებული შვიდი პაციენტი გამოჯანმრთელდა.კლინიკის სამედიცინო დირექტორის ნოდარ მაღლაფერიძის განცხადებით, ამ ეტაპზე კლინიკაში ახალი პაციენტები არ მიუღიათ.