ბოლო კვირის მონაცემებით, სკოლებში კოვიდვირუსის გავრცელების მაჩვენებელი შემცირებულია, შვიდი დღის განმავლობაში კორონავირუსი მასწავლებლების 0.5%-ს, ხოლო მოსწავლეების – 0.2%-ს დაუდასტურდა.

განათლების სამინისტროს ინფორმაციით, საქართველოს მასშტაბით თანდათან იკლებს დისტანციურ სწავლებაზე გადასული სკოლების რიცხვიც. ბოლო კვირის განმავლობაში დისტანციურ სწავლებაზე იმყოფებოდა 81 სკოლა, 379 ცალკეული კლასი და რისკის ჯგუფის 89 მასწავლებელი.

ამ ეტაპისთვის აცრილია მასწავლებელთა და სკოლის ადმინისტრაციის წარმომადგენელთა 71.9%.

,,საქართველოს განათლებისა და მეცნიერების სამინისტრო სკოლებში Covid-19-ის ვირუსის პრევენციის მიზნით აქტიურად მუშაობს სხვადასხვა მიმართულებით, მათ შორის, ინტენსიურად მიმდინარეობს Covid-19-ზე მასწავლებელთა ტესტირება. სკოლებში შექმნილია უსაფრთხო გარემო და მაქსიმალურად არის დაცული ჯანდაცვის სფეროს რეკომენდაციები“, - ნათქვამია ინფორმაციაში.

საგანმანათლებლო დაწესებულების მანდატურის სამსახურმა საქართველოს მასშტაბით მანდატურების შესარჩევი კონკურსი გამოაცხადა. ვაკანტურია 80-მდე  ადგილი, აქედან ქუთაისშია 3 ვაკანსია,სამტრედიასა და ჭიათურაში თითო-თითო, ორი ზესტაფონში და  ერთი ზესტაფონის მუნიციპალიტეტის დაბა შორაპანში.ხონშია ორი ვაკანსია.

განცხადებების მიღება 10 დეკემბრიდან დაიწყო და  19 დეკემბრის ჩათვლით გაგრელდება.

 მანდატურად შეუძლია იმუშაოს  საქართველოს მოქალაქემ, 21 წლის ასაკიდან, უნდა იყოს ნასამართლობის არმქონე და სახელმწიფო ენის მცოდნე, სრული ზოგადი განათლებით, პროფესიულ განათლებასთან ერთად ან უმაღლესი განათლებით.

მანდატურის შრომის ანაზღაურება 750 ლარია.

 http://mandaturi.gov.ge/new/394-mandaturta-shesarchevi-konkursi

კორონავირუსის გავრცელების გამო ქუთაისში   რამდენიმე ბაგა-ბაღია დახურული.

როგორც ა(ა)იპ ქუთაისის ბაგა-ბაღების გაერთიანების მმართველმა დავით წიტაიშვილი ამბობს, სააღმზრდელო პროცესი შეჩერებულია მე-4; მე-8; 36-ე და 24-ე ბაგა-ბაღებში. აღნიშნულ ბაღებში სასწავლო პროცესი ეტაპობრივად, 2 კვირის ვადაში აღდგება. ქალაქში სულ 37 ბაგა-ბაღი ფუნქციონირებს.

ქუთაისის საგანმანათლებლო რესურსცენტრის ხელმძღვანელის, მაია ცქიტიშვილის განაცხადებით, კორონავირუსის გამო სრულად ონლაინ რეჟიმზეა ორი-  მე-7 და მე-16 საჯარო სკოლები. ამასთანავე დისტანციურად სწავლობს სხვადასხვა სკოლის 62 კლასი.

რაც შეეხება სკოლამდელი აღზრდის დაწესებულებებს, დღეს არსებული მონაცემებით სააღმზრდელო პროცესი შეჩერებულია სამ-  მე-20; 24-ე და 28-ე ბაგა-ბაღებში.

 ქუთაისის რესურსცენტრის ხელმძღვანელის, მაია ცქიტიშვილის ინფორმაციით,  სრულ დისტანციურ რეჟიმზეა 2 საჯარო სკოლა-  31-ე და მე-16 საჯარო სკოლები, ასევე სხვადასხვა სკოლის 144 კლასი.