მესამე სამშობიარო სახლი კოვიდმიმღებ ცენტრად 1 ნოემბრიდან გადაკეთდა. საავადმყოფოში ამ დროისთვის 40 საწოლია.

როგორც შპს ,,მესამე სამშობიარო სახლის,, გენერალური დირექტორი,  კოვიდცენტრის ხელმძღვანელი დარეჯან შავაშვილი  ამბობს, ადგილები ყოველთვის დაკავებულია, ეტაპობრივად ხდება პაციენტების მიღება და გაწერა.

სამედიცინო დაწესებულებაში ძირითადად მსუბუქი და საშუალო სიმძიმის პაციენტები მკურნალობენ, მათ შორის არასრულწლოვნები არ არიან.

ქუთაისის ინფექციურ კლინიკაში კორონავირუსით პაციენტი გარდაიცვალა. 60 წლის რუსუდან ჯიქია, ახალ N2 სამშობიარო სახლში მუშაობდა.ის პროფესიით ექიმი-გინეკოლოგი იყო.მას ვირუსი რამდენიმე დღის წინ დაუდასტურდა და ინფექციურში  10 დღის განმავლობაში, რეანიმაციულ განყოფილებაში მკურნალობდა, თუმცა მისი გადარჩენა ვერ მოხერხდა.

ამ დროის მონაცემებით ინფექციურ კლინიკაში 82 პაციენტი მკურნალობს, აქედან 4 მართვით სუნთქვაზე იმყოფება.საავადმყოფოში მკურნალობის კურსს 4 არასრულწლოვანი გადის. ბოლო 24 საათის განმავლობაში ინფექციური 4 გამოჯანმრთელებულმა პაციენტმა დატოვა.

ბოლო 24 საათში ქვეყნის მასშტაბით ჩატარდა 6 554 კვლევა ტესტით, მათ შორის 3 064 კვლევა ანტიგენის სწრაფი ტესტით და 3 490 PCR ტესტით.

ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 1 337 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 191 063-ს.

ბოლო 24 საათში ვირუსისგან გამოჯანმრთელდა 3 498 პირი, ხოლო ჯამში გამოჯანმრთელებულთა რაოდენობა გაიზარდა 161 681-მდე.

 ბოლო 24 საათში  კორონავირუსით 49 პაციენტი გარდაიცვალა.

თბილისში გამოვლენილია 571 შემთხვევა, აჭარა-212, იმერეთი-147, ქვემო ქართლი-168, შიდა ქართლი-48, გურია-16, სამეგრელო-ზემო სვანეთი-74, კახეთი-41, მცხეთა-მთიანეთი-41, სამცხე-ჯავახეთი-18, რაჭა-ლეჩხუმი და ქვემო სვანეთი-1.

6 912 ადამიანი მკურნალობს საავადმყოფოში, მათ შორის, იმერეთში-1 419. ამ ეტაპზე მძიმე პაციენტია 1 087 პირი, მათ შორის,  იმერეთში-239. მძიმე პაციენტებიდან ხელოვნური სუნთქვის აპარატზე იმყოფება 465 პირი, მათგან იმერეთში-52. 2 886 ადამიანი მოთავსებულია კლინიკურ-სასტუმროებში, მათ შორის  288-იმერეთში.

17 719 პირი ვირუსის მკურნალობს კურსს გადის საცხოვრებელ ბინაზე.

საკარანტინე სივრცეებში მოთავსებულია 986 ადამიანი, მათ შორის, იმერეთში-15.

ამ ეტაპისთვის თვითიზოლაციაში იმყოფება 48 685 ადამიანი,აქედან იმერეთში-6 319.

“კლინიკა ბომონდი”-ს კოვიდცენტრში კორონავირუსი ისეთმა პაციენტებმა დაამარცხეს, რომლებიც ხანგრძლივად მკურნალობდნენ და ჟანგბადდამოკიდებულები იყვნენ.

ქუთაისის ინფექციურ კლინიკაში კორონავირუსით ინფიცირებული პაციენტი გარდაიცვალა. 70 წლამდე მამაკაცს ვირუსთან ერთად თანმხლები დაავადება, გულ-სისხლ ძარღვთა პრობლემა ქონდა. კლინიკის სამედიცინო დირექტორის , ნოდარ მაღლაფერიძის თქმით, ამ ეტაპზე კლინიკაში 81  პაციენტი გადის მკურნალობას, მათგან კრიტიკულად მძიმეა 5. 

ბოლო 24 საათში ქვეყნის მასშტაბით ჩატარდა 18 907 ტესტი,აქედან 11 064 იყო ანტიგენის სწრაფი ტესტი,ხოლო 7 843 პი-სი-არი.შედეგად, გამოვლინდა ვირუსით ინფიცირების 3 907 ახალი დადასტურებული შემთხვევა.